ଦିଗପହଣ୍ଡି,୧।୧୨(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡିସ୍ଥିତ ଦିବ୍ୟ ପବ୍ଲିକ ସ୍କୁଲ ପରିସରରେ ସୋମବାର ବିଜ୍ଞାନମେଳା ଅନୁଷ୍ଠିତ ହୋଇଯାଇଛି । ସ୍କୁଲ ପରିଚାଳନା କମିଟି ସଭାପତି ବିଶ୍ବନାଥ ପାତ୍ରଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ୍ ଦିଗପହଣ୍ଡି ବ୍ଲକ ଗୋଷ୍ଠୀ ଶିକ୍ଷାଧିକାରୀ ଡ. ଶଙ୍କର ନାରାୟଣ ବେଜ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଖେମୁଣ୍ଡି କଲେଜ ଅଧ୍ୟକ୍ଷ ଡ଼. ଅସିତ କୁମାର ଷଡଙ୍ଗୀ ଏବଂ ସିଆରସିସି ଅନୀଲ କୁମାର ଦାସ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ। ଏହି ମେଳାରେ ନର୍ସରୀ ଶ୍ରେଣୀ ଠାରୁ ୯ ଶ୍ରେଣୀରେ ଅଧ୍ୟୟନରତ ୨୩୦ ଛାତ୍ରୀଛାତ୍ର ଅଂଶଗ୍ରହଣ କରି ପ୍ରାଣୀ ସମ୍ପଦ ପାଳନ ଓ ସୁରକ୍ଷା , ସୋଲାର ସିଷ୍ଟମ , ଜଳଚକ୍ର , ପାଣିପାଗ ଓ ଜଳବାୟୁ , ପୃଷ୍ଟିକର ଖାଦ୍ୟ ଓ ସ୍ମାର୍ଟ ଡଷ୍ଟବିନ ସମ୍ବନ୍ଧୀୟ ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ।
ବିଚାରକ ଭାବେ ଭୀଷ୍ମଗିରି କଲେଜ ଅଧ୍ୟାପକ ନାରାୟଣ ବିଶ୍ୱାସରାୟ , ଖେମୁଣ୍ଡି କଲେଜ ଅଧ୍ୟାପକ ଅବିନାଶ ଚନ୍ଦ୍ର ପାଢୀ , ବାଳିକା ଉଚ୍ଚ ବିଦ୍ୟାଳୟ ଶିକ୍ଷକ ଉମାଶଙ୍କର ସାହୁ , ପଦ୍ମନାଭପୁର ସରସତୀ ଶିଶୁ ମନ୍ଦିର ଆଚାର୍ଯ୍ୟ ଅବିନାଶ ବିଷୋୟୀ , ବ୍ରହ୍ମପୁରର ବିଭିନ୍ନ ସ୍କୁଲରୁ ଆସିଥିବା କମଲେଶ ରାଉତ, ଅମିତ କୁମାର ସିଂ, ପ୍ରଦ୍ୟୁମ୍ନ କୁମାର ମିଶ୍ର ଯୋଗଦେଇ ଛାତ୍ରୀଛାତ୍ରଙ୍କ ଦ୍ୱାରା ପ୍ରଦର୍ଶିତ ପ୍ରକଳ୍ପ ଗୁଡ଼ିକର ମୂଲ୍ୟାୟନ କରିଥିଲେ । ସ୍କୁଲ ଅଧ୍ୟକ୍ଷ ଏନ . ରାଜକିଶୋର ସଭାକାର୍ଯ୍ୟଦ୍ ସଂଯୋଜନା କରିଥିବା ବେଳେ ସ୍କୁଲ ଉପାଧ୍ୟକ୍ଷା ସୁଷମା ଗୈାଡ ମେଳା ପରିଚାଳନା କରିଥିଲେ । ଉଦ୍ଯାପନୀ ସମାରୋହରେ ବିଭିନ୍ନ ବିଭାଗରୁ ପ୍ରଦର୍ଶିତ ଶ୍ରେଷ୍ଠ ପ୍ରକଳ୍ପ ପ୍ରଦର୍ଶନ କରିଥିବା କୃତି ଛାତ୍ରୀ ଛାତ୍ରମାନଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା। ଶେଷରେ ସ୍କୁଲ ଶିକ୍ଷକ ରାକେଶ ନାୟକ ଧନ୍ୟବାଦ ଅର୍ପଣ କରିଥିଲେ।
