ପଶ୍ଚିମ ବଡ଼ଚଣାରେ ବେଆଇନ ମାଙ୍କଡ଼ା ଖାଦାନ

ଚଣ୍ଡିଖୋଲ,୨୪ା୬(ଡି.ଏନ.ଏ.): ଦର୍ପଣ ତହସିଲ ଅନ୍ତର୍ଗତ ପଶ୍ଚିମ ବଡ଼ଚଣା କୁହାଯାଉଥିବା ପ୍ରାୟ ୪ଟି ପଞ୍ଚାୟତରେ ବ୍ୟାପକ ବେଆଇନ ମାଙ୍କଡ଼ା ଖାଦାନ ଚାଲୁଛି। ଯେଉଁଦିନ ତହସିଲ ତରଫରୁ ଚଢ଼ାଉ କରାଯାଉଛି ସେହି ଦିନଟି ଖାଦାନ ବନ୍ଦ ରହୁଥିବାବେଳେ ଅନ୍ୟଦିନ ଖାଦାନରେ ବ୍ୟାପକ କାରବାର ହେଉଛି। ପଥର ମାଫିଆମାନେ ଦୀର୍ଘ ୧ ମାସ ହେବ ସକ୍ରିୟ ହୋଇ ଉଠିଛନ୍ତି। ବୈରୀ ଥାନା ପାଖଦେଇ ଚୋରା ମାଙ୍କଡ଼ା ଗାଡ଼ିଗୁଡ଼ିକ ଯାଉଥିବାବେଳେ ପୋଲିସର ନୀରବତା ସାଧାରଣରେ ସନ୍ଦେହ ସୃଷ୍ଟି କରିଛି। ଏହି ତହସିଲ ଅଧୀନ ବୈରୀ, ଅମିୟଝରି, ନିମଡ଼ିହ, ବରଗଡ଼ା ଓ ଶାଳପଡ଼ା ଆଦି ସ୍ଥାନରେ ୧୦ରୁ୧୨ଟି ବେଆଇନ ଖାଦାନ ଚାଲୁଛି। ତହସିଲ ତରଫରୁ ବୈରୀର ଗୋଟିଏ ବେସରକାରୀ ଜାଗାରୁ ମାଙ୍କଡ଼ା ଖନନ ପାଇଁ ଅନୁମତି ପ୍ରଦାନ କରାଯାଇଥିବାବେଳେ ଏହାର ସୁଯୋଗ ନେଇ ମାଫିଆ ବିଭିନ୍ନ ସ୍ଥାନରୁ ଖାଦାନ ସୃଷ୍ଟି କରି ଖନନ କରୁଛନ୍ତି। ମେଶିନ ସାହାଯ୍ୟରେ ରାତିଅଧରେ ଦୈନିକ ଶହଶହ ଟ୍ରିପ୍‌ ମାଙ୍କଡ଼ା ଖନନ କରାଯାଇ ବାହାରକୁ ଚାଲାଣ କରାଯାଉଛି। ଏପରି କି କେତେକ ସ୍ଥାନରେ ମାଙ୍କଡ଼ା ପଥରକୁ ଗଚ୍ଛିତ ରଖାଯାଇ ସୁବିଧା ସୁଯୋଗ ଦେଖି ଚାଲାଣ କରାଯାଉଛି। ଗୋଟିଏ ବେସରକାରୀ ଜମିକୁ ଅନୁମତି ଦିଆଯାଇଥିବା ବେଳେ ମାଫିଆ ଜଙ୍ଗଲ ଜମି ଓ ସରକାରୀ ଜମିରୁ ମଧ୍ୟ ପଥର ଖନନ କରୁଛନ୍ତି। ଗତ ସପ୍ତାହରେ ଏ ସମ୍ପର୍କରେ ଅଭିଯୋଗ ପାଇ ଦର୍ପଣ ତହସିଲଦାରଙ୍କ ସ୍ବତନ୍ତ୍ର ସ୍କ୍ବାଡ୍‌ ଚଢ଼ାଉ କରି ୩ ଟ୍ରକ୍‌ ଓ ଗୋଟିଏ ଜେସିବି ମେଶିନ ଜବତ କରିଥିଲା। ତେବେ ଏଭଳି ଚଢ଼ାଉକୁ ନଜର ରଖି ମାଫିଆ ରାସ୍ତା ଉପରେ ଲୋକଙ୍କୁ ଠିଆକରି ରଖୁଛନ୍ତି ଏବଂ ସେମାନେ ତହସିଲ ତରଫରୁ ଚଢ଼ାଉ ହେବାର ଖବର ପାଇ ସଙ୍ଗେସଙ୍ଗେ ସୂଚନା ଦେଉଛନ୍ତି। ବୈରୀ ରେଞ୍ଜ ଅଫିସ ଓ ଥାନାଠାରୁ ମାତ୍ର ଏକ କିଲୋମିଟର ଦୂରରେ ଏଭଳି ବେଆଇନ ଖାଦାନ ଚାଲୁଥିବା ବେଳେ ବିଭାଗୀୟ ଅଧିକାରୀ ଏହା ଜାଣିଥିଲେ ମଧ୍ୟ ନୀରବତା ଅବଲମ୍ବନ କରୁଛନ୍ତି।
ସୂଚନା ଥାଉକି, ୨୦୧୧ ମସିହାରେ ତତ୍କାଳୀନ କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ ଅରବିନ୍ଦ ପାଢ଼ୀ ବେଆଇନ ମାଙ୍କଡ଼ା ଖାଦାନ ଚାଲୁଥିବା ନେଇ ଖବର ପାଇ ଆସିଥିବାବେଳେ ସେତେବେଳେ ୪ଜଣ ସରକାରୀ କର୍ମଚାରୀଙ୍କୁ ଏଥିରେ ସମ୍ପୃକ୍ତି ଥିବାନେଇ ନିଲମ୍ବିତ କରିଥିଲେ। ବନବିଭାଗ ଓ ରାଜସ୍ବ ବିଭାଗର ଏହି ୪କର୍ମଚାରୀଙ୍କୁ ନିଲମ୍ବିତ ହେବାପରେ ସେଠାରେ ସରକାରୀ ଅଧିକାରୀଙ୍କ ମଧ୍ୟରେ ସେତେବେଳେ କୋକୁଆଭୟ ସୃଷ୍ଟି ହୋଇଥିଲା। ଉଚ୍ଚସ୍ତରୀୟ କାର୍ଯ୍ୟାନୁଷ୍ଠାନ ନ ହେବା ହେତୁ ମାଫିଆ ସକ୍ରିୟ ହୋଇ ଉଠିଛନ୍ତି। ବୈରୀ ପଞ୍ଚାୟତ ଅନ୍ତର୍ଗତ ବଗଉଠାରେ ଏକ ବେଆଇନ ଖାଦାନ ଚାଲିଥିବାବେଳେ ସୀମା ନିର୍ଦ୍ଧାରଣ ନ ହୋଇଥିବା ହେତୁ ସେମାନେ ଦର୍ପଣ ତହସିଲ ଅଞ୍ଚଳରେ ଖୋଳୁଥିବା ବେଳେ ଏହା ଟାଙ୍ଗୀ ତହସିଲର ବୋଲି କହୁଥିବା ଦେଖିବାକୁ ମିଳିଛି। ଏ ସମ୍ପର୍କରେ ଦର୍ପଣ ତହସିଲଦାର ପ୍ରଦୀପ କୁମାର ସେଠୀଙ୍କୁ ପଚାରିବାରେ ସେ କୁହନ୍ତି, ବେଆଇନ ଖନନ ସମ୍ପର୍କରେ ଖବର ପାଇଲେ ସଙ୍ଗେସଙ୍ଗେ ଚଢ଼ାଉ ଜାରି ରହୁଛି ଏବଂ ସମ୍ପୃକ୍ତ ଗାଡ଼ି ମାଲିକଙ୍କ ନିକଟରୁ ମୋଟା ଅଙ୍କର ଜରିମାନା ମଧ୍ୟ ଆଦାୟ କରାଯାଉଛି। ଚଳିତ ବର୍ଷ ବେଆଇନ ଲଘୁ ଖଣିଜ ଦ୍ରବ୍ୟ ଚାଲାଣରେ ଆମ ତହସିଲ ସର୍ବାଧିକ ଜରିମାନା ଆଦାୟ କରିଛି। ଆଗକୁ ବେଆଇନ ଖନନକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ। ଏବେ ଦେଖିବାକୁ ଅପେକ୍ଷା କେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।


Enter your email to get our daily news in your inbox.

All Right Reserved By Dharitri.Com

୧୩ ଛକା, ୮ଚୌକା ଇତିହାସ ରଚିଲେ ରଜତ ପାଟିଦାର, ୧୩୫ ରନ କରି କଲେ ବଡ଼ ରେକର୍ଡ

ନୂଆଦିଲ୍ଲୀ,୧୬।୧୧: ନିଜର ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା ରଜତ ପାଟିଦାର, ଗତ କିଛି ବର୍ଷ ମଧ୍ୟରେ ଆଇପିଏଲ (IPL) ରେ ନିଜକୁ ଅନ୍ୟତମ ବିପଜ୍ଜନକ ମଧ୍ୟକ୍ରମ ବ୍ୟାଟର…

କିୱି ମାଟିରେ ଭାରତର କଡ଼ା ପରୀକ୍ଷା, ୧୫ ମିମି ଘାସ…

ନୂଆଦିଲ୍ଲୀ,୧୬।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ନଭେମ୍ବର ୧୯ ତାରିଖରୁ ୱେଲିଂଟନ୍‌ର ଐତିହାସିକ ବେସିନ୍‌ ରିଜର୍ଭ ଷ୍ଟାଡିୟମ୍‌ରେ ଆରମ୍ଭ ହେବ ପ୍ରଥମ ଟେଷ୍ଟ ମ୍ୟାଚ୍‌ । ଏହି…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ନିର୍ବାଚନ ମଇଦାନକୁ ଓହ୍ଲାଇବ CJP? ଅଭିଜିତ ଦୀପକେ ଗଠନ କଲେ ଟିମ୍‌

ନୂଆଦିଲ୍ଲୀ,୧୬।୧୧: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ, ଯେତେବେଳେ ବିଭିନ୍ନ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତି ଚଳାଇଛନ୍ତି, ସେହି ସମୟରେ ଅଭିଜିତ ଦୀପକେଙ୍କ ଦ୍ୱାରା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

ବାତ୍ୟା ଅକ୍ୱାନ; ୨୦ରେ ଲ୍ୟାଣ୍ଡଫଲ୍, ୧୩୦ କିମି ବେଗରେ ବହିବ ପବନ!

ଭୁବନେଶ୍ୱର, ୧୬ା୧୧: ଦକ୍ଷିଣ-ପୂର୍ବ ବଙ୍ଗୋପସାଗରରେ ସକ୍ରିୟ ଥିବା ସ୍ପଷ୍ଟ ଚିହ୍ନିତ ଲଘୁଚାପ ଅଧିକ ଘନୀଭୂତ ହୋଇ ରବିବାର ଅବପାତରେ ପରିଣତ ହୋଇଛି। ସୋମବାର ସନ୍ଧ୍ୟା ସୁଦ୍ଧା ଏହା…

ବିଳମ୍ବରେ ଉଠୁଛନ୍ତି କି? ହୋଇପାରେ ଏହି ବଡ଼ ସମସ୍ୟା

ଠିକ୍‌ ସମୟରେ ଖାଇବା ଏବଂ ଶୋଇବା ଆମକୁ ଅନେକାଂଶରେ ସୁସ୍ଥ ରଖିଥାଏ। ହେଲେ କେତେକ ବ୍ୟକ୍ତି ବିଳମ୍ବରେ ଖାଦ୍ୟ ଖାଇବା ଏବଂ ଶୋଇବାକୁ ଅଭ୍ୟାସରେ ପରିଣତ କରିଦେଇଥାଆନ୍ତି।…

ମୃତ୍ୟୁ ପୂର୍ବରୁ ନିଜ ଶ୍ରାଦ୍ଧ କରାଇଲେ ୮୦ ବର୍ଷୀୟ ବୃଦ୍ଧ; ୯୦୦ ଲୋକଙ୍କୁ ଦେଲେ ଭୋଜି, ଅଞ୍ଚଳରେ ଚର୍ଚ୍ଚା

ଲକ୍ଷ୍ନୌ,୧୬।୧୧: ସାଧାରଣତଃ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ଶ୍ରାଦ୍ଧ ଭୋଜିର ଆୟୋଜନ କରାଯାଏ । କିନ୍ତୁ ଉତ୍ତରପ୍ରଦେଶର ବାଗପତ ଜିଲା ଜୋହଡ଼ି ଗାଁରେ ଏକ ନିଆରା ଘଟଣା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?