ଦୁର୍ବଳ ଭିତ୍ତିଭୂମି ପ୍ରତି ପଡ଼ୁନି ଦୃଷ୍ଟି

ଛେଣ୍ଡିପଦା,୧୦।୮(ସ୍ବ.ପ୍ର.): ୪୧ ବର୍ଷର ପ୍ରାଥମିକ ବିଦ୍ୟାଳୟ। ହେଲେ ୫ଟି ଶ୍ରେଣୀର ପିଲାଙ୍କ ପାଇଁ ନାହିଁ ୫ଟି ଶ୍ରେଣୀଗୃହ। ଯେଉଁ ୩ଟି କୋଠରି ଅଛି, ସେଥିରୁ ୨ଟି ବିପଦପୂର୍ଣ୍ଣ। କେତେବେଳେ ଛାତରୁ ସିମେଣ୍ଟ ଖଣ୍ଡ ଖସୁଛି ତ ପୁଣି ବର୍ଷା ହେଲେ ଗଳୁଛି ପାଣି। ଜଳ ଯୋଗାଣ ପାଇପ୍‌ ବିଛାଯିବାକୁ ଭଙ୍ଗାଯାଇଥିବା ପାଚେରିର ଫାଟକ ଢଳି ରହିଥିଲେ ମଧ୍ୟ ତାହାର ପ୍ରତିକାର କରାଯାଉ ନାହିଁ। ଅନୁଗୋଳ-ଛେଣ୍ଡିପଦା ୬୩ନଂ. ରାଜ୍ୟ ରାଜପଥ ପାର୍ଶ୍ୱରେ ଥିବା ଛେଣ୍ଡିପଦା ବ୍ଲକ ରାଇଝରଣ ପଞ୍ଚାୟତ ଟାଙ୍ଗରସାହି ସରକାରୀ ପ୍ରାଥମିକ ବିଦ୍ୟାଳୟର ଭିତ୍ତିଭୂମି ଏତେ ଦୁର୍ବଳ ଅବସ୍ଥାରେ ଥିଲେ ବି ଏଥିପ୍ରତି ପ୍ରଶାସନର ଦୃଷ୍ଟି ପଡ଼ୁନାହିଁ। ଏହାକୁ ନେଇ ପରିଚାଳନା କମିଟି ଓ ଅଭିଭାବକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ୧୯୮୧ ମସିହାରେ ନିର୍ମିତ ଟାଙ୍ଗରସାହି ପ୍ରାଥମିକ ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀର ମୋଟ ୫୫ ପିଲା ପଢ଼ୁଛନ୍ତି। କିନ୍ତୁ ଆବଶ୍ୟକ ଶ୍ରେଣୀ ଗୃହ ଅଭାବ ଏକ ବଡ଼ ସମସ୍ୟା ସୃଷ୍ଟି କରୁଛି। ୫ଟି ଶ୍ରେଣୀର ପିଲାଙ୍କ ପାଇଁ ୫ଟି କୋଠରି ପ୍ରଶାସନ ନିର୍ମାଣ କରି ନ ଥିବାରୁ ଏଠାରେ ୩ଟି ଗୃହରେ ହିଁ ପିଲାଙ୍କୁ ବସିବାକୁ ପଡ଼ୁଛି। ପୂର୍ବରୁ ଥିବା ଏକ ଛାତ କୋଠରିର ଅବସ୍ଥା ଅତ୍ୟନ୍ତ ଖରାପ ଅବସ୍ଥାକୁ ଆସିଯାଇଛି। ଉପରୁ ସିମେଣ୍ଟ ଖଣ୍ଡ ଖସୁଥିବାରୁ ପିଲାଙ୍କ ପ୍ରତି ବିପଦ ଆଶଙ୍କା ରହିଛି। ବର୍ଷା ହେଲେ ପାଣି ଗଳୁଥିବାରୁ ପାଠପଢ଼ା ବାଧାପ୍ରାପ୍ତ ହେଉଛି। ସେହିପରି ଏକ ଟାଇଲ ଛାତ ଗୃହ ମଧ୍ୟ ବିପଦସଙ୍କୁଳ ଅବସ୍ଥାରେ ଅଛି। ତେବେ ଦୁଇବଖରା ଆଜବେଷ୍ଟସ ଘର ଭାଙ୍ଗି ମାତ୍ର ଗୋଟିଏ ନୂଆ ଛାତ କୋଠରି ନିର୍ମାଣ କରାଯିବା ଏକମାତ୍ର ଆଶ୍ୱାସନା ପାଲଟିଛି। ସେହିପରି ଗ୍ରାମ୍ୟ ମେଗା ଜଳଯୋଗାଣ ପ୍ରକଳ୍ପର ପାଇପ୍‌ ବିଛାଯିବା ପାଇଁ ୨ ପଟ ପାଚେରି ଭଙ୍ଗାଯାଇଥିବାବେଳେ ତାହାକୁ ନିର୍ମାଣ କରାଯାଉ ନାହିଁ। ଫଳରେ ବିଦ୍ୟାଳୟ ପରିସରରେ ଗୋରୁ ପଲ ପଶିଯାଉଥିବା ବେଳେ ରାତିରେ ମଦ୍ୟପଙ୍କ ଏହା ଆଡ଼୍ଡାସ୍ଥଳ ପାଲଟିଛି। ଦୁଇଟି ଫାଟକ ମଧ୍ୟ ଦୁର୍ବଳ ଅବସ୍ଥାରେ ରହିଛି। ଉକ୍ତ ଫାଟକ କାନ୍ଥ ଢଳି ରହିଥିବାରୁ ଛାତ୍ରୀଛାତ୍ରମାନେ ଭୟ ମଧ୍ୟରେ ଯାତାୟାତ କରୁଛନ୍ତି। ଦୟନୀୟ ହୋଇପଡ଼ିଥିବା ଏହି ଶିକ୍ଷାନୁଷ୍ଠାନ ସମ୍ପର୍କରେ ପରିଚାଳନା କମିଟି ଓ ଅଭିଭାବକଙ୍କ ପକ୍ଷରୁ ବାରମ୍ବାର ପ୍ରଶାସନର ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ ସମସ୍ୟାର ସମାଧାନ କରାଯାଉ ନାହିଁ। ଏହି ରାଜପଥ ଦେଇ ସର୍ବଦା ପ୍ରଶାସନିକ ଅଧିକାରୀମାନେ ଯାତାୟାତ କରୁଛନ୍ତି। ହେଲେ ସେମାନଙ୍କ ଦୃଷ୍ଟିରେ ଏହା କିପରି ପଡ଼ୁନାହିଁ ବୋଲି ଅଭିଭାବକମାନେ ପ୍ରଶ୍ନ କରିଛନ୍ତି।

 

ଭିତ୍ତିଭୂମି ସୁଦୃଢ଼ କରାଯାଉ
ବିଦ୍ୟାଳୟର ବିପଦପୂର୍ଣ୍ଣ ଅବସ୍ଥା ସମ୍ପର୍କରେ ବାରମ୍ବାର ପ୍ରଶାସନ ନିକଟରେ ଅଭିଯୋଗ କରାଯାଇଛି। ଆବଶ୍ୟକ ଶ୍ରେଣୀଗୃହ ନିର୍ମାଣ ପାଇଁ ଦାବି କରାଯାଇଛି। ହେଲେ ସମସ୍ୟାର ସମାଧାନ ଦିଗରେ କୌଣସି ପଦକ୍ଷେପ ନିଆଯାଉ ନାହିଁ। ତୁରନ୍ତ ଜିଲା ପ୍ରଶାସନ ଏହି ଶିକ୍ଷାନୁଷ୍ଠାନର ଭିତ୍ତିଭୂମି ସୁଦୃଢ଼ କରିବାକୁ ଦାବି ହେଉଛି।
-ଅନାମ ସାହୁ, ୱାର୍ଡ ସଭ୍ୟ
ବର୍ଷା ହେଲେ ପାଠପଢ଼ା ବନ୍ଦ
ବର୍ଷା ହେଲେ ଟାଙ୍ଗରସାହି ପ୍ରାଥମିକ ବିଦ୍ୟାଳୟ ଶ୍ରେଣୀଗୃହରୁ ପାଣି ଗଳୁଛି। ଫଳରେ ପିଲାଙ୍କ ପାଠପଢା ବନ୍ଦ ରହୁଛି। କୋଠରିଗୁଡ଼ିକ ବିପଦସଙ୍କୁଳ ଅବସ୍ଥାରେ ଥିବା ସତ୍ତ୍ୱେ ଛାତ୍ରୀଛାତ୍ରମାନଙ୍କୁ ସେଠାରେ ବସାଯାଉଛି। ବାରମ୍ବାର ଆପତ୍ତି ଅଭିଯୋଗ କରାଗଲେ ମଧ୍ୟ ତାହାକୁ କର୍ଣ୍ଣପାତ କରାଯାଉ ନାହିଁ।
ପ୍ରିୟଙ୍କା ବାରିକ, ପରିଚାଳନା କମିଟି ସଭାପତି
ବହୁ ଅସୁବିଧା ଭୋଗୁଛନ୍ତି ଛାତ୍ରୀଛାତ୍ର
ଦୀର୍ଘବର୍ଷର ଏହି ଶିକ୍ଷାନୁଷ୍ଠାନରେ ଛାତ୍ରୀଛାତ୍ରଙ୍କ ଆବଶ୍ୟକତା ଅନୁଯାୟୀ ଶ୍ରେଣୀଗୃହ ନିର୍ମାଣ କରା ନ ଯିବା ବଡ଼ ପରିତାପର ବିଷୟ। ଏ ନେଇ ବହୁବାର ଅଭିଯୋଗ ପରେ ଦୁଇଟି ପୁରୁଣା ଆଜବେଷ୍ଟସ ଗୃହ ଭାଙ୍ଗି ଗୋଟିଏ ମାତ୍ର ଶ୍ରେଣୀଗୃହ ନିର୍ମାଣ କରାଯାଇଛି। କିନ୍ତୁ ଏହା ସମସ୍ୟାର ସମାଧାନ କରିପାରି ନ ଥିବାରୁ ଛାତ୍ରୀଛାତ୍ରମାନେ ବହୁ ଅସୁବିଧା ଭୋଗୁଛନ୍ତି।
-ରଞ୍ଜନ କୁମାର ସାହୁ, ପୁରାତନ ଛାତ୍ର
ଅର୍ଥ ଆସିଲେ ନିର୍ମାଣ କାମ ହେବ
ପାଚେରି ଭାଙ୍ଗିଥିବା ସଂସ୍ଥା ଏ ନେଇ ଆବଶ୍ୟକ ଟଙ୍କା ଜମା କରିବା ପରେ ପାଚେରି ମରାମତି କରାଯିବ। ଜିଲା ଖଣିଜ ପାଣ୍ଠି ଅର୍ଥରେ ନୂତନ ଶ୍ରେଣୀଗୃହ ନିର୍ମାଣ ଓ ମରାମତି କରିବା ନିମନ୍ତେ ବିଡିଓଙ୍କୁ ଅବଗତ କରାଯାଇଛି। ଅର୍ଥ ଆସିଲେ କାର୍ଯ୍ୟ କରାଯିବ। ତେବେ ସରପଞ୍ଚ ଚାହିଁଲେ ବିଦ୍ୟାଳୟର ଉନ୍ନୟନ କାର୍ଯ୍ୟ କରିପାରିବେ।
-ମଧୁସ୍ମିତା ନନ୍ଦ, ବ୍ଲକ ଶିକ୍ଷା ଅଧିକାରୀ, ଛେଣ୍ଡିପଦା


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ବରରେ ପହଞ୍ଚିଲେ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ

ଭୁବନେଶ୍ୱର,୧୬।୧୧: ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ ସୋମବାର ସକାଳେ ଭୁବନେଶ୍ବରରେ ପହଞ୍ଚିଛନ୍ତି। ବିମାନ ବନ୍ଦରରେ ପହଞ୍ଚିବା ପରେ ସେଠାର ତାଙ୍କୁ ଭବ୍ୟ ସ୍ବାଗତ ଜଣାଇଛନ୍ତି ରାଜ୍ୟପାଳ ଓ ମୁଖ୍ୟମନ୍ତ୍ରୀ।…

Nvidia ଜେନସେନ ହୁଆଙ୍ଗଙ୍କୁ ପୁଣିଥରେ CEO ଭାବେ ନିଯୁକ୍ତ କରିବ? ଏଲନ ମସ୍କ ଦେଇଛନ୍ତି ପରାମର୍ଶ

ଓ୍ବାଶିଂଟନ,୧୬।୧୧: ବିଶ୍ୱର ଅନ୍ୟତମ ବୃହତ ଚିପ କମ୍ପାନୀ ‘ଏନଭିଡିଆ’ (Nvidia) ପୁଣି ଥରେ ଜେନସେନ ହୁଆଙ୍ଗଙ୍କୁ ନିଜର ସିଇଓ (CEO) ଭାବରେ ନିଯୁକ୍ତ କରିପାରେ। ଯଦିଓ ହୁଆଙ୍ଗ…

ତ୍ରିରଙ୍ଗା ପ୍ରତି ଅପମାନ ଦେଖି ତୁରନ୍ତ ସୁରକ୍ଷା ଅଧିକାରୀଙ୍କ ନିକଟକୁ ଗଲେ ମହମ୍ମଦ ସିରାଜ; ୫ମ ଦିନିକିଆ ମ୍ୟାଚର ଭିଡିଓ ହେଉଛି ଭାଇରାଲ

ନୂଆଦିଲ୍ଲୀ,୧୬।୧୧: ନ୍ୟୁଜିଲ୍ୟାଣ୍ଡ ବିପକ୍ଷ ପଞ୍ଚମ ଦିନିକିଆ ମ୍ୟାଚରେ ମହମ୍ମଦ ସିରାଜଙ୍କୁ ଚୂଡ଼ାନ୍ତ ଏକାଦଶରେ ସାମିଲ କରାଯାଇଥିଲା। ଏହି ମ୍ୟାଚରେ ସେ ଦୁଇଟି ୱିକେଟ ନେଇ ଦଳର ବିଜୟରେ…

ଆଜି ଓଡ଼ିଶା ଆସିବେ ଉପରାଷ୍ଟ୍ରପତି

ଭୁବନେଶ୍ୱର,୧୬।୧୧ (ରବିନାରାୟଣ ଜେନା): ଉପରାଷ୍ଟ୍ରପତି ସି. ପି. ରାଧାକ୍ରିଷ୍ଣନ ସୋମବାର ବିଧାନସଭାରେ ଗୃହର ସଦସ୍ୟମାନଙ୍କ ପାଇଁ ହେବାକୁ ଥିବା ଦିନିକିଆ ଓରିଏଣ୍ଟେଶନ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ। ଏଥିପାଇଁ…

ଆସିଆନ (ASEAN) ଶିଖର ସମ୍ମିଳନୀ ପାଇଁ ମନିଲାରେ ଏକତ୍ରିତ ହେବେ ବହୁ ନେତା, ଆଜି ଯାତ୍ରା କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ/ମନିଲା,୧୬।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନି ଦିନିଆ ଗସ୍ତରେ ସୋମବାର (ନଭେମ୍ବର ୧୬) ଫିଲିପାଇନ୍ସର ରାଜଧାନୀ ମନିଲାରେ ପହଞ୍ଚିବେ। ନିଜ ଗସ୍ତ ସମୟରେ ସେ ବାର୍ଷିକ ଭାରତ-ଆସିଆନ…

ଏଇ ଭାରତରେ

ରାଜସ୍ଥାନ ଥର୍‌ ମରୁଭୂମିରେ ଓଟମାନେ ଖାଦ୍ୟ ପାଇଁ ଚାରଣ ଭୂମି ଉପରେ ନିର୍ଭର କରିଥାନ୍ତି। ଏହା ହ୍ରାସ ପାଇଲେ ଓଟ ପାଳନ କରିବା କଷ୍ଟକର ହୋଇଯିବ। ଏଣୁ…

ଶିକୁଳିରେ ଗଣମାଧ୍ୟମ

ଭାରତରେ ମୁକ୍ତ ଏବଂ ଉତ୍ତରଦାୟିତ୍ୱସମ୍ପନ୍ନ ଗଣମାଧ୍ୟମର ଭୂମିକା ଅବସରରେ ପ୍ରତିବର୍ଷ ନଭେମ୍ବର ୧୬ ତାରିଖରେ ଜାତୀୟ ପ୍ରେସ୍‌ ଦିବସ ପାଳନ କରାଯାଏ । ଏହି ଦିନଟି ପ୍ରେସ୍‌…

ଡିଜିଟାଲ ମୃଗତୃଷ୍ଣା ନା ପ୍ରଗତିର ଦ୍ବାର

ଭୁବନେଶ୍ୱର ଜଟଣୀଠାରେ ପ୍ରଧାନମନ୍ତ୍ରୀଙ୍କ ଦ୍ୱାରା ଉଦ୍‌ଘାଟିତ ରିଜର୍ଭ ବ୍ୟାଙ୍କର ୧୬୯ କୋଟି ଟଙ୍କାର ଟାୟାର-୪ ଡାଟା ସେଣ୍ଟର ଓ ସାଇବର ପ୍ରଶିକ୍ଷଣ ଅନୁଷ୍ଠାନ ଏବଂ କଟକ ନରାଜର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?