ଖଣି ପ୍ରଭାବିତଙ୍କ ଦାବିକୁ ଅଣଦେଖା

ଯୋଡ଼ା, ୩୦।୮(ଡି.ଏନ.ଏ.): କେନ୍ଦୁଝର ଜିଲା ଯୋଡ଼ା ବ୍ଲକରେ କାର୍ଯ୍ୟକ୍ଷମ ଟାଟାଷ୍ଟିଲ ଲଙ୍ଗ ପ୍ରଡକ୍ଟ କମ୍ପାନୀ ୨୮ନଂ. ଜିଲା ପରିଷଦ ଜୋନ୍‌ ଅଧୀନ ୫ ପଞ୍ଚାୟତର ବାସିନ୍ଦାଙ୍କ ସମସ୍ୟାକୁ ଅଣଦେଖା କରିଆସୁଛି। ନିଯୁକ୍ତି, ପ୍ରଦୂଷଣ ଭଳି ୨୧ ଗୁରୁତ୍ୱପୂର୍ଣ୍ଣ ସମସ୍ୟା ସମାଧାନରେ କମ୍ପାନୀ କର୍ତ୍ତୃପକ୍ଷ ଆନ୍ତରିକତା ଦେଖାଉନାହାନ୍ତି। ଏହାର ପ୍ରତିବାଦରେ କାରଖାନା ପାର୍ଶ୍ୱବର୍ତ୍ତୀ ୫ ପଞ୍ଚାୟତବାସୀ ଏବଂ ନିର୍ବାଚିତ ପଞ୍ଚାୟତ ପ୍ରତିନିଧିଙ୍କ ମଧ୍ୟରେ ଅସନ୍ତୋଷ ତୀବ୍ର ହେବାରେ ଲାଗିଛି। କମ୍ପାନୀ କର୍ତ୍ତୃପକ୍ଷଙ୍କ ନୀରବତା ଅଞ୍ଚଳବାସୀଙ୍କ ସମସ୍ୟା ବଢ଼ାଇ ଚାଲିଥିବାବେଳେ ଏହାର ତ୍ୱରିତ ସମାଧାନ ନ ହେଲେ କାରଖାନା ଫାଟକ ସମ୍ମୁଖରେ ଆନ୍ଦୋଳନ କରାଯିବ ବୋଲି ସେମାନେ ଚେତାବନୀ ଦେଇଛନ୍ତି।
ଅଭିଯୋଗ ଅନୁଯାୟୀ, ବିରିକଳା, ଦେଓଝର, ଅସେଇଁକଳା, କଣ୍ଡରା, ଚମକପୁର ପଞ୍ଚାୟତର ନିର୍ବାଚିତ ପ୍ରତିନିଧିମାନେ କମ୍ପାନୀର ବରିଷ୍ଠ ଅଧିକାରୀଙ୍କୁ ଭେଟି ୨୧ ଦାବି ସମ୍ବଳିତ ଦାବିପତ୍ର ୪ ଥର ଦେଇଛନ୍ତି। ସ୍ଥାନୀୟ ଅଞ୍ଚଳର ଶିକ୍ଷିତ ଯୁବକଙ୍କୁ ଅଣଦେଖା କରି ବାହାର ଲୋକଙ୍କୁ ନିଯୁକ୍ତି ଦିଆଯିବାକୁ ସେମାନେ ବିରୋଧ କରି ଆସୁଛନ୍ତି। ଏଥିସହ ଛାତ୍ରୀଛାତ୍ରଙ୍କ ସୁବିଧା ଦୃଷ୍ଟିରୁ ଟାଟା ଡିଏଭି, ସେଣ୍ଟ ଟେରେସା ସ୍କୁଲକୁ ବସ୍‌ ଚଳାଚଳ, ଜନପ୍ରତିନିଧିଙ୍କୁ ଅଣଦେଖା କରି କମ୍ପାନୀ କର୍ତ୍ତୃପକ୍ଷ ମନଇଚ୍ଛା ଜାରି ରଖିଥିବା କମ୍ପାନୀ ସାମାଜିକ ଦାୟିତ୍ୱବୋଧ (ସିଏସ୍‌ଆର୍‌) କାର୍ଯ୍ୟ ବନ୍ଦ, ଖଣି ପ୍ରଭାବିତ ଲୋକଙ୍କ ମୌଳିକ ଅଧିକାରକୁ ଗୁରୁତ୍ୱ ପ୍ରଦାନ, ପଞ୍ଚାୟତ ପ୍ରତିନିଧିଙ୍କ ବିନା ସହମତିରେ କମ୍ପାନୀ କରୁଥିବା ଫୁଟବଲ ଟୁର୍ନାମେଣ୍ଟ ବନ୍ଦ କରିବା, କମ୍ପାନୀ ଅଧୀନରେ କାର୍ଯ୍ୟରତ ୟୁଏଇ ଠିକାସଂସ୍ଥାରେ ସ୍ଥାନୀୟ ଅଞ୍ଚଳର ଗାଡ଼ି ନିୟୋଜନ, ରେଲୱେ ସାଇଡିଂଠାରୁ ପ୍ଲାଣ୍ଟକୁ ସଂଯୋଗ କରୁଥିବା ୫୨୦ନଂ. ଜାତୀୟ ରାଜପଥକୁ ପ୍ରଦୂଷଣ ମୁକ୍ତ କରିବା, ଜମିହରାଙ୍କୁ ନିଯୁକ୍ତିରେ ଅଗ୍ରାଧିକାର, କମ୍ପାନୀ ଉତ୍ତୋଳନ କରୁଥିବା କଞ୍ଚାମାଲକୁ ସମ୍ପୂର୍ଣ୍ଣ ରେଳଯୋଗେ ପରିବହନ ନ କରି ସଡ଼କ ପଥରେ ପରିବହନ କରିବା ପ୍ରମୁଖ ଦାବି ରହିଛି। ତେବେ କମ୍ପାନୀ ଏହାକୁ ପୂରଣ ଦିଗରେ ଆଗ୍ରହ ଦେଖାଉନାହିଁ। ଏପରି କି ନବନିର୍ବାଚିତ ପ୍ରତିନିଧିଙ୍କ ସହ ଆଲୋଚନା ମଧ୍ୟ କରୁ ନାହିଁ। ଏଭଳି ମନମୁଖି କାର୍ଯ୍ୟ ପ୍ରତିବାଦରେ ସୋମବାର ବିଲେଇପଦାସ୍ଥିତ ରୂପାସାହିଠାରେ ବିରିକଳା ସରପଞ୍ଚ ମୁଖ ନାଏକ, ସମିତିସଭ୍ୟ ଜ୍ଞାନରଞ୍ଜନ ଖୁଣ୍ଟିଆ, ଦେଓଝର ସରପଞ୍ଚ ଧ୍ରୁବଚରଣ ନାଏକ, ସମିତିସଭ୍ୟା ଲକ୍ଷ୍ମୀ ମୁଣ୍ଡା, କଣ୍ଡରା ସରପଞ୍ଚ ରୀନା ନାଏକ, ସମିତିସଭ୍ୟ ସୋମନାଥ ମହାନ୍ତ, ବିରିକଳାର ସରପଞ୍ଚ ନାଏକଙ୍କ ସମେତ ବିଭିନ୍ନ ପଞ୍ଚାୟତର ଓ୍ବାର୍ଡସଭ୍ୟ, ଗ୍ରାମବାସୀ ଏକାଠି ହୋଇ ବୈଠକ କରିଛନ୍ତି। କମ୍ପାନୀ କର୍ତ୍ତୃପକ୍ଷ ଶୀଘ୍ର ଦାବି ପୂରଣ ନ କଲେ କମ୍ପାନୀ ଫାଟକ ସମ୍ମୁଖରେ ଜନଆନ୍ଦୋଳନ କରିବା ଲାଗି ବୈଠକରେ ନିଷ୍ପତ୍ତି ନିଆଯାଇଛି। ବିରିକଳା ସମିତିସଭ୍ୟ ଖୁଣ୍ଟିଆ କହିଛନ୍ତି, କମ୍ପାନୀ କର୍ତ୍ତୃପକ୍ଷ ସ୍ଥାନୀୟ ନିଯୁକ୍ତି କ୍ଷେତ୍ରରେ ଅନିୟମିତତା କରିଛନ୍ତି। ତେଣୁ ଏହାକୁ ପୁନର୍ବାର କରିବାକୁ ସେ ଦାବି କରିଛନ୍ତି।
ଏ ସମ୍ପର୍କରେ କମ୍ପାନୀର କର୍ପୋରେଟ୍‌ କମ୍ୟୁନିକେଶନ ଅଧିକାରୀ ଆର୍‌. ସୋମନାଥ କହିଛନ୍ତି, ନିର୍ବାଚନ ବେଳେ ନବନିର୍ବାଚିତ ପ୍ରତିନିଧିମାନେ ଗ୍ରାମବାସୀଙ୍କୁ କମ୍ପାନୀରେ ନିଯୁକ୍ତି କରାଇଦେବା, କମ୍ପାନୀକୁ କହି ସ୍କୁଲ ବସ୍‌ ଚଳାଇବା, ନିଃଶୁଳ୍କ ସ୍ବାସ୍ଥ୍ୟ ସେବା ଯୋଗାଇ ଦେବା ଆଦି ପ୍ରତିଶ୍ରୁତି ଦେଇଥିଲେ। ତେବେ ଏହିସବୁ ପ୍ରତିଶ୍ରୁତି କମ୍ପାନୀକୁ ପଚାରି ଦେବାର ଉଚିତ୍‌ ଥିଲା। କମ୍ପାନୀର ସିଏସ୍‌ଆର କାର୍ଯ୍ୟର ବଜେଟ୍‌ ଜାନୁୟାରୀରେ କରାଯାଇଥାଏ। ଜନପ୍ରତିନିଧିମାନେ ମାର୍ଚ୍ଚ କିମ୍ବା ଏପ୍ରିଲରେ ଏଭଳି ଦାବି କଲେ କମ୍ପାନୀ କେମିତି ଶୁଣିବ ବୋଲି ସେ ସ୍ପଷ୍ଟୀକରଣ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

୫ ବର୍ଷ ହେଲା ମ. ରାମପୁରରେ ସକ୍ରିୟ ରହିଛନ୍ତି ମାଓବାଦୀ

ମ.ରାମପୁର,୬ା୨(ଡି.ଏନ୍‌.ଏ.): କନ୍ଧମାଳ ସୀମାନ୍ତ କଳାହାଣ୍ଡି ଜିଲା ମ. ରାମପୁର ବ୍ଲକର ମୋହନଗିରି, ବାରବନ୍ଧା, ଉର୍ଲାଦାନୀ, ମାଣିକେରା ଆଦି ଅଞ୍ଚଳରେ ଗତ ୪ରୁ ୫ ବର୍ଷ ହେଲା...

କରୋନା ସହାୟତା ପାଇଁ ୨.0୩ କୋଟି ଦେଲେ ଆସିକା ଏମ୍‌ପି

ଆସିକା,୧ା୪(ଡି.ଏନ୍‌.ଏ.)- ଆସିକା ଏମ୍‌ପି ପ୍ରମିଳା ବିଷୋୟୀ କରୋନା ମୁକାବିଲା ପାଇଁ ୨କୋଟି ୩ଲକ୍ଷ ଟଙ୍କାର ସହାୟତା ପ୍ରଦାନ କରିଛନ୍ତି। ଏମ୍‌ପି ବିଷୋୟୀ ୩ଲକ୍ଷ ଟଙ୍କାର ଏକ...

କୁକୁରକୁ ବଳିଦେଇ ରକ୍ତ ପିଇଲେ ୫ଶିଶୁ

ବଲାଙ୍ଗୀର ଅଫିସ,୧।୩: ପରମ୍ପରା ନାଁରେ ପଶୁବଳି ଦିଆଯିବା ଘଟଣା ଶିଶୁ ମାନସିକତା ଉପରେ କିଭଳି କୁପ୍ରଭାବ ପକାଇଥାଏ ତାହା ବଲାଙ୍ଗୀର ଜିଲା ସଦର ଥାନା ଅନ୍ତର୍ଗତ...

ମା’ ସମଲେଶ୍ୱରୀ ପୀଠରେ ଧାର୍ଯ୍ୟ ହେଲା ନୂଆଁଖାଇ ଲଗ୍ନ

ବରଗଡ଼ ଅଫିସ,୧୫ା୮ : ବରଗଡ଼ ଅଧିଷ୍ଠାତ୍ରୀ ଦେବୀ ମା’ ସମଲେଶ୍ବରୀଙ୍କ ପୀଠରେ ଶନିବାର ନୂଆଖାଇ ଲଗ୍ନ ନିରୂପଣ କରାଯାଇଛି। ଧାର୍ଯ୍ୟ ଲଗ୍ନ ଅନୁଯାୟୀ, ଆସନ୍ତା ୨୨...

କେନ୍ଦ୍ର ସରକାରଙ୍କ କୃଷି, ଶ୍ରମିକ ବିରୋଧୀ ଆଇନ ପ୍ରଣୟନକୁ ବିରୋଧ

ଦିଗପହଣ୍ଡି,୨୩ା୯(ଡି.ଏନ୍‌.ଏ.):  ଗଞ୍ଜାମ ଜିଲା ଦିଗପହଣ୍ଡି ବସ୍‌ଷ୍ଟାଣ୍ଡଠାରେ ସର୍ବଭାରତୀୟ କେନ୍ଦ୍ରୀୟ ଟ୍ରେଡ୍‌ ୟୁନିୟନଙ୍କ ଡାକରା କ୍ରମେ ବୁଧବାର ସିପିଆଇ,ସିପିଆଇ (ଏମ୍‌) ଏବଂ କଂଗ୍ରେସ ସମର୍ଥିତ ଏଆଇଟିୟୁସି, ସିଆଇଟିୟୁ,...

ରାଜ୍ୟ ବାହାରୁ ଆସି ଘରେ ଲୁଚିଥିବା ଯୁବକ ଉଦ୍ଧାର

ତିର୍ତ୍ତୋଲ, ୨୮।୩ (ଡି.ଏନ୍‌.ଏ.)-ରାଜ୍ୟ ବାହାରୁ ଆସି ସ୍ବାସ୍ଥ୍ୟା ପରୀକ୍ଷା ନ କରାଇ ଘରେ ଲୁଚି ରହିଥିବା ତିର୍ତ୍ତୋଲ ବ୍ଲକ ତେନ୍ତୁଳିପଦା ପଞ୍ଚାୟତର ଜଣେ ଯୁବକଙ୍କୁ ଶନିବାର...

ଉତ୍ପାତ କରୁଥିବା ହାତୀକୁ ଟ୍ରାଙ୍କୁଲାଇଜ କଲେ ବିଶେଷଜ୍ଞ ଟିମ୍‌

ମହାକାଳପଡ଼ା,୧ା୧୧ (ଡି.ଏନ୍‌.ଏ.): ଯାଜପୁର ଜିଲାରୁ ଆସିଥିବା ହାତୀଟି ଉତ୍ପାତ ଚଳାଇଥିଲା। କେନ୍ଦ୍ରାପଡ଼ା ଜିଲା ମହାକାଳପଡା ବ୍ଲକ ଗଡ଼ରୋମିତ ପଞ୍ଚାୟତର ସୋବଳାର  ଗହୀର ପାଟ ଚାଷ ଜମିରେ...

କରୋନା ଲାଗି ୧୪୪ ଧାରା: ବ୍ରହ୍ମପୁରରେ ଶପିଂ ମଲ, ମାର୍କେଟ କମ୍ପ୍ଲେକ୍ସ ବନ୍ଦ କଲା ପ୍ରଶାସନ

ବ୍ରହ୍ମପୁର ଅଫିସ,୧୬।୩: କରୋନା ସଂକ୍ରମଣକୁ ରୋକିବା ନେଇ ଗଞ୍ଜାମ ଜିଲା ପ୍ରଶାସନ ପକ୍ଷରୁ ୧୪୪ ଧାରା ଜାରି ହୋଇଛି। ଜନଗହଳିକୁ ଏଡ଼ାଇବା ପାଇଁ ସୋମବାର ଜିଲା...

Advertisement
Archives

Model This Week