ନୂଆଦିଲ୍ଲୀ,୧୧।୫: ଅପରେଶନ ସିନ୍ଦୁର ଶେଷ ହୋଇନାହିଁ; ଯଦି ସେମାନେ ଗୁଳି ଚଳାନ୍ତି, ଆମେ ଗୋଲା ଚଳାଇବୁ, ଏବଂ ଯଦି ସେମାନେ ଆକ୍ରମଣ କରନ୍ତି, ଆମେ ପାଲଟା ଆକ୍ରମଣ କରିବୁ। ରିପୋର୍ଟ ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି: ‘ସେଠାରୁ ଗୁଳି ଚାଲିବ, ଏଠାରୁ ଗୋଲା ଚାଲିବ’। ରିପୋର୍ଟ ଅନୁସାରେ ପାକିସ୍ତାନ ଏୟାର ବେସ୍ ଉପରେ ହୋଇଥିବା ଆକ୍ରମଣ ଏକ ମୁଖ୍ୟ ଟର୍ନିଂ ପଏଣ୍ଟ ଥିଲା, ଯେଉଁଥିପାଇଁ ଦୁଇଦେଶ ମଧ୍ୟରେ ଯୁଦ୍ଧ ବିରତି ହୋଇଥିଲା।
ଭାରତ ଓ ପାକିସ୍ତାନର ଜାତୀୟ ସୁରକ୍ଷା ଉପଦେଷ୍ଟା ଏବଂ ବୈଦେଶିକ ମନ୍ତ୍ରୀମାନଙ୍କ ମଧ୍ୟରେ କୌଣସି ଆଲୋଚନା ହୋଇନଥିଲା। କେବଳ ଉଭୟ ଦେଶର ମିଲିଟାରୀ ଅପରେଶନ୍ସର ମହାନିର୍ଦ୍ଦେଶକ (ଡିଜିଏମଓ) ମାନଙ୍କ ମଧ୍ୟରେ ଆଲୋଚନା ହୋଇଥିବା ରିପୋର୍ଟ ହୋଇଛି।
ନ୍ୟୁୟର୍କ ଟାଇମ୍ସ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକାର ଉପ-ରାଷ୍ଟ୍ରପତି ଜେଡି ଭାନ୍ସଙ୍କୁ ସ୍ପଷ୍ଟ ଭାବେ କହିଛନ୍ତି ଯେ ଯଦି ପାକିସ୍ତାନ କିଛି କରେ, ତେବେ ପ୍ରତିକ୍ରିୟା ଅଧିକ ବିନାଶକାରୀ ଏବଂ ଶକ୍ତିଶାଳୀ ହେବ। ସେହି ରାତିରେ, ପାକିସ୍ତାନ ୨୬ଟି ସ୍ଥାନରେ ଆକ୍ରମଣ କରିଥିଲା, ଏବଂ ଭାରତ ଅତ୍ୟନ୍ତ ଶକ୍ତିଶାଳୀ ଭାବେ ପ୍ରତିକ୍ରିୟା ଦେଇଥିଲା। ସେମାନଙ୍କ ବେସ୍ଗୁଡ଼ିକ ଉପରେ ଆକ୍ରମଣ ଆରମ୍ଭ କରାଯାଇଥିଲା।
