ନୂଆଦିଲ୍ଲୀ,୭।୬: ଆଇପିଏଲ୍ ୨୦୨୬ରେ ନିଜର ବିସ୍ଫୋରକ ବ୍ୟାଟିଂ ଦ୍ୱାରା ସାରା ବିଶ୍ୱକୁ ଚକିତ କରିଥିବା ୧୫ ବର୍ଷର ଯୁବ କ୍ରିକେଟରବୈଭବ ସୂର୍ଯ୍ୟବଂଶୀଙ୍କୁ ଶନିବାର ଦିନ ଏକ ବଡ଼ ଉପହାର ମିଳିଛି। ମାତ୍ର ୧୫ ବର୍ଷ ୭୧ ଦିନ ବୟସରେ ବୈଭବଙ୍କୁ ଭାରତୀୟ କ୍ରିକେଟ ଦଳରେ ସାମିଲ କରାଯାଇଛି। ତାଙ୍କୁ ଇଂଲଣ୍ଡ ଏବଂ ଆୟରଲ୍ୟାଣ୍ଡ ଗସ୍ତ ସହିତ ଏସିଆନ୍ ଗେମ୍ସ ଦଳରେ ମଧ୍ୟ ସ୍ଥାନ ମିଳିଛି। ଏହି ସଫଳତାର ଠିକ୍ ଗୋଟିଏ ଦିନ ପରେ ରାଜସ୍ଥାନ ରୟାଲ୍ସ ପକ୍ଷରୁ ଏକ ଭିଡିଓ ଜାରି କରାଯାଇଛି, ଯେଉଁଥିରେ ବୈଭବ ନିଜର ଆଗାମୀ ଯୋଜନା ବିଷୟରେ ଆଲୋଚନା କରିଛନ୍ତି।
ଭିଡିଓରେ ବୈଭବ ରାଜସ୍ଥାନ ରୟାଲ୍ସର ଟିମ ମ୍ୟାନେଜର ରୋମି ଭିନ୍ଦରଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ବୈଭବ କହିଛନ୍ତି, ମୋର ଲକ୍ଷ୍ୟ କେବଳ କ୍ରିକେଟ ଖେଳିବା ନୁହେଁ। ଭଗବାନ ମୋତେ ଯେତେଦିନ ପର୍ଯ୍ୟନ୍ତ ଖେଳିବାର ସୁଯୋଗ ଦେବେ, ମୁଁ କ୍ରିକେଟ ଜଗତରେ ଆଧିପତ୍ୟ ଜମାଇବାକୁ କରିବାକୁ ଚାହେଁ। ମୁଁ ମୋ ଦଳ କିମ୍ବା ଫ୍ରାଞ୍ଚାଇଜ ପାଇଁ ଏଭଳି କ୍ରିକେଟ ଖେଳିବାକୁ ଚାହେଁ ଯାହା ଏକାକୀ ମ୍ୟାଚ ଜିତାଇ ପାରିବ। ଏଥିପାଇଁ ମୁଁ ଦିନରାତି କଠିନ ପରିଶ୍ରମ କରୁଛି।”
ରେଡ ବଲ କ୍ରିକେଟ ଖେଳିବା ନେଇ ସେ କହିଛନ୍ତି, ଅନେକ ଲୋକ ଜାଣିବାକୁ ଚାହାନ୍ତି ଯେ ମୁଁ ରେଡ ବଲ କ୍ରିକେଟ ଖେଳିବାକୁ ଚାହେଁ କି ନାହିଁ। ମୁଁ ସେମାନଙ୍କୁ କହିବାକୁ ଚାହେଁ ଯେ ମୁଁ ରେଡ ବଲ୍ରେ ପ୍ରଚୁର ଅଭ୍ୟାସ କରିଛି। ମୁଁ ମୋ ରାଜ୍ୟ ପାଇଁ ମଧ୍ୟ ଅନେକ ରେଡ୍ ବଲ କ୍ରିକେଟ ଖେଳିଛି ଏବଂ ମୁଁ କ୍ରିକେଟ୍ର ତିନୋଟି ଯାକ ଫର୍ମାଟ୍(ଟେଷ୍ଟ, ଦିନିକିଆ ଓ ଟି-୨୦) ଖେଳିବାକୁ ଚାହେଁ।
ସୂଚନାଯୋଗ୍ୟ, ଆଇପିଏଲ ୨୦୨୬ରେ ବୈଭବ ୧୬ଟି ମ୍ୟାଚ୍ରେ ୨୩୭.୩୧ର ଅଦ୍ଭୁତ ଷ୍ଟ୍ରାଇକ ରେଟ୍ରେ ବ୍ୟାଟିଂ କରି ଟି-୨୦ କ୍ରିକେଟ ଖେଳିବାର ପରିଭାଷା ବଦଳାଇ ଦେଇଛନ୍ତି। ନିଜର ଏହି ଧୂଆଁଧାର ଶୈଳୀ ସମ୍ପର୍କରେ ସେ କହିଛନ୍ତି ଯେ, ଏହି ଫର୍ମାଟ୍ର ଚାହିଦା ଅନୁଯାୟୀ ସେ ଏଭଳି ବ୍ୟାଟିଂ କରିଛନ୍ତି। ତେବେ ପରିସ୍ଥିତି ଅନୁସାରେ ସେ ରେଡ୍ ବଲ ଏବଂ ଦିନିକିଆ (ODI) କ୍ରିକେଟ ପାଇଁ ମଧ୍ୟ ନିଜ ବ୍ୟାଟିଂ ଶୈଳୀରେ ପରିବର୍ତ୍ତନ କରିପାରିବେ।
