ନୂଆଦିଲ୍ଲୀ,୫।୮: ଭାରତ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚ୍ ବୁଧବାରଠାରୁ ନଟିଂହାମରେ ଆରମ୍ଭ ହୋଇଛି। ପ୍ରଥମେ ବ୍ୟାଟିଂ କରି ଇଂଲଣ୍ଡ ୫୦.୨ ଓଭରରେ ୧୩୮ ରନ୍ କରିଛି। ତେବେ ଭାରତର ପ୍ରଦର୍ଶକୁ ଦେଖି ବର୍ତ୍ତମାନର ସିରିଜ ଜିତିବା ପାଇଁ ଟିମ୍ ଇଣ୍ଡିଆ ଏକ ଶକ୍ତିଶାଳୀ ପ୍ରତିନ୍ଦ୍ୱନ୍ଦ୍ୱୀ ବୋଲି କୁହାଯାଉଛି। ହେଲେ ପୂର୍ବତନ ଭାରତୀୟ ମହିଳା କ୍ରିକେଟ ଦଳର ମୁଖ୍ୟ ପ୍ରଶିକ୍ଷକ ଡବ୍ଲୁ. ଭି ରମଣଙ୍କୁ ତାହା ଲାଗୁ ନାହିଁ। ଇଂଲଣ୍ଡରେ ଭାରତ ଏହି ସିରିଜ ହାରିପାରେ। କାରଣ ସବୁବେଳେ ଚାପରେ ରହି କ୍ରିକେଟ ମ୍ୟାଚ୍ ଜିତିହେବ ନାହିଁ ବୋଲି ସେ କହିଛନ୍ତି।
ରମଣଙ୍କୁ କୋହଲି ଆଇସିସି ଟ୍ରଫି ଭାରତକୁ ଜିତାଇପାରିବେ କି ବୋଲି ମଧ୍ୟ ପ୍ରଶ୍ନ କରାଯାଇଥିଲା। ଏହାର ଜବାବରେ ସେ କହିଛନ୍ତି, ବିରାଟ ଆଇସିସି ଟ୍ରଫି ଜିତିବେ ବୋଲି ମୁଁ ଗ୍ୟାରେଣ୍ଟି ଦେଇପାରିବି ନାହିଁ। କୋହଲିଙ୍କ ଅଧିନାୟକତ୍ୱରେ ଭାରତୀୟ ଟିମ୍ ସମସ୍ତ ତିନୋଟି ଫର୍ମାଟରେ ଭଲ ପ୍ରଦର୍ଶନ କରିଛି। ଯଦି ଦେଖାଯାଏ ତେବେ ଭାରତ ପାଖରେ ଟି-୨୦ ବିଶ୍ୱକପ୍ ଜିତିବାର ବଡ଼ ସୁଯୋଗ ରହିଛ। କାରଣ ଏହା ଏପରି ଏକ ଫର୍ମାଟ ଯେଉଁ୍ଥିରେ କେଉଁ ମୂହୁର୍ତ୍ତରେ କ’ଣ ହେବ କେହି କହିପାରିବେ ନାହିଁ। ଏହା ହିଁ ଖେଳର ସୁନ୍ଦରତା। ଆଗକୁ ବିଶ୍ୱକପ୍ ଅଛି। ଯଦି କୋହଲିଙ୍କ ରେକର୍ଡ ଦେଖାଯାଏ ତେବେ ଏହି ଫର୍ମାଟରେ ତାଙ୍କର ସଫଳତାର ଫର୍ଦ୍ଦ ଲମ୍ବା। ଏଣୁ ଭାରତ ଟି-୨୦ ବିଶ୍ୱକପ୍କୁ ଜିତିପାରେ ବୋଲି ରମଣ କହିଛନ୍ତି।
