ଚେନ୍ନାଇ,୧୧।୨: ଭାରତ ବିପକ୍ଷ ଚେନ୍ନାଇ ଟେଷ୍ଟରେ ୨୨୭ରନ୍ରେ ବିଜୟ ଲାଭ କରିଥିଲା ଇଂଲଣ୍ଡ ଦଳ। ବୋଲିଂ, ଫିଲ୍ଡିଂ ଏବଂ ବ୍ୟାଟିଂକୁ ନେଇ ଖେଳାଳିମାନଙ୍କ ପ୍ରଶଂସା କରାଯାଉଛି। ଘରୋଇ ମଇଦାନରେ ଭାରତକୁ ପରାସ୍ତ କରିବା ପ୍ରଶଂସାର କଥା ବୋଲି କୁହାଯାଉଛି। ଏଭଳି ସ୍ଥିତିରେ ଦ୍ୱିତୀୟ ମ୍ୟାଚ୍କୁ ହାତେଇବା ପାଇଁ ଉଭୟ ଦଳ ଚେଷ୍ଟା କରିପାରନ୍ତି ବୋଲି କୁହାଯାଉଥିବା ବେଳେ ଇଂଲଣ୍ଡର ପୂର୍ବ ଅଧିନାୟକ ନାସିର ହୁସେନ୍ ଦଳକୁ ଚେତାଇଛନ୍ତି।
ଆସନ୍ତା ମ୍ୟାଚ୍ରେ ଇଂଲଣ୍ଡଙ୍କୁ ଭଲ ପ୍ରଦର୍ଶନ କରିବାକୁ ହେବ। କାରଣ ଭାରତ ଘରୋଇ ମ୍ୟାଚ୍କୁ ଜିତିବାକୁ ପୂର୍ଣ୍ଣ ପ୍ରୟାସ କରିବ। ଅଷ୍ଟ୍ରେଲିଆରେ ଦଳ ପ୍ରଥମ ମ୍ୟାଚ୍ ହାରିବା ପରେ ଜୋରଦାର ପ୍ରଦର୍ଶନ କରି ସିରିଜ୍ ହାତେଇଥିଲା। ଏଣୁ କିଛି ବି ହୋଇପାରେ। ଏହାଛଡ଼ା ଇଂଲଣ୍ଡକୁ ଦ୍ୱିତୀୟ ଟେଷ୍ଟରେ ଟସ୍ ଜିତିବାକୁ ହେବ ବୋଲି ମଧ୍ୟ ହୁସେନ କହିଛନ୍ତି।
ସ୍କାଇ ସ୍ପୋଟ୍ସରେ ନିଜ ଭାବନା ବ୍ୟକ୍ତ କରି ସେ କହିଛନ୍ତି, ଇଂଲଣ୍ଡ ସମସ୍ତଙ୍କୁ ଭୂଲ ପ୍ରମାଣିତ କରିଛି। କିଛି ଲୋକ ଭାରତ ୪-୦ରେ ସିରିଜ୍ ଜିତିବ ବୋଲି କହିଥିଲେ। କେହି ବି ଇଂଲଣ୍ଡ ଜିତିବ ବୋଲି କହି ନ ଥିଲେ। ଭାରତରେ ଟେଷ୍ଟ କ୍ରିକେଟ ଜିତିବା କଷ୍ଟକର। ଏହାସତ୍ତ୍ୱେ ତାଙ୍କ ଦଳ ବେଶ୍ ଉଲ୍ଲେଖନୀୟ ପ୍ରଦର୍ଶନ କରିଛି ବୋଲି ସେ କହିଛନ୍ତି।
