ଭାରତର ରାଷ୍ଟ୍ରପତି ଦେଶର ମୁଖ୍ୟ ହେବା ସହିତ ପ୍ରଥମ ନାଗରିକ ମଧ୍ୟ ଅଟନ୍ତି। ରାଷ୍ଟ୍ରପତି ମଧ୍ୟ ଭାରତୀୟ ସଶସ୍ତ୍ର ବାହିନୀର ସେନାଧ୍ୟକ୍ଷ ଅଟନ୍ତି। ଭାରତରେ ରାଷ୍ଟ୍ରପତି ନିର୍ବାଚକ ମଣ୍ଡଳ ସଦସ୍ୟମାନଙ୍କ ଦ୍ୱାରା ନିର୍ବାଚିତ ହୁଅନ୍ତି, ଯେଉଁଥିରେ ଉଭୟ ସଂସଦର ଗୃହ, ରାଜ୍ୟ ସଭାଗୁଡ଼ିକ ଏବଂ ୟୁନିୟନ ଅଞ୍ଚଳର ନିର୍ବାଚିତ ସଦସ୍ୟ ଅନ୍ତର୍ଭୁକ୍ତ ଥାନ୍ତି। ରାମ ନାଥ କୋବିନ୍ଦ ଏବେ ଭାରତର ରାଷ୍ଟ୍ରପତି । କୋବିନ୍ଦ ବିଶ୍ୱର ସର୍ବବୃହତ ରାଷ୍ଟ୍ରପତି ଭବନରେ ରୁହନ୍ତି। ଭାରତ ରାଷ୍ଟ୍ରପତିଙ୍କ ଦରମା ଏବଂ ଭତ୍ତା ଭାରତ ସଂସଦ ଦ୍ୱାରା ସ୍ଥିର ହୋଇଛି।
ଭାରତ ରାଷ୍ଟ୍ରପତିଙ୍କ ଦରମା ୫ ଲକ୍ଷ ଟଙ୍କା। ଏହାସହ ତାଙ୍କ ଅନ୍ୟାନ୍ୟ ସୁବିଧା ମଧ୍ୟ ମିଳିଥାଏ।
ବାସସ୍ଥାନ: ରାଷ୍ଟ୍ରପତି ଭବନ ହେଉଛି ଭାରତ ରାଷ୍ଟ୍ରପତିଙ୍କ ସରକାରୀ ବାସଭବନ। ନୂଆଦିଲ୍ଲୀରେ ଅବସ୍ଥିତ ରାଷ୍ଟ୍ରପତି ଭବନରେ ୩୪୦ ରୁମ ଏବଂ ଚଟାଣ କ୍ଷେତ୍ର ୨,୦୦,୦୦୦ ବର୍ଗଫୁଟ।
ଚିକିତ୍ସା ସୁବିଧା: ଭାରତର ରାଷ୍ଟ୍ରପତି ସାରା ଜୀବନ ପାଇଁ ମାଗଣା ଚିକିତ୍ସା ସେବା ପାଇବାକୁ ହକଦାର।
ସୁରକ୍ଷା: ଭାରତର ରାଷ୍ଟ୍ରପତି ଏକ କଳା ମର୍ସିଡିଜ ବେଞ୍ଜ ଏସ୍୬୦୦ (ଡବ୍ଲ୍ୟୁ୨୨୧) ପୁଲମାନ ଗାର୍ଡ ପାଇବାକୁ ହକଦାର ଥାନ୍ତି। ରାଷ୍ଟ୍ରପତିଙ୍କ ଅଫିସିଆଲ ଗସ୍ତ ପାଇଁ ଅସ୍ତ୍ରଶସ୍ତ୍ର ସହିତ ସଜ୍ଜିତ ଏକ ଲମ୍ବା ଲିମୋଜାସିନ ମଧ୍ୟ ଅଛି।
ଅବସର ପରେ ରାଷ୍ଟ୍ରପତି:
ଅବସର ପରେ ଭାରତର ରାଷ୍ଟ୍ରପତି ଅନେକ ଭତ୍ତା ପାଇଥାନ୍ତି। ଯେପରିକି…
– ପେନସନ ଭାବରେ ମାସକୁ ୧.୫ ଲକ୍ଷ
– ଏକ ସୁସଜ୍ଜିତ ମାଗଣା ବଙ୍ଗଳା
– ଦୁଇଟି ମାଗଣା ଲ୍ୟାଣ୍ଡଲାଇନ ଏବଂ ଏକ ମୋବାଇଲ ଫୋନ
– ପାଞ୍ଚ ଜଣ ବେସରକାରୀ କର୍ମଚାରୀ – କର୍ମଚାରୀଙ୍କ ଖର୍ଚ୍ଚ ବାର୍ଷିକ ୬୦.୦୦୦ ଟଙ୍କା
– ଟ୍ରେନ କିମ୍ବା ବିମାନରେ ସାଥୀଙ୍କ ସହିତ ମାଗଣା ଯାତ୍ରା।
