ବୌଦ୍ଧ,୧୫।୪( ଅଜିତ କୁମାର ବାରିକ): ବୌଦ୍ଧ ଜିଲା ହରଭଙ୍ଗା ବ୍ଲକ ଖୋର୍ଦ୍ଧା ବଲାଙ୍ଗୀର ଜାତୀୟ ରାଜପଥର ବଡବନ୍ଧଠରେ ମଙ୍ଗଳବାର ବିଳମ୍ବିତ ରାତିରେ ବାଇକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଛି । ମିଳିଥିବା ସୂଚନା ମୁତାବକ ରମ୍ଭିକଟା ଗ୍ରାମର ରାଜେଶ ନାୟକ (୨୧) ଓ ଜଗନ୍ନାଥ କଂହର ( ୨୨) ଏକ ବାଇକ ଯୋଗେ ମେରୁ ଯାତ୍ରା ଦେଖିବାକୁ ଯାଉଥିବାବେଳେ ବଡବନ୍ଧଠରେ ରାତ୩ଟା ବେଳେ ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ରାଜେଶର ମୃତ୍ୟୁ ହୋଇଥିବାବେଳେ ଜଗନ୍ନାଥ ଗୁରୁତର ହୋଇଛି । ଖବରପାଇ ପୁରୁଣା କଟକ ପୋଲିସ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ପୁରୁଣା କଟକ ମେଡିକାଲକୁ ଆଣିଥିଲେ। ତେବେ ଗୁରୁତର ଜଗନ୍ନାଥକୁ ବୁର୍ଲା ପଠାଯାଇଛି।
