ଆଜମେର,୨୨।୭:
ରାଜସ୍ଥାନ ଆଜମେରର ଏକ ବିବାହ ଉତ୍ସବର ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ବିବାହ କରିବାକୁ ଯାଉଥିବା ବର ଘୋଡ଼ୀରେ ବସିଥିବାର ଭିଡ଼ିଓରେ ଦେଖିବାକୁ ମିଳୁଛି। ହଠାତ୍ ବାଣ ଫୁଟିବାରୁ ଭୟରେ ଘୋଡ଼ୀ ବରଙ୍କୁ ଦୌଡ଼ିଥିଲା। ବରଙ୍କ ପଛେପଛେ ବରଯାତ୍ରୀ ଏବଂ ବରଙ୍କ ପରିବାର ସଦସ୍ୟମାନେ ଦୌଡ଼ିବା ଆରମ୍ଭ କରିଥିବା ଭିଡ଼ିଓରେ ଦେଖିବାକୁ ମିଳୁଛି। ଏହି ୧୪ ସେକେଣ୍ଡର ଭିଡ଼ିଓଟି ଆଜମେର୍ ଜିଲାର ନସିରାବାଦ ଅଞ୍ଚଳର ରାମପୁରା ଗାଁର ବୋଲି କୁହାଯାଉଛି। ଗାଁ ବାସିନ୍ଦା ରାମପ୍ରସାଦ ଜୁଲାଇ ୧୮ରେ ବିବାହ କରିବା ଲାଗି ଜୟପୁରର ମୂରଲୀପୁରା ଯାଉଥିଲେ। ସ୍ଥାନୀୟ ପରମ୍ପରା ଅନୁସାରେ ବାଣ ଫୁଟା ଯାଇଥିଲା। ତେବେ ଘୋଡ଼ୀ ଭୟରେ ତରକି ଯାଇ ଦୌଡ଼ିଥିଲା। ପ୍ରାୟ ୪ କିଲୋମିଟର ଦୌଡ଼ିବା ପରେ ଘୋଡ଼ୀକୁ ନିୟନ୍ତ୍ରଣ କରାଯାଇଥିଲା। ବିବାହ କରିବାକୁ ଯାଉଥିବା ବର ରାମପ୍ରସାଦଙ୍କ ଅବସ୍ଥାରେ ଭୟରେ ଖରାପ ହୋଇଯାଇଥିଲା। ତାଙ୍କ ଘୋଡ଼ୀରୁ ଓହ୍ଲାଇ ଦିଆଯାଇଥିଲା। ପରେ ବରଯାତ୍ରୀ ଯାତ୍ରା ଆରମ୍ଭ କରିଥିଲେ।
