ହଲିଉଡ୍ର ଲୋକପ୍ରିୟ ଅଭିନେତ୍ରୀ ତଥା ମଡେଲ ପାମେଲା ଏଣ୍ଡରସନ ପୁଣିଥରେ ବିବାହକୁ ନେଇ ଚର୍ଚ୍ଚାରେ ରହିଛନ୍ତି। ୫୩ ବର୍ଷୀୟା ପାମେଲା ନିଜର ବଡିଗାର୍ଡ ଡାନ୍ ହେହଷ୍ଟଙ୍କୁ ବିବାହ କରିଛନ୍ତି। ଏହା ତାଙ୍କର ୬ ତମ ବିବାହ। ପାମେଲା ନିଜେ ଏହି ବିବାହ ବିଷୟରେ ପ୍ରଶଂସକଙ୍କୁ ଜଣାଇଛନ୍ତି।
କିଛି ଦିନ ପୂର୍ବେ ପାମେଲା ତାଙ୍କ ବଡିଗାର୍ଡଙ୍କୁ ପ୍ରେମ କରୁଥିବା ଏବଂ ବିବାହ କରିବାକୁ ଚାହୁଁଥିବା କହିଥିଲେ। ସେ କହିଛନ୍ତି ଯେ, ମୁଁ ପ୍ରେମରେ ପଡ଼ିଛି। ଆମେ ଖ୍ରୀଷ୍ଟମାସ ସନ୍ଧ୍ୟାରେ ବିବାହ କରିଛୁ।
ପୂର୍ବରୁ ପାମେଲା ୪ ଜଣଙ୍କୁ ୫ ଥର ବିବାହ କରିସାରିଛନ୍ତି। ରିକ ସାଲୋମନଙ୍କୁ ସେ ୨ ଥର ବିବାହ କରିଥିଲେ। ଏହା ପୂର୍ବରୁ ସେ ୭୪ ବର୍ଷୀୟ ହଲିଉଡ୍ ପ୍ରଯୋଜକ ପିଟର୍ସଙ୍କୁ ୫ମ ବିବାହ କରିଥିଲେ। ଏହି ବିବାହର ମାତ୍ର ୧୨ ଦିନ ପରେ ଉଭୟ ପରସ୍ପରଠାରୁ ଅଲଗା ହେବାର ନିଷ୍ପତ୍ତି ନେଇଥିଲେ।
୨୦୧୦ରେ ପାମେଲାଙ୍କୁ ସଲମାନ୍ ଖାନ୍ଙ୍କ ଚର୍ଚ୍ଚିତ ରିଆଲିଟି ଶୋ’ ‘ବିଗ୍ ବସ୍-୪’ରେ ଦେଖିବାକୁ ମିଳିଥିଲା। ସେ ସବୁଠାରୁ ମହଙ୍ଗା ପ୍ରତିଯୋଗୀଙ୍କ ମଧ୍ୟରୁ ଅନ୍ୟତମ ଥିଲେ।
