ଯେତେବେଳେ ଜଣେ ଝିଅ ଏବଂ ପୁଅ ବିବାହର ପବିତ୍ର ବନ୍ଧନରେ ବାନ୍ଧି ହୋଇଯାଆନ୍ତିି, ସେତେବେଳେ ସେମାନଙ୍କର ଜୀବନର ଏକ ନୂତନ ଅଧ୍ୟାୟ ଆରମ୍ଭ ହୋଇଥାଏ। କିନ୍ତୁ ସମୟଚକ୍ରରେ ସୁଖୀ ଦାମ୍ପତ୍ୟ ଜୀବନରେ ମଧ୍ୟ ଅନେକ ସମସ୍ୟା ଦେଖାଦିଏ। ଏ ନେଇ ଅନେକ ସମୟରେ ସ୍ତ୍ରୀ-ସ୍ବାମୀଙ୍କ ମଧ୍ୟରେ ସମ୍ପର୍କ ବିଚ୍ଛିନ୍ନ ହୋଇଯାଏ। ଏପରି ପରିସ୍ଥିତିରେ, ଦମ୍ପତି ସାରା ଜୀବନ ପାଇଁ ଅଲଗା ରହିବାକୁ ପସନ୍ଦ କରିଥାଆନ୍ତି। ମାତ୍ର ଏହା ସମସ୍ୟାର ପ୍ରକୃତ ସମାଧାନ ନୁହେଁ। ତେଣୁ କିଛି କଥା ଅଛି, ଯାହା ଆପଣଙ୍କର ଦାମ୍ପତ୍ୟ ଜୀବନକୁ କ୍ଷତି ପହଞ୍ଚାଇଥାଏ। ଜାଣନ୍ତୁ ସେ ସମ୍ପର୍କରେ…
ସମସ୍ୟା ସମ୍ପର୍କରେ କଥା ନ ହେବା
ଅନେକ ସମୟରେ ଦେଖାଯାଏ ଯେ, ସ୍ତ୍ରୀ-ସ୍ବାମୀଙ୍କ ମଧ୍ୟରେ ସମସ୍ୟା ଥାଏ। ଯାହା ଉପରେ ଦୁହେଁ କଥାବାର୍ତ୍ତା କରି ନ ଥାଆନ୍ତି। ଯେଉଁ କାରଣରୁ କଥା ବହୁ ଆଗକୁ ବଢ଼ି ଅସୁବିଧା ହୋଇଥାଏ। ତେଣୁ ଚୁପ ରହିବା ସମସ୍ୟାର ସମାଧାନ ନୁହେଁ ।
ପୂର୍ବ ପ୍ରେମକୁ ମନେପକାଇବା
ବିବାହ ପରେ ପୂର୍ବ ପ୍ରେମ ସମ୍ପର୍କକୁ ନେଇ ଦମ୍ପତି କୌଣସି ଆଲୋଚନା କରିବା ଉଚିତ ନୁହେଁ। କିନ୍ତୁ ଅନେକ କ୍ଷେତ୍ରରେ ଦେଖାଯାଏ ସେମାନେ କ୍ରୋଧିତ ହୋଇ ପୂର୍ବତନ ପ୍ରେମିକ କିମ୍ବା ପ୍ରେମିକାଙ୍କ ପ୍ରଶଂସା କରନ୍ତି । ଏହା ଦାମ୍ପତ୍ୟ ସମ୍ପର୍କ ଉପରେ ପ୍ରଭାବ ପକାଇଥାଏ।
ମନ୍ଦଚିନ୍ତା ।
ଦୁନିଆରେ ଏପରି କୌଣସି ସ୍ତ୍ରୀ-ସ୍ବାମୀ ନାହାନ୍ତି, ଯେଉଁମାନଙ୍କ ମଧ୍ୟରେ ଆଦୌ କଳହ ନ ହୋଇଛି। ଏହାର ଅର୍ଥ ନୁହେଁ ଯେ, ତୁମେ ତୁମର ସ୍ବାମୀ କିମ୍ବା ପରିବାର ପାଇଁ ଖରାପ ଚିନ୍ତା କରିବ।
ପୁରୁଣା କଥାର ପୁନରାବୃତ୍ତି
ପ୍ରାୟତଃ ଦେଖାଯାଏ, ଯେତେବେଳେ କୌଣସି କଥାକୁ ନେଇ ସ୍ତ୍ରୀ-ସ୍ବାମୀଙ୍କ ମଧ୍ୟରେ ଝଗଡ଼ା ହୁଏ, ସେତେବେଳେ ଦୁହେଁ ପୁରୁଣା କଥା ବାହାର କରି ଝଗଡ଼ା କରନ୍ତି।
