ଚେନ୍ନାଇ,୨୬।୫: ଆଇପିଏଲ୍ ୨୦୨୪ର ଫାଇନାଲରେ ଟ୍ରାଭିସ ହେଡ ଏକ ଗୋଲଡେନ୍ ଡକ (ପ୍ରଥମ ବଲରେ ଆଉଟ)ରେ ଆଉଟ ହୋଇଥିଲେ। ଫାଇନାଲ ମ୍ୟାଚ୍ରେ ହାଇଦ୍ରାବାଦର ଷ୍ଟାର ଓପନର୍ କୋଲକାତାର ଦ୍ରୁତ ବୋଲର ବୈଭବ ଆରୋରାଙ୍କ ଶିକାର ହୋଇଥିଲେ। ଲିଗ ପର୍ଯ୍ୟାୟରେ ଚମତ୍କାର ବ୍ୟାଟିଂ କରିଥିବା ଟ୍ରାଭିସ ହେଡଙ୍କ ଠାରୁ ହାଇଦ୍ରାବାଦ ଦଳ ବହୁତ ଆଶା କରିଥିଲା, କିନ୍ତୁ ସେ ଏହାକୁ ପୂରଣ କରିପାରି ନ ଥିଲେ। ଲିଗ ପର୍ଯ୍ୟାୟର ହିରୋ ଥିବା ଟ୍ରେଭିଡ ହେଡ ଟୁର୍ନାମେଣ୍ଟର ପ୍ଲେ ଅଫ/ନକଆଉଟ ମ୍ୟାଚରେ ସମ୍ପୂର୍ଣ୍ଣ ଫ୍ଲପ ହୋଇଥିବା ଜଣାପଡିଛି।
ଟୁର୍ଣ୍ଣାମେଣ୍ଟର ପ୍ରଥମ ଯୋଗ୍ୟତା ମ୍ୟାଚ୍ରେ କୋଲକାତା ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଇଥିଲା। କେକେଆର ବିପକ୍ଷ ଏହି ପ୍ରଥମ ଯୋଗ୍ୟତା ପର୍ଯ୍ୟାୟରେ ହେଡ ଖାତା ନ ଖୋଲି ଦ୍ୱିତୀୟ ବଲରେ ଆଉଟ ହୋଇଥିଲେ। ବର୍ତ୍ତମାନ ଫାଇନାଲରେ ମଧ୍ୟ କେକେଆର୍ ବିପକ୍ଷରେ ହେଡ ଆଉଟ୍ ହୋଇଛନ୍ତି। ଟାଇଟଲ ମ୍ୟାଚରେ ହେଡ ପ୍ରଥମ ବଲରେ ବୋଲିଂ ହେବା ପରେ ପ୍ୟାଭିଲିୟନକୁ ଫେରିଥିଲେ।
ସୂଚନାଯୋଗ୍ୟ ଯେ, ଆଇପିଏଲ ୨୦୨୪ର ୧୫ଟି ମ୍ୟାଚରେ ହାରାହାରି ୪୦.୫୦ ଏବଂ ଷ୍ଟ୍ରାଇକ ରେଟ ୧୯୧.୫୫ରେ ହେଡ ୫୬୭ ରନ ସ୍କୋର କରିଥିଲେ। ଏହି ଅବଧିରେ ସେ ଗୋଟିଏ ଶତକ ଏବଂ ୪ ଅର୍ଦ୍ଧଶତକ ହାସଲ କରିଥିଲେ।
