ଭୁବନେଶ୍ୱର,୨୯।୬: ଝାଡ଼ଖଣ୍ଡର ଉପରମୁଣ୍ଡାରେ ପ୍ରବଳ ବର୍ଷା ଯୋଗୁଁ ଓଡ଼ିଶାର ବାଲେଶ୍ବର ଓ ମୟୂରଭଞ୍ଜ ଜିଲାରେ ପୁଣି ଥରେ ବନ୍ୟା ଆଶଙ୍କା ସୃଷ୍ଟି ହୋଇଛି। ସୁବର୍ଣ୍ଣରେଖା, ବୁଢ଼ାବଳଙ୍ଗ ଓ ଜଳକା ନଦୀ ତିନୋଟି ପ୍ରମୁଖ ନଦୀରେ ବନ୍ୟାର ଆଶଙ୍କା ଦୃଷ୍ଟିରୁ ପ୍ରଶାସନ ସଜାଗ ହୋଇଛି।
ରାଜଘାଟରେ ସୁବର୍ଣ୍ଣରେଖା ନଦୀ ଏବେ ୯.୫୦ ମିଟର ଉଚ୍ଚତାରେ ପ୍ରବାହିତ ହେଉଛି, ଯାହା ସତର୍କ ସଙ୍କେତ (୯.୪୫ ମିଟର) ଅତିକ୍ରମ କରିଛି। ବସ୍ତା ମଥାନୀରେ ଜଳକା ନଦୀ ୭.୧୯ ମିଟରରେ ପ୍ରବାହିତ ହେଉଛି, ଯାହା ବିପଦ ସଙ୍କେତ (୬.୫୦ ମିଟର)ରୁ ଅଧିକ। ସେହିପରି, ବୁଢ଼ାବଳଙ୍କ ନଦୀ ୭.୨୦ ମିଟର ଉଚ୍ଚତାରେ ଫୁଲିଛି।
ବନ୍ୟା ଆଶଙ୍କା ଦୃଷ୍ଟିରୁ ରାଜ୍ୟ ସରକାର ବାଲେଶ୍ବର ଓ ମୟୁରଭଞ୍ଜ ଜିଲାର ଜିଲାପାଳଙ୍କୁ ସତର୍କ ରହିବାକୁ ଏବଂ ସ୍ଥାନାନ୍ତର ଓ ରିଲିଫ୍ କାର୍ଯ୍ୟକ୍ରମଙ୍କୁ ମନିଟର କରିବାକୁ ଜଳସଂପଦ ନିର୍ଦ୍ଦେଶ ବିଭାଗ ଦେଇଛି।
