ସାଂଘାଇ,୧୮ ।୮: ଅସହ୍ୟ ଗରମରେ ଆଉଟୁ ପାଉଟୁ ହେଉଛି ଚାଇନା । ପ୍ରଚଣ୍ଡ ଗ୍ରୀଷ୍ମ ପ୍ରବାହ ସାଙ୍ଗକୁ ୟାଂଗତ୍ଜି ନଦୀର ଗୋଟିଏ ଭାଗ ଶୁ୍ଖି ଯିବାରୁ ଏହା ଲୋକଙ୍କ ସମସ୍ୟାକୁ ଆହୁରି ବଢାଇ ଦେଇଛି । ଏହି ରେକର୍ଡ ଭଙ୍ଗା ଗରମ ଯୋଗୁ ଫସଲ ନଷ୍ଟ ହେବା ସହ ପ୍ରାଣୀମାନେ ଅଧିକ ପରିମାଣରେ ସମସ୍ୟା ଭୋଗୁଛନ୍ତି । ଏମିତିକି ପ୍ରାଣୀମାନେ ବହୁ ପରିମାଣରେ ଜଳକଷ୍ଟ ସହ୍ୟ କରି ନ ପାରିବାରୁ ସେମାନଙ୍କର ମୃତ୍ୟୁ ହେଉଛି ।
କେନ୍ଦ୍ରୀୟ ଚାଇନାର ହୁବେଇ ଅଞ୍ଚଳରେ ଏକ ବ୍ୟାପକ ପାଣିପାଗ ସଂଶୋଧନ କାର୍ଯ୍ୟକ୍ରମର ଘୋଷଣା କରାଯାଇଛି । ବର୍ଷା ସୃଷ୍ଟି କରିବା ପାଇଁ ବାଦଲରେ ଆୟୋଡାଇଡ ଛଡ ଚଲାଇବାକୁ ବିମାନକୁ ନିଯୁକ୍ତ କରାଯାଇଛି । ୟାଂଗତଜିର ଅନ୍ୟ ଅଞ୍ଚଳରେ ବି କୃତ୍ରମ ବର୍ଷା ପାଇଁ ପ୍ରସ୍ତୁତି ଚାଲିଛି । ହେଲେ ବାଦଲ ପତଳା ଥିବାରୁ କିଛି ମରୁଡି ପ୍ରଭାବିତ ଅଞ୍ଚଳରେ କାର୍ଯ୍ୟକ୍ରମକୁ ରଦ୍ଦ କରାଯାଇଛି ।
ବୁଧବାର ପାଣିପାଗ ବିଶେଷଜ୍ଞମାନେ ରାଷ୍ଟ୍ରୀୟ ଜଳବାୟୁ କେନ୍ଦ୍ରର ତଥ୍ୟ ଆଧାରରେ କହିଛନ୍ତି ଚାଇନାରେ ହିଟୱେଭ ୬୪ ଦିନ ପର୍ଯ୍ୟନ୍ତ ଚାଲିବ । ୧୯୬୧ ପରେ ଏହା ସବୁଠାରୁ ଅଧିକ ଦିନର ହିଟୱେଭ । ଏବେ ଚାଇନାର କିଛି ସ୍ଥାନରେ ତାପମାତ୍ରା ୩୫ ଡିଗ୍ରୀ ଉପରେ ରହୁଥିବା ବେଳେ କିଛି ସ୍ଥାନରେ ଏହି ତାପମାତ୍ର ୪୪ ଡିଗ୍ରୀ ଅତିକ୍ରମ କରିଥିବା କୁହାଯାଉଛି ।
