ନୂଆଦିଲ୍ଲୀ,୧୫।୭: ଦେଶରେ କରୋନା ସଂକ୍ରମଣ ବଢୁଥିବା ବେଳେ ବର୍ତ୍ତମାନ ଚିନ୍ତା ବଢାଇଛି ମଙ୍କିପକ୍ସ ମାମଲା। କେରଳରୁ ଭାରତରେ ପ୍ରଥମ ‘ମଙ୍କିପକ୍ସ’ ମାମଲା ଚିହ୍ନଟ ହୋଇଛି। ଏହାପରେ ସ୍ବାସ୍ଥ୍ୟ ମନ୍ତ୍ରାଳୟ ସତର୍କ ହୋଇଯାଇଛି। ମନ୍ତ୍ରାଳୟ ପକ୍ଷରୁ ଶୁକ୍ରବାର କେତେକ ଗାଇଡ୍ଲାଇନ ଜାରି କରାଯାଇଛି। ଗାଇଡ୍ଲାଇନ ଅନୁସାରେ ବିଦେଶରୁ ଆସୁଥିବା ଯାତ୍ରୀ ଏବଂ ବିଶେଷ କରି ଚର୍ମରୋଗ ଥିବା ଲୋକଙ୍କଠାରୁ ଦୂରତା ବଜାୟ ରଖିବାକୁ ପରାମର୍ଶ ଦିଆଯାଇଛି। ଏପରିକି ଲୋକଙ୍କୁ ମାଙ୍କଡ଼, ସିମ୍ପାଞ୍ଜି, ଗୁଣ୍ଡୁଚି ମୁଷା, ସାଧାରଣ ମୁଷା ଆଦିଙ୍କ ସଂସ୍ପର୍ଶରେ ନ ଆସିବାକୁ ଗାଇଡ୍ଲାଇନରେ କୁହାଯାଇଛି। ଏପରି କି ବିଦେଶ ଯାତ୍ରା କରୁଥିଲେ ବଣୁଆ ପଶୁଙ୍କ ମାଂସ ନ ଖାଇବାକୁ ବାରଣ କରାଯାଇଛି। ଆରବ ଏମିରେଟ୍ସ (ୟୁଏଇ)ରୁ ଭାରତ ଫେରି ଥିରୁଭାନନ୍ତପୁରମ ବିମାନବନ୍ଦରେ ପହଞ୍ଚିଥିଲେ। ଯାତ୍ରୀଙ୍କଠାରେ ‘ମଙ୍କିପକ୍ସ’ର ଲକ୍ଷଣ ଦେଖାଯାଇଥିଲା। ପରେ ତାଙ୍କର ନମୁନା ପରୀକ୍ଷା ହେବା ପାଇଁ ପୁଣେ ସ୍ଥିତ ଏନ୍ଆଇଭି ପଠାଇଥିଲା । ତେବେ ରିପୋର୍ଟ ପଜିଟିଭ୍ ଆସିଥିଲା ଆସିବା ପରେ କେନ୍ଦ୍ର ସ୍ବାସ୍ଥ୍ୟ ବିଭାଗର ଏକ ଟିମ୍ ଗଠନ କରି କେରଳ ପଠାଇବାକୁ ନିଷ୍ପତ୍ତି ନେଇଛି ।
