ଶ୍ରୀନଗର,୨୬।୧୨ : ଜମ୍ମୁ-କଶ୍ମୀରର ପୁଞ୍ଚରେ ଡିସେମ୍ବର ୨୧ ରେ ହୋଇଥିବା ଆତଙ୍କବାଦୀ ଆକ୍ରମଣରେ ୫ ସେନା ଯବାନ ଶହୀଦ ହୋଇଥିଲେ। ଏହା ପରେ ସେନା ପକ୍ଷରୁ ଏକ ବଡ଼ ଧରଣର ସର୍ଚ୍ଚ ଅପରେଶନ କରାଯାଇ ଅଭିଯୁକ୍ତମାନଙ୍କୁ ଗିରଫ କରି ପଚରାଉଚରା କରାଯାଇଥିଲା। ସୂଚନାନୁସାରେ, ପୋଲିସ ଆଖପାଖ ଅଞ୍ଚଳରୁ ୮ ଜଣ ସନ୍ଦିଗ୍ଧଙ୍କୁ ଅଟକ ରଖିଥିଲା।
ତେବେ ପଚରାଉଚରା ପରେ ତାଙ୍କୁ ମୁକ୍ତ କରାଯାଇଥିବା ସେନା କହିିଛି। କିନ୍ତୁ ସର୍ଚ୍ଚ ଅପରେଶନ ବେଳେ ସୁରକ୍ଷା ବାହିନୀ ଦ୍ୱାରା ୩ ଜଣଙ୍କ ମୃତଦେହ ଜବତ କରାଯାଇଛି। ଏହା ପରେ ଉତ୍ତର କମାଣ୍ଡର କାର୍ଯ୍ୟାନୁଷ୍ଠାନ ଗ୍ରହଣ କରି ସ୍ଥାନୀୟ ବ୍ରିଗେଡିୟର୍ ସ୍ତରର ଅଧିକାରୀ ଏବଂ ସେନାର ଅନ୍ୟ ଦୁଇଜଣ ଅଧିକାରୀଙ୍କୁ ସ୍ଥାନାନ୍ତର କରିଥିଲେ। ସେନାର ଉଚ୍ଚ ପଦାଧିକାରୀମାନେ ଏହି ଘଟଣାର ତଦନ୍ତ କୋର୍ଟକୁ ନିର୍ଦ୍ଦେଶ ଦେଇଛନ୍ତି। ପଚରାଉଚରା ବେଳେ ସ୍ବାସ୍ଥ୍ୟ ଅବସ୍ଥା ଖରାପ ହେବା ପରେ ପାଞ୍ଚ ଜଣଙ୍କୁ ରାଜୌରୀ ମେଡିକାଲ କଲେଜରେ ଭର୍ତ୍ତି କରାଯାଇଛି।
ଏହି ସନ୍ଦିଗ୍ଧମାନଙ୍କୁ ପଚରାଉଚୁରାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଡାକ୍ତରଖାନାରେ ଭର୍ତ୍ତି ହୋଇଥିବା ପାଞ୍ଚ ଜଣଙ୍କ ମଧ୍ୟରୁ ଆଶ୍ରାଫ ଗଣମାଧ୍ୟମକୁ କହିଛନ୍ତି ତାଙ୍କୁ ଏବଂ ଅନ୍ୟ ସନ୍ଦିଗ୍ଧ ଲୋକଙ୍କ ଦେହରୁ ପୋଷାକ କାଢ଼ି ଠେଙ୍ଗା ଓ ଲୁହା ରଡରେ ପିଟା ଯାଇଥିଲା। ଏହା ପରେ ସେମାନଙ୍କ ଗୁପ୍ତାଙ୍ଗରେ ହୋଇଥିବା କ୍ଷତ ଉପରେ ଲଙ୍କାଗୁଣ୍ଡ ପକାଯାଇଥିଲା।
ଡାକ୍ତରଖାନାରେ ମହମ୍ମଦ ଆଶ୍ରାଫ (୫୨), ଫାରୁକ ଅହମ୍ମଦ (୪୫), ଫଜଲ ହୁସେନ (୫୦), ମହମ୍ମଦ ବେତାବ (୨୫) ଏବଂ ଅନ୍ୟ ଜଣେ ୧୫ ବର୍ଷ ବୟସ୍କ ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଡାକ୍ତରଖାନାରେ ଭର୍ତ୍ତି ହୋଇଥିବା ବର୍ଷୀୟ ମହମ୍ମଦ ଆଶ୍ରାଫ କହିଛନ୍ତି ଗତ ସପ୍ତାହରେ ତାଙ୍କୁ ଏବଂ ଅନ୍ୟ ଚାରି ଜଣଙ୍କୁ ସୁରକ୍ଷା ବାହିନୀ ପଚରାଉଚରା ପାଇଁ ଗିରଫ କରିଥିଲେ। ଭାଇରାଲ ଭିଡିଓରେ ସେ ସମାନ ବ୍ୟକ୍ତି ବୋଲି ଆଶରଫ କହିଛନ୍ତି। ତାଙ୍କୁ ଏତେ ମାଡ ଦିଆଯାଇଥିଲା ଯେ ଗତ ଶନିବାର ଠାରୁ ସେ ଶୋଇପାରୁ ନାହାନ୍ତି। ସେ କହିଛନ୍ତି ମୁଁ ଆଖି ବନ୍ଦ କରିବା ମାତ୍ରେ ସେନାର ନିର୍ଯାତନା ମୋ ଆଖିରେ ଦେଖା ଯାଉଛି। ମୁଁ ଭୟରେ କମ୍ପିବାରେ ଲାଗୁଛି।
ରାଜୌରୀ ଜିଲାର ଥାନାମାଣ୍ଡି ପୋଲିସ ଷ୍ଟେଶନ ଅଞ୍ଚଳର ହାସବାଲୋଟେ ଗାଁର ବାସିନ୍ଦା ଆଶ୍ରାଫ କହିଛନ୍ତ ସେ ୨୦୦୭ରୁ ଜମ୍ମୁ-କଶ୍ମୀରରେ ଶକ୍ତି ବିକାଶ ବିଭାଗର ଲାଇନମ୍ୟାନ ଭାବରେ କାର୍ଯ୍ୟ କରୁଛନ୍ତି। ଚଳିତ ବର୍ଷ ମାର୍ଚ୍ଚ୨୩ ରେ ତାଙ୍କ ସ୍ତ୍ରୀଙ୍କର ମୃତ୍ୟୁ ହୋଇଥିଲା। ସେ ତାଙ୍କର ତିନି ସନ୍ତାନ, ୧୮ ବର୍ଷର ଝିଅ, ୧୫ ଏବଂ ୧୦ ବର୍ଷର ପୁଅ ସହିତ ଗାଁରେ ରୁହନ୍ତି। ଆଶ୍ରାଫ କହିଛନ୍ତି ମାଡ଼ ଯୋଗୁ ଆମ ମଧ୍ୟରୁ କେହି ଉଠି ବସି ପାରୁ ନାହାନ୍ତି। ଆମକୁ ଶୌଚାଳୟକୁ ଯିବାକୁ ଏକ ହ୍ବିଲ ଚେୟାରରେ ଯିବାକୁ ପଡୁଛି । ଅପରପକ୍ଷରେ, ସେନା ପିଆରଓ କହିଛନ୍ତି ରାଜୌରୀ ମେଡିକାଲ କଲେଜରେ ଭର୍ତ୍ତି ହୋଇଥିବା ଲୋକଙ୍କ ବିଷୟରେ ତାଙ୍କ ପାଖରେ କୌଣସି ସୂଚନା ନାହିଁ।
Indian Army kills 3 Kashmiri Muslims and torture many; state orders inquiry and compensation. Cycle continues without AFSPA withdrawal, granting impunity to the army.#Poonch #Kashmir #Rajouri #KashmiriLivesMatter pic.twitter.com/5zBfmabTBF
— Faheem (@stoppression) December 24, 2023
