କୋଲକାତା,୨୨।୧: ଚାମ୍ପିୟନ୍ସ ଟ୍ରଫି ପାଇଁ ଭାରତୀୟ ଦଳର ଚୟନକୁ ନେଇ ଚର୍ଚ୍ଚା ଜାରି ରହିଥିଲା ବେଳେ ଲେଗ ସ୍ପିନର ୟୁଜବେନ୍ଦ୍ର ଚହଲଙ୍କ ପ୍ରସଙ୍ଗ ଉଠାଇଛନ୍ତି ପୂର୍ବତନ ବାହାରତୀୟ କ୍ରିକେଟର ଆକାଶ ଚୋପ୍ରା। ସେ ଅଭିଯୋଗ ଲଗାଇଛନ୍ତି ଯେ, ବିସିସିଆଇ ଏବଂ ଟିମ୍ ମ୍ୟାନେଜମେଣ୍ଟ ବିନା କୌଣସି କାରଣରେ ଚହଲଙ୍କ କ୍ୟାରିୟରରେ ପୂର୍ଣ୍ଣଛେଦ ପକାଇଛନ୍ତି।
ଆକାଶ କହିଛନ୍ତି ଚହଲଙ୍କ ରେକର୍ଡ ବାହୁତ ଭଲ ଥିଲେ ମଧ୍ୟ ଦୁଇବର୍ଷ ପୂର୍ବରୁ ତାଙ୍କୁ ଦିନିକିଆ ଦଳରୁ ବାଦ ଦିଆଯାଇଥିଲା। ନିକଟରେ ସ୍ତ୍ରୀ’ ଧନଶ୍ରୀ ବର୍ମାଙ୍କ ସହିତ ଛାଡପତ୍ର ଖବରକୁ ନେଇ ଚହଲ ଖବରରେ ଥିଲେ ଏବଂ 2024/25 ସିଜିନ ବିଜୟ ହଜାର ଟ୍ରଫିରେ ଅଂଶ ଗ୍ରହଣ କରି ନ ଥିଲେ।
ନିଜର ୟୁଟୁବ ଚ୍ୟାନେଲରେ ଆକାଶ କହିଛନ୍ତି ଯେ, ”ଚହଲ ଖରାପ ପ୍ରଦର୍ଶନ ନ କରି ମଧ୍ୟ ଦୀର୍ଘ ଦିନରୁ ଭାରତୀୟ ଦଳରୁ ବାହାରେ ରହିଛନ୍ତି। ଏଥିସହ ସେ କହିଛନ୍ତି, ସେମାନେ ଏହା କିପରି କାହିଁକି କଲେ ଜଣାନାହିଁ ୟୁଜବେନ୍ଦ୍ର ଚହଲଙ୍କ କ୍ୟାରିୟର ଶେଷ ହୋଇଯାଇଛି।”
“ଚହଲ ଶେଷ ଥର ପାଇଁ ଜାନୁଆରୀ ୨୦୨୩ ରେ ଖେଳିଥିଲେ। ତାଙ୍କର ରେକର୍ଡ ମଧ୍ୟ ବହୁତ ଭଲ। ସେ ବହୁତ ୱିକେଟ୍ ନେଇଛନ୍ତି ଏବଂ ନିରନ୍ତର ଭଲ ପ୍ରଦର୍ଶନ କରୁଥିଲେ,” ବୋଲି ଚୋପ୍ରା କହିଛନ୍ତି।
ଚହଲ୍ ଭାରତ ପାଇଁ ମାତ୍ର ୭୨ ଟି ଦିନିକିଆ ମ୍ୟାଚ୍ ରେ ୧୨୧ ୱିକେଟ୍ ନେଇଛନ୍ତି, କିନ୍ତୁ ଅଗଷ୍ଟ ୨୦୨୩ ପରଠାରୁ କୌଣସି ଫର୍ମାଟରେ ଭାରତ ପାଇଁ ଖେଳି ନାହାଁନ୍ତି। ତେଣୁ ୟୁଜି ପାଇଁ ଚାମ୍ପିୟନ୍ସ ଟ୍ରଫି ଖେଳିବାର କୌଣସି ପ୍ରଶ୍ନ ଉଠୁ ନାହିଁ ” ବୋଲି ଚୋପ୍ରା କହିଛନ୍ତି।
ତେବେ ଭାରତ ଚାମ୍ପିଅନ୍ସ ଟ୍ରଫି ପାଇଁ କୁଲଦୀପ ଯାଦବ, ରବିନ୍ଦ୍ର ଜାଡେଜା, ଅକ୍ଷର ପଟେଲ ଏବଂ ୱାଶିଂଟନ ସୁନ୍ଦରଙ୍କ ରୂପରେ ଚାରି ଜଣ ସ୍ପିନ୍ ବୋଲିଂ ବିକଳ୍ପ ବାଛିଥିଲା, କିନ୍ତୁ ଚହଲ କେବେବି ପ୍ରକୃତରେ ଦୌଡ଼ରେ ନଥିଲେ।
