ନୂଆଦିଲ୍ଲୀ,୧୮।୩: ନ୍ୟାଶନାଲ ହାଉସିଂ ବ୍ୟାଙ୍କ(ଏନ୍ଏଚ୍ବି)ର କିଛି ନିୟମ ପାଳନ ନ କରିବା ଲାଗି ରିଜର୍ଭ ବ୍ୟାଙ୍କ ଅଫ ଇଣ୍ଡିଆ (ଆରବିଆଇ) ହାଉସିଂ ଡେଭଲପମେଣ୍ଟ ଫାଇନାନ୍ସ କର୍ପୋରେସନ ଲିମିଟେଡ(ଏଚ୍ଡିଏଫ୍ସି) ଉପରେ ୫ ଲକ୍ଷ ଟଙ୍କାର ଜରିମାନା ଲଗାଇଛି। କେନ୍ଦ୍ରୀୟ ବ୍ୟାଙ୍କ ଶୁକ୍ରବାର ଏହି ସୂଚନା ଦେଇଛି।
ଆରବିଆଇ କହିଛି, ମାର୍ଚ୍ଚ ୩୧ ୨୦୨୨ ସୁଦ୍ଧା କମ୍ପାନୀର ଆର୍ଥିକ ସ୍ଥିତିକୁ ଆଧାର କରି ଏନ୍ଏଚ୍ବି କମ୍ପାନୀର ଏକ ଆଇନଗତ ଯାଞ୍ଚ କରିଛି। ଆର୍ବିଆଇ ବିବୃତ୍ତିରେ କହିଛି ଯେ ଯାଞ୍ଚରେ ଜଣାପଡ଼ିଥିଲା ଯେ କମ୍ପାନୀ ୨୦୧୯-୨୦ ମଧ୍ୟରେ କିଛି ଜମାକାରୀଙ୍କ ପରିପକ୍ୱ ଜମାକୁ ସେମାନଙ୍କର ନିର୍ଦ୍ଧିଷ୍ଟ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତର କରିପାରି ନାହିଁ। ଏହା ପରେ କମ୍ପାନୀକୁ ଜରିମାନା କାହିଁକି ଦିଆଯିବ ନାହିଁ ସେନେଇ ଏକ କାରଣ ଦର୍ଶାଅ ନୋଟିସ ଜାରି କରାଯାଇଥିଲା। କମ୍ପାନୀର ଜବାବକୁ ବିଚାର କରିବା ପରେ ଏହି ନିୟମ ପାଳନ ନକରିବା ଅଭିଯୋଗ ଯଥେଷ୍ଟ ଏବଂ ତା’ ଉପରେ ଜରିମାନା ଲଗାଯିବା ଉଚିତ ବୋଲି ରିଜର୍ଭ ବ୍ୟାଙ୍କ ସିଦ୍ଧାନ୍ତରେ ପହଞ୍ଚିଥିଲା।
