ପାଟନା,୧୦।୧୧: ବିହାର ବିଧାନସଭା ନିର୍ବାଚନର ଫଳାଫଳ ମଙ୍ଗଳବାର ସନ୍ଧ୍ୟା ପୂର୍ବରୁ ସ୍ପଷ୍ଟ ହୋଇଯିବ। ଏବେ ଭୋଟ ଗଣତି ଆରମ୍ଭ ହୋଇଯାଇଛି। ପ୍ରାରମ୍ଭିକ ଗଣତି ଅନୁଯାୟୀ, ନୀତିଶ ଓ ଏନଡିଏକୁ ପଛରେ ପକାଇ ଦେଇଛି ଆରଜେଡିର ତେଜସ୍ବୀ ଯାଦବଙ୍କ ନେତୃତ୍ୱାଧୀନ ମହାମେଣ୍ଟ। ନିର୍ବାଚନ ଫଳାଫଳକୁ ନେଇ ଆରଜେଡି ସମର୍ଥକଙ୍କ ମଧ୍ୟରେ ଖୁସିର ଛାୟା ଖେଲିଯାଇଛି। ହାଜିପୁରର ତେଜସ୍ବୀ ଯାଦବଙ୍କ ସମର୍ଥକମାନେ ତାଙ୍କ ପାଇଁ ମାଛ ଆଣି ଆସିଛନ୍ତି। ଏହାସହ ବିଭିନ୍ନ ଗୀତ ଗାଇ ଉତ୍ସବ ପାଳନ କରୁଛନ୍ତି। ପ୍ରାରମ୍ଭିକ ଟ୍ରେଣ୍ଡରୁ ଜଣାପଡୁଛି ବିହାରରେ ଏଥର ତେଜସ୍ବୀ ଯାଦବଙ୍କୁ ଲୋକେ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି। ସୂଚନାଯୋଗ୍ୟ, ୨୪୩ ସଭ୍ୟ ବିଶିଷ୍ଟ ରାଜ୍ୟ ବିଧାନସଭାରେ ୧୨୨ ମ୍ୟାଜିକ୍ ନମ୍ବର ରହିଛି। ଏହି ନମ୍ବରକୁ ଯେଉଁ ମେଣ୍ଟ ଛୁଇଁବ କରିବ ସେ ହିଁ ରାଜ୍ୟରେ ସରକାର ଗଢିବ।
