ଲଣ୍ଡନ,୨୯ା୧୦: ଜଣାଶୁଣା ଓକିଲ ତଥା ଭାରତର ପୂର୍ବତନ ସଲିସିଟର ଜେନେରାଲ ହରିଶ ସାଲଭେ ବୁଧବାର ତାଙ୍କ ବନ୍ଧୁ କାରୋଲିନ୍ ବ୍ରୋସାର୍ଡଙ୍କ ସହ ଲଣ୍ଡନର ଏକ ଚର୍ଚ୍ଚରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। କରୋନା ଗାଇଡ ଲାଇନ ଅନୁସରଣ କରି ଉଭୟେ ଚର୍ଚ୍ଚରେ ରୀତିନୀତି ଭାବେ ଏହି ବିବାହ କରିଛନ୍ତି। ଏହି ବିବାହ ଉତ୍ସବରେ କେବଳ ୧୫ ଜଣ ଅତି ନିକଟ ସମ୍ପର୍କୀୟ ଉପସ୍ଥିତ ଥିଲେ।
ଉଭୟ ହରିଶ ସାଲଭେ ଏବଂ କାରୋଲିନଙ୍କର ଏହା ଦ୍ୱିତୀୟ ବିବାହ। ଉଭୟଙ୍କ କଳା ପ୍ରଦର୍ଶନୀରେ ସାକ୍ଷାତ ହୋଇଥିଲା। ଏହା ପରେ ସେମାନଙ୍କର ବନ୍ଧୁତା ବଢ଼ି ପ୍ରେମରେ ପରିଣତ ରୂପାନ୍ତରିତ ହୋଇଥିଲା। ବର୍ତ୍ତମାନ ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି।
୬୪ ବର୍ଷୀୟ ହରିଶ ବ୍ରିଟେନର କୁଇନ୍ସ କାଉନସିଲ। ଗତ ମାସରେ ସେ ତାଙ୍କ ସ୍ତ୍ରୀ ମୀନାକ୍ଷୀ ସାଲଭେଙ୍କୁ ଛାଡ଼ପତ୍ର ଦେଇ ଆଇନଗତ ଭାବରେ ଅଲଗା ହୋଇଥିଲେ। ହରିଶ ଏବଂ ମୀନାକ୍ଷୀଙ୍କ ମଧ୍ୟ ଦୁଇଟି ଝିଅ ଅଛନ୍ତି। କାରୋଲିନଙ୍କୁ ୫୬ ବର୍ଷ। ତାଙ୍କର ମଧ୍ୟ ଏକ ଝିଅ ଅଛି।
ହରିଶ ସାଲଭେ ଭାରତର ଜଣେ ଜଣାଶୁଣା ଓକିଲ। ଭାରତ ସରକାର ତାଙ୍କୁ ସଲିସିଟର ଜେନେରାଲ ଭାବରେ ନିଯୁକ୍ତ କରିଥିଲେ। ସାଲଭେ କୁଳଭୂଷଣ ଯାଦବଙ୍କ ସମେତ ଅନେକ ଅନ୍ତର୍ଜାତୀୟ ପ୍ରସଙ୍ଗରେ ଭାରତ ସରକାରଙ୍କ ପ୍ରତିନିଧିତ୍ୱ କରିଛନ୍ତି। କୁଳଭୂଷଣ ମାମଲାର ଶୁଣାଣି ପାଇଁ ସେ ମାତ୍ର ଏକ ଟଙ୍କା ଆଦାୟ କରିଥିଲେ। କେବଳ ଏତିକି ନୁହେଁ, ଭୋଡାଫୋନ, ରିଲାଏନ୍ସ, ମୁକେଶ ଅମ୍ବାନୀ, ରତନ ଟାଟା ଭଳି ବିଶ୍ୱ ପ୍ରସିଦ୍ଧ ଶିଳ୍ପପତି ତଥା କମ୍ପାନୀର ବଡ଼ ବଡ଼ ଆଇନଗତ ମାମଲାରେ ମଧ୍ୟ ଲବି କରୁଛନ୍ତି।
ମହାରାଷ୍ଟ୍ରର ନାଗପୁର ସହରରୁ ଆସିଥିବା ହରିଶ ପ୍ରଧାନ ବିଚାରପତି ଶରଦ ଅରବିନ୍ଦ ବବଡେଙ୍କ ସହ ଏକ ବିଶେଷ ସମ୍ପର୍କ ରହିଛି। ଦୁହେଁ ନାଗପୁରର ସମାନ ବିଦ୍ୟାଳୟରେ ଅଧ୍ୟୟନ କରିଛନ୍ତି।୧୯୭୬ରେ ସାଲଭେ ଦିଲ୍ଲୀ ଏବଂ ବବଡେ ମୁମ୍ବାଇ ହାଇକୋର୍ଟକୁ ଚାଲିଗଲେ। ପରେ ବବଡେ ହାଇକୋର୍ଟରେ ଜଜ୍ ହୋଇଥିଲେ ଏବଂ ସାଲଭେ ସିନିୟର ଆଡଭୋକେଟ ଏବଂ ପରେ ସଲିସିଟର ଜେନେରାଲ ହୋଇଥିଲେ। ଗତ କିଛି ବର୍ଷ ଧରି ସେ ଲଣ୍ଡନରେ ରହୁଛନ୍ତି। ଇଂଲଣ୍ଡର ରାଣୀ ଏଲିଜାବେଥ ଦ୍ୱିତୀୟ ଏବଂ ଓ୍ବେଲ୍ସ ଚଳିତ ବର୍ଷ ଜାନୁୟାରୀରେ ହରିଶ ସାଲଭେଙ୍କୁ ତାଙ୍କ ପରାମର୍ଶଦାତା ଭାବରେ ନିଯୁକ୍ତ କରିଥିଲେ।
ସୂଚନାଯୋଗ୍ୟ, ପ୍ରତିବର୍ଷ କମନଓ୍ବେଲଥ ଦେଶର କେତେକ ବରିଷ୍ଠ ଆଇନଜୀବୀ ହରିଶ ସାଲଭେଙ୍କ ସମେତ ରାଣୀ ଏଲିଜାବେଥ୍ଙ୍କ ଦ୍ୱାରା ନିଯୁକ୍ତ ହୁଅନ୍ତି।
