କର୍ଲାମୁଣ୍ଡା,୧୩ା୮(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ମଣ୍ଡଳ ଭାଜପା ପକ୍ଷରୁ ମଣ୍ଡଳ ସଭାପତି ଡୋଳା ମଣୀ ଭୋଇଙ୍କ ନେତୃତ୍ୱରେ ହର୍ ଘର୍ ତ୍ରିରଙ୍ଗା ଶୋଭାଯାତ୍ରା ଗୁରୁବାର ଅନୁଷ୍ଠିତ ହୋଇଯାଇଛି । ଏଥିରେ ବ୍ଲକ ଅଧ୍ୟକ୍ଷା କୁନି ସାହୁ, ଗଜବହାଲ ସରପଞ୍ଚ ଅରବିନ୍ଦ ଗହୀର, କର୍ଲାମୁଣ୍ଡା ସରପଞ୍ଚ ସ୍ୱର୍ଣ୍ଣ ଲତା ସାହୁ, ରାଜପୁର ସରପଞ୍ଚ କୌଶଲ୍ୟା ରଣା, ମଣ୍ଡଳ ପ୍ରଭାରୀ ଘନଶ୍ୟାମ ଗହୀର, ସହ ପ୍ରଭାରୀ ଦିବାକର ବାଗ, ପୂର୍ବତନ ଜିଲା ପରିଷଦ ସଭ୍ୟା ପ୍ରଭାତୀ ଭୋଇ, ଭାଜପା କର୍ମୀ ଚିତ୍ର ସେନ ସାହୁ, ସୂର୍ଯ୍ୟ ମଣୀ ଘିଭେଲା, ପ୍ରଦୀପ ସାହୁ, ବନମାଳୀ ସାହୁ, ଲିଙ୍ଗରାଜ ସାହୁଙ୍କ ସମେତ ଶତାଧିକ ଭାଜପାକର୍ମୀ ସାମିଲ ହୋଇ ବ୍ଲକ ସଦର ଶିବ ମନ୍ଦିର ଠାରୁ ଏକ ବିରାଟ ଶୋଭଯାତ୍ରାରେ ବାହାରି ସର୍ଗୁଲ, ପୁଟୁଗାଁ ଦେଇ ରିଶିଡା ଠାରେ ପହଞ୍ଚିଥିଲେ।
ସେହିପରି ବ୍ଲକ ପ୍ରଶାସନ ପକ୍ଷରୁ ଆୟୋଜିତ ହର୍ ଘର୍ ତ୍ରିରଙ୍ଗା ଶୋଭାଯାତ୍ରାରେ କର୍ଲାମୁଣ୍ଡା ପ୍ରେସ କ୍ଲବର ସାମ୍ବାଦିକଙ୍କୁ ସାମିଲ ନକରିବା ଘଟଣାକୁ ନେଇ ବୁଦ୍ଧିଜୀବୀମାନେ ତୀବ୍ର ନିନ୍ଦା କରିଛନ୍ତି। ଅନ୍ୟ ପକ୍ଷରେ ଏହି କାର୍ଯ୍ୟକ୍ରମରେ ବିଡ଼ିଓ ସୁଚରିତା ମୂଗ୍ରି, ବ୍ଲକ ଅଧ୍ୟକ୍ଷ୍ୟା କୁନି ସାହୁ, ଉପାଧ୍ୟକ୍ଷ ସୁରେନ୍ଦ୍ର ଭୋଇ, ତହସିଲଦାର ଅରୁଣ ବର୍ଗେଙ୍କ ସମେତ ଅନ୍ୟାନ୍ୟ ସରକାରୀ କର୍ମଚାରୀ ଯୋଗଦେଇଥିଲେ ।
