ସରକାରୀ ବିହନ: ଭରସା ତୁଟିଛି

ଯାଜପୁର,୨୫।୮(ହର୍ଷବର୍ଦ୍ଧନ ବେହେରା): ଯାଜପୁର ଜିଲାରେ ଅଗଷ୍ଟରେ ଏଯାଏ ଆବଶ୍ୟକ ବର୍ଷା ହୋଇ ନ ଥିଲେ ହେଁ ଚାଷୀ ଆଗ୍ରହର ସହିତ ଧାନବୁଣା, ତଳିପକା, କ୍ଷେତ୍ର ପ୍ରସ୍ତୁତ ଆଦିରେ ତତ୍ପରତା ପ୍ରକାଶ କରିଛନ୍ତି। ହେଲେ ଚଳିତ ବର୍ଷ ଧାନ ବିହନର ଅଭାବ ପରିଲକ୍ଷିତ ହୋଇଛି। ସରକାରୀ ଧାନ ବିହନର ମାନ ଉପରେ ଚାଷୀଙ୍କ ଭରସା ସେତେଟା ରହୁ ନଥିବାରୁ କୃଷି ବିଭାଗୀୟ ଅଧିକାରୀଙ୍କ ଚିନ୍ତା ବଢ଼ିଯାଇଛି। ୨୧ା୮ା୨୦୨୩ ସୁଦ୍ଧା ରାଜ୍ୟରେ ଆବଶ୍ୟକ ଥିବା ୨୦୯୩୦୦.୧ କୁଇଣ୍ଟାଲ ଧାନ ବିହନ ମଧ୍ୟରୁ ମାତ୍ର ୮୮୩୬୨.୪୫ କୁଇଣ୍ଟାଲ ଉଠାଣ ହୋଇଛି। ଏହାବାଦ ଚାଷୀଙ୍କ ପାଖକୁ ମାତ୍ର ୮୦୬୨୧.୮୮ କୁଇଣ୍ଟାଲ ଧାନ ବିହନ ପହଞ୍ଚିଛି, ଯାହାକି ଆବଶ୍ୟକତାଠାରୁ ମାତ୍ର ୩୮.୫୨%। ସେଥିରୁ ଯାଜପୁର ଜିଲାରେ ଆବଶ୍ୟକ ୩୯୨୩ କୁଇଣ୍ଟାଲ ମଧ୍ୟରୁ ୧୬୫୯.୬ କୁଇଣ୍ଟାଲ ପାକ୍ସ ଜରିଆରେ ଉଠାଣ ହୋଇଥିବାବେଳେ ଚାଷୀଙ୍କୁ ମାତ୍ର ୧୩୨୯ କୁଇଣ୍ଟାଲ ବିକ୍ରି ହୋଇଛି। ଏହା ସମୁଦାୟ ପରିମାଣର ମାତ୍ର ୩୩.୮୮%। ଚାଷୀଙ୍କ ପ୍ରାରମ୍ଭିକ ଚାଷ ପ୍ରକ୍ରିୟା ପ୍ରାୟ ସମ୍ପୂର୍ଣ୍ଣ ହୋଇଥିବାବେଳେ ଉପରୋକ୍ତ ପରିମାଣ ସରକାରୀ ଧାନ ବିହନ ବ୍ୟବହାର ହୋଇଛି। ଏଥିରୁ ସରକାରୀ ଧାନର ମାନ ଉପରେ ଚାଷୀମାନଙ୍କ ମଧ୍ୟରେ ବିଭିନ୍ନ ପ୍ରଶ୍ନବାଚୀ ସୃଷ୍ଟି ହୋଇଥିବା ସ୍ପଷ୍ଟ ମନେହେଉଛି। ଏହି ବିହନରୁ ଶତପ୍ରତିଶତ ଗଛ ଉଠୁ ନଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ମତପ୍ରକାଶ ପାଇଛି। ଅନ୍ୟପକ୍ଷେ ଅଗଷ୍ଟରେ ଏଯାଏ ନିର୍ଦ୍ଧାରିତ ପରିମାଣର ବର୍ଷା ହେଉ ନ ଥିବାରୁ ଚାଷୀଙ୍କ ମଧ୍ୟରେ ଛନକା ପଶିଛି।
ଅଧିକ ଅମଳକ୍ଷମ ଏବଂ ରୋଗପୋକ ସହନଶୀଳ ଶକ୍ତି ଥିବା ଧାନ ବିହନ ଯୋଗାଇବାରେ ସରକାର ବିଫଳ ହୋଇଛନ୍ତି। ଅନ୍ୟପକ୍ଷେ ସରକାରୀ ଧାନ ବୁଣିଲେ କ୍ଷେତରେ ମାତ୍ର ୬୦ ପ୍ରତିଶତ ଗଛ ହେଉଛି। ତେଣୁ ଚାଷୀ ନିଜେ ପ୍ରସ୍ତୁତ କରିଥିବା ବିହନ ଉପରେ ଭରସା କରୁଛନ୍ତି। ସ୍ବର୍ଣ୍ଣ, ସ୍ବର୍ଣ୍ଣ-୧, ଲଲାଟ ଆଦି ବିହନ ଉପରେ ଚାଷୀ ଅଧିକ ଗୁରୁତ୍ୱ ଦେଉଛନ୍ତି। ଜିଲାର ୪୧ଟି ସମବାୟ ସମିତିକୁ ବିହନ ବିକ୍ରି ପାଇଁ ରିହାତି ଦରରେ ଚଳିତବର୍ଷ ଅନୁମତି ଦିଆଯାଇଛି। ଏଥିରେ କଳାଚମ୍ପା, ସ୍ବର୍ଣ୍ଣ-୭୦୨୯, ପୂଜା, ସ୍ବର୍ଣ୍ଣ ସବ-୧ ଧାନ ବିହନ ଉପରେ ଚାଷୀ ଅଧିକ ଭରସା କରୁଥିବା ଜଣାପଡିଛି। ସରକାରୀ ବିହନ ବିକ୍ରିର ଘରୋଇକରଣ କରାଯାଇଥିଲେ ମଧ୍ୟ ଏହାର କିଣା ଓ ବିକ୍ରି ଉପରେ କୃଷି ବିଭାଗର କୌଣସି ନିୟନ୍ତ୍ରଣ ରହୁ ନ ଥିବାରୁ ଏହା ଏବେ ଲାଭଜନକ ବ୍ୟବସାୟରେ ପରିଣତ ହୋଇଛି ବୋଲି ଅଭିଯୋଗ ହେଉଛି। ସେହିପରି ପେଟ୍ରୋଲ, ଡିଜେଲ ମୂଲ୍ୟର ଆଶାତୀତ ବୃଦ୍ଧି ସହ ରାସାୟନିକ ସାରର କଳାବଜାର ଯୋଗୁ ଚାଷୀ ମହଲରେ ଭାଳେଣି ପଡ଼ିଛି। କୃଷି ଯନ୍ତ୍ରପାତି ଡିଜେଲରେ ଚାଲୁଥିବାରୁ ଚଳିତବର୍ଷ ଚାଷୀମାନେ ଅଧିକ ଖର୍ଚ୍ଚାନ୍ତ ହେବେ ବୋଲି ସ୍ପଷ୍ଟ ହୋଇଛି। ଅନ୍ୟପକ୍ଷେ କେତେବେଳେ ମେଘାଚ୍ଛନ୍ନ ତ କେତେବେଳେ ମେଘମୁକ୍ତ ଆକାଶ। କିଛି ଦିନ ଗରମ ମଧ୍ୟ ଆରମ୍ଭ ହୋଇଯାଇଛି, ଯାହାକି ବୈଶାଖର ତାତିଠାରୁ ବି ଉତ୍କଟ। ଜିଲାରେ ଗତ ଜୁଲାଇରେ ସ୍ବାଭାବିକ ବର୍ଷାଠାରୁ ୩୭% କମ୍‌ ବର୍ଷା ହୋଇଥିଲା। ବିଗତ ଲଘୁଚାପ ସତ୍ତ୍ବେ ଯାଜପୁର ଜିଲାର ୧୦ ବ୍ଲକରେ ଆଶାନୁରୂପ ବର୍ଷା ହୋଇନାହିଁ। ଅଗଷ୍ଟରେ ସ୍ବାଭାବିକ ଭାବେ ହାରାହାରି ୩୪୧.୨ ମି.ମି. ବର୍ଷା ହେବା କଥା। କିନ୍ତୁ ଗୁରୁବାର ସୁଦ୍ଧା ମାତ୍ର ୨୬୧.୪୪ ମି.ମି. ବର୍ଷା ହୋଇଛି। ସେଥିରୁ କଳାପଥର ଖାଦାନର ଭୂସ୍ବର୍ଗ ଭାବେ ପରିଚିତ ଧର୍ମଶାଳା ବ୍ଲକ ଅଞ୍ଚଳରେ ସର୍ବନିମ୍ନ ୧୬୮ ମି.ମି. ବର୍ଷା ରେକର୍ଡ କରାଯାଇଛି। ଏବେ ବର୍ଷା ହେଲେ ମଧ୍ୟ ପାଣି ଛିଞ୍ଚିଲା ଭଳି ହେଉଛ। ଏଭଳି ପାଣିପାଗ ଯୋଗୁ ଚାଷୀ ଆତଙ୍କିତ ହୋଇପଡିଛନ୍ତି। ଚାଷ ଜମିଗୁଡ଼ିକର ଅବସ୍ଥା ଖରାପ ହୋଇଗଲାଣି। ବର୍ଷା ଅଭାବରୁ ରୁଆ ବେଉଷଣରେ ବାଧା ସାଜିଛି। ଜଳସେଚନର ବିଶେଷ ସୁବିଧା ନ ଥିବା ଯାଜପୁର ଜିଲାରେ ସାଧାରଣତଃ ୮୦ ଭାଗ ବୁଣାଧାନ ଓ ୨୦ ଭାଗ ପହ୍ଲା ରୁଆ କରାଯାଇଥାଏ । ସମ୍ପ୍ରତି ବର୍ଷା ଅଭାବ ଯୋଗୁ ପହ୍ଲାଗୁଡିକ ହଳଦିଆ ହୋଇଗଲାଣି। ଯେଉଁମାନଙ୍କ ରୁଆ ସରିଲାଣି ସେହି ଜମି ଶୁଖିଲା ପଡ଼ିଛି। ଏହିକ୍ରମରେ ପ୍ରକୃତିର କ୍ରୂର ଉପହାସ ଯୋଗୁ ଚଳିତବର୍ଷ ଏଅଞ୍ଚଳର ଚାଷୀମାନେ ଆଉ ଏକ ମରୁଡ଼ିର ସମ୍ମୁଖୀନ ହେବ ବୋଲି ଆଶଙ୍କା ପ୍ରକାଶ ପାଇଛି । ଅନ୍ୟପକ୍ଷେ ସରକାରୀ ଧାନର ବିକ୍ରି ଆଶାନୁରୂପ ହେଉ ନ ଥିବାରୁ ରାଜ୍ୟ ସମବାୟ ସମିତିର ଆର୍‌ସିଏସ୍‌ ଚିନ୍ତାବ୍ୟକ୍ତ କରି ଉପଯୁକ୍ତ ପଦକ୍ଷେପ ନେବାକୁ ସମସ୍ତ ଏଆର୍‌ସିଏସ୍‌ ଓ ଡିଆର୍‌ସିଏସ୍‌ମାନଙ୍କୁ ନିର୍ଦ୍ଦେଶ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?