କୁଆମରା, ୨୫।୪ (ଡି.ଏନ.ଏ.): ଆସନ୍ତା ୨୯ ତାରିଖରୁ ମାଟ୍ରିକ ପରୀକ୍ଷା ଆରମ୍ଭ ହେବ। ମୟୂରଭଞ୍ଜ ଜିଲା ଗୋପବନ୍ଧୁନଗର ବ୍ଲକର ମୋଟ ୭ ପରୀକ୍ଷା କେନ୍ଦ୍ରରେ ୧୨୯୪ ଛାତ୍ରୀଛାତ୍ର ପରୀକ୍ଷା ଦେବେ। ପରୀକ୍ଷା କେନ୍ଦ୍ର ହୋଇଥିବା ଖୁଣ୍ଟା ହାଇସ୍କୁଲରେ ୩ ବିଦ୍ୟାଳୟର ୨୩୭, ଖୁଣ୍ଟା ବାଳିକା ଉଚ୍ଚ ବିଦ୍ୟାଳୟରେ ୪ ସ୍କୁଲର ୧୬୬, କୁଶଳଦା ହାଇସ୍କୁଲରେ ୫ ସ୍କୁଲର ୨୨୩, ପୁରୁଣା ବାରିପଦା ରିଜିଓନାଲ ଏକାଡେମୀରେ ୪ ସ୍କୁଲର ୧୮୪, କୁଆମରା ହାଇସ୍କୁଲରେ ୪ ସ୍କୁଲର ୧୫୭, କୁଆମରା ବାଳିକା ଉଚ୍ଚ ବିଦ୍ୟାଳୟରେ ୩ ସ୍କୁଲର ୧୪୯ ଓ ଟିକାୟତପୁର ବାଳିକା ଉଚ୍ଚ ବିଦ୍ୟାଳୟରେ ଦୁଇଟି ସ୍କୁଲର ୧୭୮ ଛାତ୍ରଛାତ୍ରୀ ପରୀକ୍ଷା ଦେବେ ବୋଲି ଅତିରିକ୍ତ ବ୍ଲକ ଶିକ୍ଷାଧିକାରୀ କୁଳମଣି ନାୟକ ସୂଚନା ଦେଇଛନ୍ତି। ପରୀକ୍ଷା କେନ୍ଦ୍ରରେ ସେହି ବିଦ୍ୟାଳୟର ପ୍ରଧାନଶିକ୍ଷକ ସୁପରିଟେଣ୍ଡେଣ୍ଟ ଦାୟିତ୍ୱରେ ରହିବେ। ଖୁଣ୍ଟା ହାଇସ୍କୁଲକୁ ନୋଡାଲ ସେଣ୍ଟର ଦାୟିତ୍ୱ ପ୍ରଦାନ କରାଯାଇଛି।
