ନୂଆଦିଲ୍ଲୀ,୨୪।୮: ଭାରତର ସଫଳତା ପାଇଁ ଗୁଗ୍ଲ ଭାରତକୁ ଏକ ସ୍ବତନ୍ତ୍ର ଢଙ୍ଗରେ ଅଭିନନ୍ଦନ ଜଣାଇଛି । ଡୁଡ୍ଲ ଚନ୍ଦ୍ରାୟନ-୩ର ସଫଳତା ଉପରେ ଭାରତର ସଫଳତାକୁ ଏକ ଡୁଡ୍ଲ ତିଆରି କରି ପାଳନ କରିଛି। ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବାରେ ଭାରତ ବିଶ୍ୱର ପ୍ରଥମ ତଥା ଏକମାତ୍ର ଦେଶ ହୋଇପାରିଛି। ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରୟାନ-୩ କିପରି ସଫଳତାର ସହ ଅବତରଣ କରିଛି ତାହା ଡୁଡଲ ଦର୍ଶାଇଛି।
ଚନ୍ଦ୍ରରେ ଅବତରଣ କରିବା ଏକ କଷ୍ଟକର କାର୍ଯ୍ୟ। କେବଳ ଆମେରିକା, ଚାଇନା ଏବଂ ପୂର୍ବତନ ସୋଭିଏତ୍ ୟୁନିଅନ ଚନ୍ଦ୍ରରେ ସଫଳତାର ସହ ସଫ୍ଟ ଲ୍ୟାଣ୍ଡିଂ କରିଛନ୍ତି, କିନ୍ତୁ ଏହା ପୂର୍ବରୁ କୌଣସି ଦେଶ ଚନ୍ଦ୍ରର ଦକ୍ଷିଣ ମେରୁରେ ପହଞ୍ଚି ନାହାଁନ୍ତି। ଚନ୍ଦ୍ରରେ ପହଞ୍ଚିବାରେ ଭାରତ କେବଳ ଚତୁର୍ଥ ଦେଶ ନୁହେଁ, ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିଥିବା ପ୍ରଥମ ଦେଶ ମଧ୍ୟ ହୋଇପାରିଛି। ଭାରତର ଏହି ଐତିହାସିକ ସଫଳତା ଉପରେ ଗୁଗ୍ଲ ଡୁଡ୍ଲ ପରିବର୍ତ୍ତନ କରି ଭାରତକୁ ଅଭିନନ୍ଦନ ଜଣାଇଛି।
ଗୁଗ୍ଲ ଏକ ବିଶେଷ ଉତ୍ସବରେ କିମ୍ବା ଜଣେ ପ୍ରସିଦ୍ଧ ବ୍ୟକ୍ତିଙ୍କ ସ୍ମୃତିରେ ଡୁଡ୍ଲ ତିଆରି କରେ। କେବଳ ଏତିକି ନୁହେଁ ଗୁଗ୍ଲ ଏବଂ ଆଲଫାବେଟ ସିଇଓ ସୁନ୍ଦର ପିଚାଇ ମଧ୍ୟ ଇସ୍ରୋ ଏବଂ ଭାରତକୁ ଅଭିନନ୍ଦନ ଜଣାଇଛନ୍ତି।
