ପାଟଣା,୯ା୫(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ଟାଇଁସିରା ଗ୍ରାମରେ ରବିବାର ବିଳମ୍ବିତ ରାତିରେ ଦୁଇ ଜଣଙ୍କ ଘରର ଝରକା ଗ୍ରୀଲ ତାଡ଼ି ଘର ଭିତରେ ପଶି ଆଲମୀରା ଭାଙ୍ଗି ସୁନା ଅଳଙ୍କାର ଲୁଟିନେଇଛନ୍ତି । ଟାଇଁସିରା ଗ୍ରାମର ବାଇଧର ସାହୁଙ୍କ ଘରେ ଝରକା ଗ୍ରୀଲ ତାଡ଼ିି ଆଲମୀରା ଭାଙ୍ଗି ହଳେ ସୁନା କାନଫୁଲ,୧ ସୁନା ମୁଦି, ଓ ହଳେ ରୁପା ପାଉଁଜି ଲୁଟି ନେଇଛନ୍ତି। ସେହିପରି ଭାବେ ଉକ୍ତ ଗ୍ରାମର କୃଷ୍ଣ ଚନ୍ଦ୍ର ମହାନ୍ତଙ୍କ ଘରେ ଭଡ଼ାଟିଆ ଭାବେ ରହୁଥିବା ଶିକ୍ଷୟିତ୍ରୀ ଶାରଦା ମହାନ୍ତଙ୍କ ଝରକା ଗ୍ରୀଲ ତାଡ଼ିଥିଲେ ଦୁର୍ବୃତ୍ତ। ଏହାପରେ ଧନେଶ୍ୱରଙ୍କ ଘରେ ଚୋରି ଉଦ୍ୟମ କରି ପରମେଶ୍ୱର ସାହୁଙ୍କ ଘର ଦେଇ ଯାଉଥିବା ବେଳେ ସାହୁଙ୍କ ପରିବାରର ପିଲାମାନେ ଘର ଦାଣ୍ଡରେ ଶୋଇଥିବାରୁ ଲୁଟ ହେଉଥିବା ଜାଣିବାକୁ ପାଇ ଲୁଟେରାଙ୍କୁ ଗୋଡ଼ାଇଥିଲେ ହେଁ ଧରିବାରେ ସଫଳ ହୋଇପାରି ନ ଥିଲେ। ଲୁଟ୍ ଘଟଣାରେ ୪/୫ ଜଣ ଯୁବକ ସଂଶ୍ଲିଷ୍ଟ ଥିବା ପ୍ରତ୍ୟକ୍ଷଦର୍ଶୀଙ୍କ ଠାରୁ ପ୍ରକାଶ। ଖବର ପାଇ ଘଟଣାସ୍ଥଳରେ ପାଟଣା ଥାନାଧିକାରୀ ରାଜେନ୍ଦ୍ର ସ୍ବାଇଁ ପହଞ୍ଚି ତଦନ୍ତ ଜାରି ରଖିଛନ୍ତି ।
