କରୋନା ଭାଇରସ ସମଗ୍ର ବିଶ୍ୱରେ ଆତଙ୍କ ସୃଷ୍ଟି କରିଛି। ବର୍ଷେ ହେଲାଣି ଲୋକେ ଏହି ଭୂତାଣୁକୁ ଡରି ମରି ବଞ୍ଚୁଛନ୍ତି। ବର୍ତ୍ତମାନ ଜଣେ ରୋଗୀଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଛନ୍ତି। ଏମିତି ଘଟଣା ବ୍ରାଜିଲର ଏକ ହସ୍ପିଟାଲରେ ଦେଖିବାକୁ ମିଳିଛି। ଫଟୋରେ ଜଣେ କରୋନା ଆକ୍ରାନ୍ତଙ୍କ ହାତ ଉପରେ ଆଉ ଗୋଟିଏ ହାତ ଥିବା ଦେଖିବାକୁ ମିଳିଛି। ଲୋକେ ଏହା ଦେଖି ଭଗବାନଙ୍କ ହାତ ବୋଲି କହୁଛନ୍ତି।
ଜର୍ନାଲିଷ୍ଟ ସାଦିକ୍ ସମୀର ଭଟ୍ଟ ତାଙ୍କ ଟୁଇଟର ଆକାଉଣ୍ଟରେ ଏହି ଫଟୋ ଶେୟାର କରିଛନ୍ତି, ଏଥିରେ ସେ କ୍ୟାପଶନ ଲେଖିଛନ୍ତି, ‘ଭଗବାନଙ୍କ ହାତ’ । ନର୍ସ କରୋନା ରୋଗୀଙ୍କ ଆଇସୋଲେଶନ ଓ୍ବାର୍ଡରେ ରୋଗୀଙ୍କ ଦେଖାଶୁଣା କରୁଛନ୍ତି। ଦୁଇଟି ଡିସ୍ପୋଜାଲ ଗ୍ଲୋଭ୍ସ ଗରମ ପାଣିରେ ଭରା ହୋଇ ରୋଗୀଙ୍କ ହାତରେ ବନ୍ଧା ଯାଇଛି। ସାମ୍ନାରେ ଥିବା କର୍ମଚାରୀମାନଙ୍କୁ ନମସ୍କାର ବୋଲି ଲେଖାଯାଇଛି।
ଏହି ଫଟୋ ଖୁବ ତୀବ୍ର ବେଗରେ ଭାଇରାଲ ହେଉଛି। ବ୍ରାଜିଲର ଏହି ନର୍ସ ଆଇସୋଲେଶନରେ ଥିବା ରୋଗୀଙ୍କ ପାଇଁ ଏମିତି ନୂଆ ଉପାୟ ବାହାର କରିଛନ୍ତି। ଆଇସୋଲେଶନ ସମୟରେ କୌଣସି ପଜିଟିଭ୍ ବ୍ୟକ୍ତିଙ୍କ ନିକଟରେ ରହିବାକୁ ଚାହାନ୍ତି ତେବେ ଦୁଇଟି ଗ୍ଲୋଭସରେ ଗରମ ପାଣି ପୂରାଇ ରୋଗୀଙ୍କ ହାତ ଉପରେ ରଖିଛନ୍ତି। ଏପରି କରିବା ଦ୍ୱାରା ରୋଗୀ ଅନୁଭବ କରିବେ ଯେ ତାଙ୍କ ହାତକୁ କେହି ଜଣେ ଛୁଉଁଛି। ଫଳରେ ସେ ଆଉ ନିଜକୁ ଏକାକୀ ମନେ କରିବେ ନାହିଁ।
ଏହି ଫଟୋ ସାଓ ପାଉଲର ଏକ ହସ୍ପିଟାଲର। ବିଲା ପ୍ରେଡୋର ଜରୁରିକାଳୀନ କେୟାର ୟୁନିଟ୍ର ଅଟେ। କରୋନା ରୋଗୀଙ୍କ ପୀଡ଼ା ଦୂର କରିବା ପାଇଁ ନର୍ସ ଏପରି କରିଛନ୍ତି। ଏହି ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବା ସହ ଲକ୍ଷଲକ୍ଷ ଲୋକଙ୍କ ହୃଦୟ ଜିତିଛି।
