ପୁରୀ ଅଫିସ, ୨୪ା୫:ଏସିଆ ମହାଦେଶର ସର୍ବୋଚ୍ଚ ଗିରିଶୃଙ୍ଗ ଆରୋହଣ କରିଥିବା ଓଡ଼ିଆ ପର୍ବତାରୋହୀ ତଥା ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟଙ୍କ ପୁଅ ସିଦ୍ଧାର୍ଥ ରାଉତରାୟ ଓଡ଼ିଶା ଫେରିବା ପରେ ସୋମବାର ପୁରୀ ଆସି ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିଛନ୍ତି। ସିଦ୍ଧାର୍ଥ ତାଙ୍କ ଟିମ୍ ସହ ଅପରାହ୍ନରେ ପୁରୀରେ ପହଞ୍ଚତ୍ଥିଲେ। ପରେ ଶ୍ରୀମନ୍ଦିରକୁ ଯାଇ ଭିତର କାଠ ନିକଟରେ ଚତୁର୍ଦ୍ଧା ବିଗ୍ରହ ଓ ଭିତରବେଢାରେ ଥିବା ପାର୍ଶ୍ୱ ଦେବଦେବୀଙ୍କୁ ଦର୍ଶନ କରିଥିଲେ। ଶ୍ରୀମନ୍ଦିରରୁ ଫେରିବା ପରେ ସିଦ୍ଧାର୍ଥ କହିଛନ୍ତି, ସେ ମହାପ୍ରଭୁଙ୍କ ଆଶୀର୍ବାଦ ଓ କରୁଣା ଲାଭ କରି ଏସିଆ ମହାଦେଶର ସର୍ବୋଚ୍ଚ ଗିରିଶୃଙ୍ଗ ଆରୋହଣ କରିବାରେ ସକ୍ଷମ ହୋଇଛନ୍ତି। ମହାପ୍ରଭୁଙ୍କ ପତିତପାବନ ବାନାକୁ ସାଥିରେ ନେଇ ଏଭରେଷ୍ଟ ଗିରିଶୃଙ୍ଗ ଆରୋହଣ କରିଥିଲେ। ଏହି ସମୟରେ ସେ ମହାପ୍ରଭୁଙ୍କ ଚମତ୍କାରିତା ଅନୁଭବ କରିିଥିଲେ। ମୁଖ୍ୟତଃ ଏଭରେଷ୍ଟ ଉପରେ ୪୦ରୁ ୫୦ କିମି ବେଗରେ ପବନ ବୋହିଥାଏ। ମାତ୍ର ସେ ଯେଉଁଦିନ ଏଭରେଷ୍ଟରେ ପହଞ୍ଚତ୍ଥିଲେ ସେତେବେଳେ ୫ରୁ ୧୦ କିମି ବେଗରେ ପବନ ବୋହୁଥିଲା। ତାପମାତ୍ରା ମାଇନସ୍ ୫୦ ଥିଲା। ତାଙ୍କ ଦେହରେ ଜ୍ୱର ଥିଲା। ମାତ୍ର ମହାପ୍ରଭୁଙ୍କ କୃପାରୁ ଦେହ ଆପେ ଭଲ ହୋଇଯାଇଥିଲା। ଏପରି କି ମହାପ୍ରଭୁଙ୍କ ନାମ ନେବା ମାତ୍ର ନୂତନ ଶକ୍ତି ଆସୁଥିଲା, ଫଳରେ ଆସ୍ତେ ଆସ୍ତେ ଚଢି ଶେଷରେ ଲକ୍ଷ୍ୟସ୍ଥଳରେ ପହଞ୍ଚତ୍ ପାରିଥିଲେ। ଆଗକୁ ସାଉଥପୋଲ୍ ଆଣ୍ଟାର୍କଟିକା ଚଢିବା ପାଇଁ ଲକ୍ଷ୍ୟ ରହିଛି। ତେଣୁ ମହାପ୍ରଭଙ୍କ ଆଶୀର୍ବାଦ ଭିକ୍ଷା କଲି ବୋଲି ସିଦ୍ଧାର୍ଥ କହିଛନ୍ତି। ଏହି ସମୟରେ ବରିଷ୍ଠ ଦଇତାପତି ସେବାୟତ ବିନାୟକ ଦାସ ମହାପାତ୍ର ଉପସ୍ଥିତ ଥିଲେ।
