Posted inଜାତୀୟ

ତୃତୀୟ ଲହର ପାଇଁ ପ୍ରସ୍ତୁତ ହୁଅ

ନୂଆଦିଲ୍ଲୀ,୭ା୫:କରୋନା ଭାଇରସ୍‌ର ଦ୍ୱିତୀୟ ଲହର ଦେଶରେ ମୃତ୍ୟୁର ତାଣ୍ଡବ ରଚିଚାଲିଛି। ଦ୍ୱିତୀୟ ଲହର ଶୁକ୍ରବାର ପରେ ଶୀର୍ଷକୁ ଛୁଇଁବ ବୋଲି ବିଶେଷଜ୍ଞମାନେ ଆକଳନ କରିଥିବାବେଳେ ତୃତୀୟ ଲହର ଆସନ୍ତା ସେପ୍ଟେମ୍ବରରେ ଆସିପାରେ
ବୋଲି ଆଶଙ୍କା କରାଯାଉଛି। ଏହାକୁ ଦୃଷ୍ଟିରେ ରଖି ତୃତୀୟ ଲହର ପାଇଁ ପ୍ରସ୍ତୁତ ରହିବାକୁ ଗୁରୁବାର କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟ ପରାମର୍ଶ ଦେଇଛନ୍ତି। ଏହାସହ ମେଡିକାଲ ଅକ୍ସିଜେନର ସମ୍ଭାବ୍ୟ କଳାବଜାର ରୋକିବା ପାଇଁ ଅମ୍ଳଜାନ ଭଣ୍ଡାର ବା ବଫର ପ୍ରତିଷ୍ଠା କରିବାକୁ ମଧ୍ୟ ସର୍ବୋଚ୍ଚ ଅଦାଲତ ନିର୍ଦ୍ଦେଶ ଦେଇଛନ୍ତି। କୋଭିଡ୍‌-୧୯ର ତୃତୀୟ ଲହର ଅବଶ୍ୟମ୍ଭାବୀ। ତେବେ ଏହା କେବେ ଆସିବ ସେନେଇ ବର୍ତ୍ତମାନ ନିର୍ଦ୍ଦିଷ୍ଟ ଭାବେ କହିହେବ ନାହିଁ ବୋଲି ବୁଧବାର ପ୍ରଧାନମନ୍ତ୍ରୀଙ୍କ ପ୍ରମୁଖ ବୈଜ୍ଞାନିକ ଉପଦେଷ୍ଟା ଡକ୍ଟର କେ.ଭି. ରାଘବନ ଚେତାଇ ଦେଇଥିବାବେଳେ ଏହାର ଦିନକ ପରେ କେନ୍ଦ୍ରକୁ ସୁପ୍ରିମକୋର୍ଟ ଦେଇଥିବା ଏହି ପରାମର୍ଶ ବିଶେଷ ଗୁରୁତ୍ୱ ବହନ କରେ।
କୋଭିଡ୍‌-୧୯ ଭୂତାଣୁର ଦ୍ୱିତୀୟ ଲହରରେ ଦେଶବ୍ୟାପୀ ଅକ୍ସିଜେନ ସଙ୍କଟ ଦେଖାଦେଇଛି। ଅକ୍ସିଜେନ ଅଭାବରୁ ହସ୍ପିଟାଲଗୁଡ଼ିକରେ ଚିକିତ୍ସାଧୀନ ରୋଗୀ ପ୍ରାଣ ହରାଉଛନ୍ତି। ଏପରି କି ଅନେକ ହସ୍ପିଟାଲ ଅମ୍ଳଜାନ ନ ପାଇ ସଂକ୍ରମିତଙ୍କୁ ଭର୍ତ୍ତି କରିବାକୁ ମନା କରିଦେଉଛନ୍ତି। କିଛି ଦିନ ତଳେ ସୁପ୍ରିମକୋର୍ଟ ଏହି ଅବସ୍ଥାକୁ ଜାତୀୟ ଜରୁରୀ ପରିସ୍ଥିତି ବୋଲି ଅଭିହିତ କରିଥିଲେ। ଜଷ୍ଟିସ୍‌ ଡି.ଓ୍ବାଇ. ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏନେଇ ଗୁରୁବାର କେନ୍ଦ୍ର ସରକାରଙ୍କୁ ସତର୍କ କରାଇଦେଇଛନ୍ତି। କହିଛନ୍ତି, ଆମେ ଯଦି ଆଜି ପ୍ରସ୍ତୁତ ହେବା ତେବେ ଭାଇରସ୍‌ର ତୃତୀୟ ଲହରକୁ ସାମ୍ନା କରିପାରିବା। ଯାହାକିଛି ଜରୁରୀ ସାମଗ୍ରୀ ରହିଛି ସେଗୁଡ଼ିକୁ ତୁରନ୍ତ ହସ୍ପିଟାଲଗୁଡ଼ିକୁ ପଠାଯିବା ଆବଶ୍ୟକ। କେବଳ ରାଜ୍ୟଗୁଡ଼ିକୁ ଆବଣ୍ଟନ କରିଦେଲେ ହେବନାହିଁ, ବରଂ ସେଗୁଡ଼ିକୁ ହସ୍ପିଟାଲଗୁଡ଼ିକୁ କିପରି ପଠାଯାଇପାରିବ ତା’ ଉପରେ ମଧ୍ୟ କେନ୍ଦ୍ର ପଦକ୍ଷେପ ନେଉ। ଦିଲ୍ଲୀକୁ ୭୦୦ ମେଟ୍ରିକ୍‌ ଟନ୍‌ ଅକ୍ସିଜେନ ଯୋଗାଣରେ ବିଫଳ ହେବା ନେଇ କେନ୍ଦ୍ର ପକ୍ଷରୁ ଜବାବ ଦାଖଲ ବେଳେ ଖଣ୍ଡପୀଠ ଶୁଣାଣି କରି ଏହି କଠୋର ଆଭିମୁଖ୍ୟ ପ୍ରକାଶ କରିଛନ୍ତି। ଖଣ୍ଡପୀଠ ଆହୁରି କହିଛନ୍ତି, ଅକ୍ସିଜେନ ଯୋଗାଣକୁ ତ୍ୱରାନ୍ବିତ କରିବାରେ ଅସୁବିଧା କେଉଁଠି ରହିଛି? ଯେଉଁଠି ଅମ୍ଳଜାନ ଆବଶ୍ୟକ ହେଉନାହିଁ ଅନ୍ତତଃ ସିଲିଣ୍ଡରଗୁଡ଼ିକୁ ସଂରକ୍ଷିତ କରି ରଖିହେବ। କିନ୍ତୁ ତାହା ଏପରି ସମୟରେ ଗଚ୍ଛିତ ରଖାଯାଇପାରିବ, ଯେତେବେଳେ କି ଅକ୍ସିଜେନ ଅଭାବରୁ କେହି ରୋଗୀ ମରୁ ନ ଥିବେ। କେନ୍ଦ୍ର ପକ୍ଷରୁ ପ୍ରତିନିଧିତ୍ୱ କରୁଥିବା ସଲିସିଟର ଜେନେରାଲ (ଏସ୍‌ଜି) ତୁଷାର ମେହେଟ୍ଟା ଖଣ୍ଡପୀଠଙ୍କୁ ଅବଗତ କରାଇଥିଲେ ଯେ, କୋଭିଡ୍‌ ରୋଗୀଙ୍କ ଚିକିତ୍ସା ପାଇଁ ୭୩୦ ମେଟ୍ରିକ୍‌ ଟନ୍‌ ଅକ୍ସିଜେନ ଯୋଗାଣକୁ ସୁନିଶ୍ଚିତ କରାଯାଇଛି। ଏହାସହ ସେ ଅମ୍ଳଜାନ ଅଧିଗ୍ରହଣ ଓ ବିଭିନ୍ନ ରାଜ୍ୟକୁ ଆବଣ୍ଟନ ନେଇ ଏକ ବିସ୍ତୃତ ଯୋଜନା ଉପସ୍ଥାପନ କରିଥିଲେ। ଏସ୍‌ଜି ଯୁକ୍ତି ବାଢ଼ିଥିଲେ, ଦିଲ୍ଲୀକୁ ୭୦୦ ମେଟ୍ରିକ୍‌ ଟନ୍‌ ଅକ୍ସିଜେନ ଯୋଗାଇକୁ ହେଲେ କେନ୍ଦ୍ର ସରକାରଙ୍କୁ ଅନ୍ୟ ରାଜ୍ୟର ଅଂଶରୁ ନେବାକୁ ପଡ଼ିବ। ଏପରି କରିବା ଫଳରେ କିଛି ନକାରାମତ୍କ ପରିଣାମ ଆସିଲେ ଅନ୍ୟ କାହାର ଅସାମର୍ଥ୍ୟ ପାଇଁ କେନ୍ଦ୍ରକୁ ଦାୟୀ କରାଯାଇ ପାରିବ ନାହିଁ। ଏନେଇ ଜଷ୍ଟିସ୍‌ ଚନ୍ଦ୍ରଚୂଡ଼ କହିଥିଲେ, ରାଜ୍ୟଗୁଡ଼ିକୁ ଅମ୍ଳଜାନ ଆବଣ୍ଟନ ନେଇ କେନ୍ଦ୍ର ଫର୍ମୁଲାର ସମୀକ୍ଷା (ଅକ୍ସିଜେନ ଅଡିଟ୍‌) କରାଯିବା ଆବଶ୍ୟକ।
ପ୍ରକାଶ ଯେ, ଦିଲ୍ଲୀକୁ ୭୦୦ ମେଟ୍ରିକ୍‌ ଟନ୍‌ ଅକ୍ସିଜେନ ଯୋଗାଣରେ ବିଫଳତାକୁ ନେଇ ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କ ବିରୋଧରେ ଅବମାନନା ନୋଟିସ୍‌ ଜାରି କରିଥିଲେ। କେନ୍ଦ୍ର ସରକାର ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିବାବେଳେ ଶୀର୍ଷ ଅଦାଲତ ବୁଧବାର ହାଇକୋର୍ଟଙ୍କ ନୋଟିସ ଉପରେ ସ୍ଥଗିତାଦେଶ ଜାରି କରିଥିଲେ। ତେବେ କୋଭିଡ୍‌-୧୯ ମୁକାବିଲା ସମ୍ପର୍କିତ ବିଚାର ପାଇଁ ହାଇକୋର୍ଟଙ୍କୁ ମନା କରାଯାଇପାରିବ ନାହିଁ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଥିଲେ।


Enter your email to get our daily news in your inbox.

All Right Reserved By Dharitri.Com

ସ୍ବାଧୀନତା ଦିବସ ପୂର୍ବରୁ ମଣିପୁରରୁ ୭ ଉଗ୍ରବାଦୀ ଗିରଫ…

ଇମ୍ଫାଲ, ୧୪।୮ : ସ୍ବାଧୀନତା ଦିବସ ପାଳନ ପୂର୍ବରୁ ଏକ ବଡ ଷଡଯନ୍ତ୍ର ପଣ୍ଡ ହୋଇଛି। ସୂଚନାନୁସାରେ, ମଣିପୁରର ବିଭିନ୍ନ ସ୍ଥାନରୁ ନିଷିଦ୍ଧ ପିପୁଲ୍ସ ଲିବରେସନ...

ପ୍ରଶ୍ନ କଲେ ତେଜସ୍ବୀ: ଭାଜପା ବିହାରରେ ୧୯ ଲକ୍ଷ ଚାକିରି ଦେବାର ପ୍ରତିଶ୍ରୁତି ଦେଇଥିଲା, ୧୯ଟି ଦେଇଛି କି…

ନୂଆଦିଲ୍ଲୀ,୧୨।୮: ବିହାରରେ ଭାଜପା ସରକାର ୧୯ ଲକ୍ଷ ନିଯୁକ୍ତି ଦେବାକୁ ପ୍ରତିଶ୍ରୁତି ଦେଇଥିଲା। ହେଲେ କ’ଣ ସେ ୧୯ଜଣଙ୍କୁ ଚାକିରି ଦେଇଛନ୍ତି କି ବୋଲି ଶୁକ୍ରବାର...

ଲମ୍ବା କୁର୍ତ୍ତି ପିନ୍ଧିବାକୁ ରାଜି ନୁହେଁ କଲେଜ ଛାତ୍ରୀ

ହାଇଦ୍ରାବାଦ,୧୬।୯: ଆନ୍ଧ୍ରପ୍ରଦେଶ ରାଜଧାନୀ ହାଇଦ୍ରାବାଦର ଏକ କଲେଜରେ ପ୍ରଶାସନ ପକ୍ଷରୁ ଆଣ୍ଠୁ ତଳକୁ କୁର୍ତ୍ତି ପିନ୍ଧିବାକୁ ନିର୍ଦ୍ଦେଶ ଦିଆଯାଇଥିଲା। ସର୍ଟ କୁର୍ତ୍ତି, ସ୍ଲିବଲେସ୍‌ ଆଦି ପିନ୍ଧିବାକୁ...

ଜେଲ୍‌ରେ ଚାଷ କରି ୧୮ହଜାର ଟଙ୍କା କମାଇଲେ ରାମ ରହିମ୍‌

ରୋହତକ,୨୫।୮:ଡେରା ସଚ୍ଚା ମୁଖ୍ୟ ଗୁରମିତ୍‌ ରାମ ରହିମ ସିଂହ ତାଙ୍କ ଆଶ୍ରମର ଦୁଇ ଜଣ ସାଧ୍ବୀଙ୍କ ପ୍ରତି ବଳାତ୍କାର କରିଥିବା ଅଭିଯୋଗରେ ୨୦ ବର୍ଷ ଜେଲ ଦଣ୍ଡ...

ବାୟୁସେନାର ସି-୧୩୦ଜେ ବିମାନ ୮୫ରୁ ଊର୍ଦ୍ଧ୍ୱ ଯାତ୍ରୀଙ୍କୁ ନେଇ ଭାରତ ଅଭିମୁଖେ, ୨୫୦ ନାଗରିକଙ୍କୁ ନେଇ ଉଡିବାକୁ ପ୍ରସ୍ତୁତ ସି-୧୭

ନୂଆଦିଲ୍ଲୀ,୨୧ ।୮: ଆଫଗାନିସ୍ତାନରେ ଏବେ ତାଲିବାନ ରାଜ୍ । ଏବେ ସେଠାକାର ପରିସ୍ଥିତି ଏମିତି ବିଗିଡି ଯାଇଛି ଯେ ତାଲିବାନ ଭୟରେ ପାୟ ସମସ୍ତେ ଦେଶ...

ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଘୋଷଣା ପତ୍ର ଜାରି କଲା ଭାଜପା: ନିଯୁକ୍ତି, ସ୍ବାସ୍ଥ୍ୟକୁ ଗୁରୁତ୍ୱ

ମୁମ୍ବାଇ,୧୫।୧୦: ମହାରାଷ୍ଟ୍ର ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ଏବେ ସାଧାରଣ ଭୋଟରଙ୍କୁ ନିଜ ଆଡକୁ ଆକର୍ଷିତ କରିବାକୁ ପ୍ରାୟ ସବୁ ଦଳ ପ୍ରୟାସ ଜାରି...

୩୦୦୦ ଟନ୍‌ ସୁନାଖଣି ଖବରକୁ ଜିଏସ୍‌ଆଇର ଖଣ୍ଡନ

ସୋନଭଦ୍ର,୨୩ା୨(ପି.ଟି.): ଉତ୍ତରପ୍ରଦେଶର ସୋନଭଦ୍ର ଜିଲାରେ ପାଖାପାଖି ୩୦୦୦ ଟନ୍‌ ସୁନା ଗଚ୍ଛିତ ଥିବା ଖବର ପ୍ରକାଶ ପାଇଥିଲା। ଜିଲା ଖଣି ଅଧିକାରୀଙ୍କ ଏଭଳି ଦାବିକୁ ଭାରତୀୟ...

ଗାନ୍ଧୀ ନଗର ଲୋକ ସଭା ଆସନରେ ଶାହ ବିଜୟୀ, ମିଳିପାରେ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟ

ନୂଆଦିଲ୍ଲୀ,୨୩ା୫: ନିର୍ବାଚନ ରଣନୀତି ଓ ପ୍ରଚାରର ମଙ୍ଗ ଧରିଥିବା ଭାଜପା ଅଧ୍ୟକ୍ଷ ଅମିତ ଶାହଙ୍କ ଭୂମିକା ଏଥର ବେଶ୍‌ ଗୁରୁତ୍ୱପୂର୍ଣ୍ଣ ଥିଲା। ୨୦୧୪ରେ ସେ ୟୁପି...

Advertisement
Archives

Model This Week