ଗୁଡଭେଲା, ୩୦।୧୨(ଡି.ଏନ.ଏ.): ବଲାଙ୍ଗୀର ଜିଲା ଗୁଡଭେଲା ବ୍ଳକ ଡୁଙ୍ଗିବାହାଲ ଗ୍ରାମ ଖେଳପଡ଼ିଆରେ ଚାଲିଥିବା ଗଣେଶ କ୍ରିକେଟ ଟୁର୍ନାମେଣ୍ଟ ମଙ୍ଗଳବାର ଶେଷ ହୋଇଛି। ଫାଇନାଲ ଖେଳ ସରଗଡ଼ା ଓ ଥାଳବନ୍ଧ ମଧ୍ୟରେ ହୋଇଥିଲା। ୧୦ ଓଭର ଖେଳରେ ଟସ୍ ଜିତି ସରଗଡା ପ୍ରଥମେ ବ୍ୟାଟିଂ କରି ୭ ଉଇକେଟ ହରାଇ ୯୫ରନ୍ ସଂଗ୍ରହ କରିଥିଲା। ଜବାବରେ ଥାଳବନ୍ଧ ଦଳ ନିର୍ଦ୍ଧାରିତ ଓଭରରେ ୮ ଉଇକେଟ ହରାଇ ୫୬ରନ୍ କରି ପରାସ୍ତ ହୋଇଥିଲା। ସୁରେନ୍ଦ୍ର ସୁନା ଓ ରାଜେଶ ସୁନା ଖେଳ ପରିଚାଳନା କରିଥିଲେ ା ପୁରଷ୍କାର ବିତରଣ ଉତ୍ସବରେ ଗୁଡଭେଲା ସମିତି ସଭ୍ୟ ଚିତ୍ରସେନ ଭୋଇ ମୁଖ୍ୟ ଅତିଥି, ସମ୍ମାନୀତ ଅତିଥିଭାବେ ପୂର୍ବତନ ସରପଞ୍ଚ ନିଧି କୁମ୍ଭାର ଯୋଗଦେଇ ଚାମ୍ପିୟନ ସରଗଡ଼ା ଦଳକୁ ୧୦ହଜାର ଟଙ୍କା ସହ ଟ୍ରଫି ଓ ରନର୍ସ ଅପ ଥାଳବନ୍ଧି ଦଳକୁ ୬ହଜାର ଟଙ୍କା ସହ ଟ୍ରଫି ପ୍ରଦାନ କରିଥିଲେ। ମ୍ୟାନ ଅଫ ଦି ମ୍ୟାଚ ସୁଶାନ୍ତ ଓ ମ୍ୟାନ ଅଫ ଦି ସିରିଜ ସୁପାଲଙ୍କୁ ପୁରସ୍କୃତ କରାଯାଇଥିଲା। ଟୁର୍ନାମେଣ୍ଟରେ ୧୬ଟି ଦଳ ଅଂଶଗ୍ରହଣ କରିଥିଲେ।
