ଫୁଲବାଣୀ ଅଫିସ/ଟିକାବାଲି, ୨୮ା୨:ସରକାର ଛୋଟ ପିଲା ଏବଂ ଗର୍ଭବତୀ ଙ୍କୁ ଅଙ୍ଗନୱାଡି କେନ୍ଦ୍ରରେ ପୁଷ୍ଟିକର ଆହାର ଯୋଗାଇ ଦେଉଛନ୍ତି ା ଯୋଜନାର ମୂଳ ଲକ୍ଷ୍ୟ ରହିଛି କେହି ଯେପରି ଅପପୁଷ୍ଟିର ଶୀକାର ନ ହେବେ ା କିନ୍ତୁ ଗ୍ରାମାଞ୍ଚଳରେ ଥିବା ଅଙ୍ଗନୱାଡି କେନ୍ଦ୍ରରେ ଏହି ଯୋଜନାକୁ ଜାଣିଶୁଣି ଦିଗହରା କରାଯାଉଛି ା ଅଧିକାଂଶ ଦିନ କେନ୍ଦ୍ର ବନ୍ଦ ରହୁଛି ା ଅଙ୍ଗନୱାଡି କର୍ମୀ ଏବଂ ସହାୟିକା ମାସରେ ଅଧା ଦିନ ଆସୁ ନାହାନ୍ତି ା ଏଭଳି ଘଟଣା କନ୍ଧମାଳ ଜିଲା ଟିକାବାଲି ବ୍ଲକ କଇଁଝର ପଞ୍ଚାୟତ ଗଣ୍ଡଗାଁ ଏବଂ ବେଙ୍ଗସାହି କେନ୍ଦ୍ରରେ ଦେଖିବାକୁ ମିଳିଛି ା ୯ ନମ୍ବର ୱାର୍ଡ ଗଣ୍ଡସାହିରେ ଏକ ଅଙ୍ଗନୱାଡି କେନ୍ଦ୍ର ରହିଛି। ଏଠାକୁ ଅଙ୍ଗନଓ୍ବାଡି କର୍ମୀ ଆସୁ ନାହାନ୍ତି ା ମାସରେ ୧୫ରୁ ଊର୍ଦ୍ଧ୍ୱ ଦିନ କେନ୍ଦ୍ର ବନ୍ଦ ରହୁଛି ା ପିଲାଙ୍କୁ ପୁଷ୍ଟିକର ଆହାର ମିଳୁନାହିଁ ା ଅଣ୍ଡା ଦେବାରେ ବି ଗଡବଡ କରାଯାଉଛି। କେନ୍ଦ୍ର ବନ୍ଦ ରହୁଥିବାରୁ ପିଲାମାନେ ପଢ଼ି ପାରୁ ନାହନ୍ତି ା କର୍ମୀଙ୍କ କଥା ଛାଡ, କେନ୍ଦ୍ର ସହାୟିକା ଏଠାରେ ରହୁ ନାହାନ୍ତି। ସେ ତାଙ୍କ ମା’ଙ୍କୁ ଜଗାଇ ଦେଇ କୁଆଡେ ଚାଲି ଯାଉଛନ୍ତି ା ଯେତେ କହୁଥିଲେ ମଧ୍ୟ ସେମାନେ ଶୁଣୁ ନାହାନ୍ତି ବୋଲି ଗଣ୍ଡସାହିର ଆଶୁତୋଷ ନାୟକ, ଅନ୍ତର୍ଯ୍ୟାମୀ ନାୟକ, ବିପିନ କୁମାର ମୁଖି ପ୍ରମୁଖ ପ୍ରକାଶ କରିଛନ୍ତି ା ଏ ନେଇ ଅଙ୍ଗନୱାଡି କର୍ମୀ ନର୍ମଦା ଦିଗାଲଙ୍କୁ ପଚାରିବାରୁ ମଁୁ କେନ୍ଦ୍ରକୁ ସବୁବେଳେ ଯାଉଛି ା ଦେହ ଖରାପ ଥିଲେ କୋଉ ଦିନ ଯାଇ ନ ଥିବି ବୋଲି ନିଜ ପ୍ରତିକ୍ରିୟାରେ ରଖିଛନ୍ତି। ସହାୟିକା ମଞ୍ଜୁଲତା ନାୟକଙ୍କୁ ଫୋନରେ ଯୋଗାଯୋଗ କରା ଯାଇଥିଲେ ହେଁ ସେ ଫୋନ ଉଠାଇ ନାହାନ୍ତି କି ଗ୍ରାମରେ ରହୁ ନାହାନ୍ତି ା
୧୧ ନମ୍ବର ୱାର୍ଡ ବେଙ୍ଗସାହି ଅଙ୍ଗନୱାଡି କେନ୍ଦ୍ରକୁ କର୍ମୀ ଆସିବା ଯାହା ନ ଆସିବା ତାହା ା ଅଧିକାଂଶ ଦିନ ୯ଟାରେ କେନ୍ଦ୍ରରେ ପହଞ୍ଚୁଛନ୍ତି ା ୧୦ଟାରେ ବନ୍ଦ କରି ଚାଲି ଯାଉଛନ୍ତି ା ପିଲା ଏବଂ ଗର୍ଭବତୀମାନଙ୍କୁ ରନ୍ଧା ଖାଦ୍ୟ ମିଳୁ ନାହିଁ ା ପିଲାମାନେ ପାଠ ପଢ଼ି ପାରୁ ନାହାନ୍ତି ା ଯେଉଁ ଦିନ ଅଧିକ ସମୟ ରହୁଛନ୍ତି, ସେହି ଦିନ ଖାଦ୍ୟ ଦିଆଯାଉଛି ା ଆମେ ଏ ନେଇ ଦିଦିଙ୍କୁ କହୁଥିଲେ ମଧ୍ୟ ସେ କିଛି ଶୁଣୁ ନାହାନ୍ତି ବୋଲି ବେଙ୍ଗସାହିର ଟୁଙ୍ଗୁରୁ କହଁର, ସୁନେକା ଦିଗାଲ କହିଛନ୍ତି। ଘଟଣା ସମ୍ପର୍କରେ ଅଙ୍ଗନୱାଡି କର୍ମୀ ଲୁଧିଆ ଦିଗାଲଙ୍କୁ ପଚାରିବାରୁ ମଁୁ ଅଙ୍ଗନୱାଡି କେନ୍ଦ୍ର କେବେ ବନ୍ଦ କରେ ନାହିଁ ା ପିଲାଙ୍କୁ ଅଣ୍ଡା ସହ ସବୁ ଜିନିଷ ଦିଆଯାଉଛି ା ମଁୁ କେବେ ଅବହେଳା କରେନାହିଁ ବୋଲି କହିଛନ୍ତି ା ଏ ନେଇ ସିଡିପିଓ ପାନମଣୀ ହାଁସଦାଙ୍କୁ ପଚାରିବାରୁ ଗ୍ରାମବାସୀ କେହି ଏ ବିଷୟରେ ମୋ ପାଖରେ ଅଭିଯୋଗ କରି ନାହାନ୍ତି ା ତଥାପି ଘଟଣାର ତଦନ୍ତ କରିବି ବୋଲି କହିଛନ୍ତି।
