ଶ୍ରୀନଗର ୨।୩: କଂଗ୍ରେସର ଅସନ୍ତୁଷ୍ଟ ଜି-୨୩ ସଦସ୍ୟ ଜମ୍ମୁ-କଶ୍ମୀରରେ ଶାନ୍ତି ସମ୍ମିଳନୀ କରିଥିଲେ। ଏଥିରେ ଗୁଲାମନବୀ ଆଜାଦ୍ଙ୍କ ସମେତ ଅନ୍ୟ ସଦସ୍ୟମାନେ ଗାନ୍ଧୀ ପରିବାରକୁ ଟାଗେର୍ଟ କରି କଂଗ୍ରେସ ବିରୋଧରେ ନିଜ ନିଜର ମତ ରଖିଥିଲେ। ଏବେ ଗାନ୍ଧୀ ପରିବାର ଏବଂ ଜି-୨୩ ସଦସ୍ୟଙ୍କ ମଧ୍ୟରେ ଲାଗି ରହିଥିବା କନ୍ଦଳ ଜମ୍ମୁ ସହରର ସଡ଼କରେ ପହଞ୍ଚିଛି। ଗୁଲାମନବୀ ଭାଜପାର କଥା କହୁଥିବା ଅଭିଯୋଗ କରି ସ୍ଥାନୀୟ କଂଗ୍ରେସ କର୍ମୀ ପ୍ରଦର୍ଶନ କରିଛନ୍ତି। ସେମାନେ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କୁ ସମର୍ଥନ କରିି ଗୁଲାମନବୀଙ୍କ କୁଶ ପୁତ୍ତଳିକାରେ ଅଗ୍ନି ସଂଯୋଗ କରିଛନ୍ତି। ଗୁଲାମନବୀ ଲଗାତାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରୁଥିବା କଂଗ୍ରେସକର୍ମୀମାନେ ଅଭିଯୋଗ ଆଣିିଛନ୍ତି। ରାଜ୍ୟର ସମସ୍ୟା ଉପସ୍ଥାପନା କରିବା ପରିବର୍ତ୍ତେ ଗୁଲାମନବୀ ଏଭଳି କାର୍ଯ୍ୟ କରିବା ନିନ୍ଦନୀୟ ବୋଲି କଂଗ୍ରେସକର୍ମୀମାନେ ସ୍ଲୋଗାନ ଦେଇ କ୍ଷୋଭ ପ୍ରକାଶ କରିଛନ୍ତି।
