ନୂଆଦିଲ୍ଲୀ,୫।୧୧: ଆଗାମୀ ଦିନରେ ୫ଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ରାଜନୈତିକ ଦଳଗୁଡ଼ିକ ଜୋରଦାର ପ୍ରଚାର କରୁଛନ୍ତି। ସର୍ବସାଧାରଣ ଭୋଟ ପାଇବା ପାଇଁ କଂଗ୍ରେସ-ଭାଜପା ସେମାନଙ୍କ ମନିଫେଷ୍ଟୋରେ ଅନେକ ପ୍ରତିଶୃତି ଦେଇଛି। କଂଗ୍ରେସ ରାଜସ୍ଥାନ, ମଧ୍ୟପ୍ରଦେଶ ଏବଂ ଛତିଶଗଡବାସୀଙ୍କୁ ଏହାର ମନିଫେଷ୍ଟୋ ମାଧ୍ୟମରେ ଅନେକ ପ୍ରତିଶ୍ରୁତି ଦେଇଥିଲା ଯେଉଁଥିରେ ମାଗଣା ବିଦ୍ୟୁତଠାରୁ ପୁରୁଣା ପେନ୍ସନ ଯୋଜନା ପର୍ଯ୍ୟନ୍ତ ଆଲୋଚନା କରାଯାଇଥିଲା।
ନଭେମ୍ବର ୭ ଏବଂ ନଭେମ୍ବର ୧୭ରେ ଛତିଶଗଡରେ ଦୁଇଟି ପର୍ଯ୍ୟାୟରେ ମତଦାନ ଅନୁଷ୍ଠିତ ହେବ ଏବଂ ଫଳାଫଳ ଡିସେମ୍ବର ୩ରେ ଘୋଷଣା କରାଯିବ। ଏଠାରେ କ୍ଷମତାକୁ ଫେରିବା ପାଇଁ କଂଗ୍ରେସ କ୍ରମାଗତ ଭାବେ ଭାଜପା ଉପରେ ଆକ୍ରମଣ କରୁଛି। ଏଠାରେ ପୁଣିଥରେ ସରକାର ଗଠନ ପାଇଁ କଂଗ୍ରେସ ଅନେକ ପ୍ରତିଶ୍ରୁତି ଦେଇଛି। ଗତ ବିଧାନସଭା ନିର୍ବାଚନରେ ମଧ୍ୟ କୃଷକଙ୍କ ଋଣ ଛାଡ କରିବାକୁ କଂଗ୍ରେସ ପ୍ରତିଶ୍ରୁତି ଦେଇଥିଲା। ଏଥର ମଧ୍ୟ କଂଗ୍ରେସ ସମାନ ପ୍ରତିଶ୍ରୁତି ଦେଇଛି।
ଛତିଶଗଡ଼ରେ କଂଗ୍ରେସ ୨୦୧୮ ଭଳି ଚାଷୀଙ୍କ ଋଣ ଛାଡ ଘୋଷଣା କରିଛି।
ଯଦି କଂଗ୍ରେସ ସରକାର ଗଠନ ହୁଏ, ତେବେ ଏକର ପିଛା ୨୦କ୍ୱିଣ୍ଟାଲ ଧାନ କ୍ରୟ କରାଯିବ। ପୂର୍ବରୁ ଏକର ପିଛା ୧୫ କ୍ୱିଣ୍ଟାଲ କିଣାଯାଉଥିଲା।
କୁହାଯାଇଛି ଯେ ଯଦି ରାଜ୍ୟରେ କଂଗ୍ରେସ ସରକାର ଗଠନ ହୁଏ ତେବେ ୨୦୦ ୟୁନିଟ ପର୍ଯ୍ୟନ୍ତ ମାଗଣା ବିଦ୍ୟୁତ ଯୋଗାଇ ଦିଆଯିବ। ଏହାଠାରୁ ଅଧିକ ବିଦ୍ୟୁତ ବ୍ୟବହାର କରୁଥିବା ଗ୍ରାହକମାନେ ମଧ୍ୟ ୨୦୦ୟୁନିଟ ମାଗଣା ବିଦ୍ୟୁତ ପାଇବେ।
କେନ୍ଦୁପତ୍ର ବ୍ୟାଗ ୪୦୦୦ଟଙ୍କା ବଦଳରେ ୬୦୦୦ ଟଙ୍କାରେ ଉପଲବ୍ଧ ହେବ।
କଂଗ୍ରେସ ସରକାର ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଯୋଗାଇ ଦେବେ।
ମହତାରୀ ନ୍ୟାୟଯୋଜନା ଅଧୀନରେ ଗ୍ୟାସ ସିଲିଣ୍ଡର ୫୦୦ଟଙ୍କାରେ ଉପଲବ୍ଧ ହେବ।
କେଜି ରୁ ପିଜି ପର୍ଯ୍ୟନ୍ତ ମାଗଣା ଶିକ୍ଷା (ପୋଷ୍ଟ ଗ୍ରାଜୁଏସନ)।
