ସାରସକଣା,୧୪ା୧୧(ଡି.ଏନ.ଏ.): ବିଦ୍ୟୁତ୍ ବିଭାଗରେ ଚାକିରି କରାଇଦେବା ନାଁରେ ଲକ୍ଷାଧିକ ଟଙ୍କା ଠକି ନେଇଥିବା ଜଣେ ବ୍ୟକ୍ତିଙ୍କୁ ପୋଲିସ ଉଠାଇ ନେଇ ପରେ ଛାଡ଼ିଦେବା ଘଟଣା ଚର୍ଚ୍ଚାର ବିଷୟ ହୋଇଛି। ମୟୂରଭଞ୍ଜ ଜିଲା ଝାରପୋଖରିଆ ଅଞ୍ଚଳର ଉକ୍ତ ବ୍ୟକ୍ତି ଜଣକ ଏକ କର୍ପୋରେସନ ସଂସ୍ଥାରେ ଚାକିରି କରୁଥିବା ବେଳେ ଉକ୍ତ ସଂସ୍ଥାର ଅନ୍ୟ ୩ କର୍ମଚାରୀଙ୍କୁ ମଧ୍ୟ ପୋଲିସ ଥାନାକୁ ନେଇ ପଚରାଉଚରା କରିଥିଲା। ପରେ ଅଭିଯୋଗକାରୀଙ୍କ ସହ ଆପୋଷ ସମାଧାନ ହେବାରୁ ପୋଲିସ ସମସ୍ତଙ୍କୁ ଛାଡ଼ି ଦେଇଥିଲା।
ସୂଚନା ଅନୁଯାୟୀ, ରବିବାର ଝାରପୋଖରିଆ ସ୍ଥିତ ଏକ ମଣ୍ଡପରେ ଚାଷୀ ଏବଂ ଶ୍ରମିକ ଶ୍ରେଣୀର ଲୋକଙ୍କୁ ନେଇ ଉକ୍ତ କର୍ପୋରେସନ ସଂସ୍ଥା ପକ୍ଷରୁ ଜିଲାସ୍ତରୀୟ ବୈଠକ ଆୟୋଜନ ପାଇଁ ସ୍ଥିରୀକୃତ ହୋଇଥିଲା। ଏହା ପୂର୍ବରୁ ଚାକିରି ପାଇଁ ଟଙ୍କା ଦେଇଥିବା ଯୁବକମାନେ ପୋଲିସକୁ ଫୋନ ଯୋଗେ ଜଣାଇଥିଲେ। ଟଙ୍କା ନେଇଥିବା ବ୍ୟକ୍ତି ଜଣକ ଉକ୍ତ ବୈଠକରେ ଯୋଗଦେବା ପାଇଁ ପୂର୍ବଦିନଠାରୁ ଆସି ସଂସ୍ଥାର ଅନ୍ୟ କର୍ମଚାରୀଙ୍କ ସହ ଝାରପୋଖରିଆସ୍ଥିତ ଏକ ହୋଟେଲରେ ରହିଥିଲେ। ପୋଲିସ ସେଠାରେ ଚଢ଼ାଉ କରି ଟଙ୍କା ନେଇଥିବା
