ଇସଲାମବାଦ,୨୨।୨: ୨୦୨୬ ଟି୨୦ ବିଶ୍ୱକପର ସେମିଫାଇନାଲରେ ପାକିସ୍ତାନ ଭାରତକୁ ପରାସ୍ତ କରିବ। ଟିମ ଇଣ୍ଡିଆ ସେମିଫାଇନାଲରେ ମଧ୍ୟ ପହଞ୍ଚିପାରିବ ନାହିଁ। ପାକିସ୍ତାନ ପକ୍ଷରୁ ଏପରି ବଡ଼ ଦାବି କରାଯାଉଛି। ପ୍ରଥମେ ମହମ୍ମଦ ଆମିର ଏବଂ ଏବେ ପୂର୍ୱତନ ପାକିସ୍ତାନୀ କ୍ରିକେଟର ରଶିଦ ଲତିଫ କହୁଛନ୍ତି ଯେ ସେମିଫାଇନାଲରେ ପୁଣି ଥରେ ଭାରତ-ପାକିସ୍ତାନ ମୁକାବିଲା ହେବ।
ସମ୍ପ୍ରତି, ମହମ୍ମଦ ଆମିର ଏକ ପାକିସ୍ତାନୀ ଚ୍ୟାନେଲରେ ଆଲୋଚନା କରୁଥିବା ସମୟରେ କହିଥିଲେ ଯେ ଟିମ ଇଣ୍ଡିଆ ସେମିଫାଇନାଲରେ ମଧ୍ୟ ପହଞ୍ଚିପାରିବ ନାହିଁ। ୱେଷ୍ଟଇଣ୍ଡିଜ ଏବଂ ଦକ୍ଷିଣ ଆଫ୍ରିକା ସେମାନଙ୍କ ଗ୍ରୁପରୁ ଶେଷ ଚାରିକୁ ଯିବେ।
ପୂର୍ୱତନ ପାକିସ୍ତାନୀ କ୍ରିକେଟର ରଶିଦ ଲତିଫ କହିଛନ୍ତି ଯେ ପାକିସ୍ତାନର ସେମିଫାଇନାଲରେ ପହଞ୍ଚିବାର ଏକ ଭଲ ସୁଯୋଗ ଅଛି ଏବଂ ସେମିଫାଇନାଲ ଭାରତ ବନାମ ପାକିସ୍ତାନ ମ୍ୟାଚ ହୋଇପାରେ। ଆପଣଙ୍କୁ ମନେ ପକାଇ ଦେଉଛୁ ଯେ ଟିମ ଇଣ୍ଡିଆ ଗ୍ରୁପ ମ୍ୟାଚରେ ପାକିସ୍ତାନକୁ ୬୧ ରନରେ ପରାସ୍ତ କରିଥିଲା।
ରଶିଦ ଲତିଫ କହିବା ମାତ୍ରେ ଯେ ପାକିସ୍ତାନ ସେମିଫାଇନାଲରେ ଭାରତକୁ ପରାସ୍ତ କରିବ, ତାଙ୍କ ସାକ୍ଷାତକାର ନେଉଥିବା ନୌମାନ ନିଆଜ ହସିବାକୁ ଲାଗିଲେ। ସେ କହିଛନ୍ତି ଯେ ପାକିସ୍ତାନ ପାଇଁ ଆଉ ଏକ ଅପମାନଜନକ ପରାଜୟ ଦେଖିବାକୁ ସେ ସହ୍ୟ କରିପାରିବେ ନାହିଁ।
राशिद लतीफ़: “अगर सेमीफाइनल में पाकिस्तान का मुकाबला भारत से हुआ, तो इस बार हम ही जीतेंगे।”
नौमान नियाज़: “क्या भारतीय आँखें बंद करके खेलेंगे, या फिर आँखों पर पट्टी बाँधकर? खुदा का खौफ करे राशिद भाई!” 😂😂😂😂 pic.twitter.com/YYHa6KgDYo
— Ocean Jain (@ocjain4) February 21, 2026
ରସିଦ ଲତିଫଙ୍କ ଅନୁସାରେ, ସେମିଫାଇନାଲରେ ପାକିସ୍ତାନ ଭାରତକୁ ପରାସ୍ତ କରିବ। ଏହାର ପ୍ରତିକ୍ରିୟା ଦେଇ ନୌମାନ ନିଆଜ ମଜାରେ କହିଥିଲେ, “ସେମାନେ (ଭାରତୀୟ ଖେଳାଳିମାନେ) ଆଖି ବନ୍ଦ କରିବେ, କିମ୍ୱା ହୁଏତ ଆଖିରେ ପଟି ବାନ୍ଧିଦେବେ। ଭଗବାନଙ୍କୁ ଭୟ କର, ରସିଦ ଭାଇ।” ଏହା ଶୁଣି ରସିଦ ଲତିଫ ନିଜେ ମୁହଁ ଲୁଚାଇ ହସିଥିବାର ଦେଖାଯାଇଥିଲା।
