କଟକ,୩ା୬: ଜଣଙ୍କ ପରେ ଜଣେ ନେତା ବିଜେଡିର ହାତ ଛାଡୁଛନ୍ତି। ଦେବାଶିଷଙ୍କ ପରେ ଏବେ ବିଜେଡି ଛାଡ଼ିଛନ୍ତି କଟକର ପୂର୍ବତନ କର୍ପୋରେଟର ରଞ୍ଜନ ବିଶ୍ୱାଳ। ସେ ତାଙ୍କର ଇସ୍ତଫାପତ୍ର ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ପଠାଇଛନ୍ତି। ରଞ୍ଜନ ଜୀବନ ବିନ୍ଦୁ କଟକ ସିଟି ସଂଯୋଜକ ଥିଲେ। ଦେବାଶିଷ ସାମନ୍ତରାୟଙ୍କର ଜଣେ ସମର୍ଥକ ଥିଲେ ରଞ୍ଜନ। ଦେବାଶିଷ ଦଳ ଛାଡ଼ିବା ପରେ ସେ ମଧ୍ୟ ଦଳ ଛାଡ଼ିଦେଇଛନ୍ତି। ରଞ୍ଜନ ତାଙ୍କ ଇସ୍ତଫାପତ୍ରରେ ଦଳ ତାଙ୍କୁ ଅଣଦେଖା କରୁଥିବା ଉଲ୍ଲେଖ କରିଛନ୍ତି।
୨୦୨୨ ପୌର ନିର୍ବାଚନରେ ଦେବାଶିଷଙ୍କ ନେତୃତ୍ୱରେ ବାରବାଟୀ-କଟକରେ ଦଳକୁ ସର୍ବାଧିକ କର୍ପୋରେଟର ଆସନରେ ବିଜୟୀ କରାଇବାରେ ସଫଳ ହୋଇଥିଲୁ ବୋଲି ରଞ୍ଜନ ତାଙ୍କ ଇସ୍ତଫାପତ୍ରରେ ଲେଖିଛନ୍ତି। ମାତ୍ର ପରବର୍ତ୍ତୀ ସମୟରେ ଦଳ ପକ୍ଷରୁ ବିଭିନ୍ନ ସାଂଗଠନିକ କାର୍ଯ୍ୟକମ ଏବଂ ଦାୟିତ୍ୱରେ କ୍ରମାଗତ ଭାବେ ଅଣଦେଖା ଏବଂ ଅବହେଳା କରାଯାଇଥିଲା। ଯେଉଁଥିପାଇଁ ଦଳ ଛାଡ଼ିଲି ବୋଲି ରଞ୍ଜନ କହିଛନ୍ତି।
