ଦାରିଙ୍ଗବାଡି, ୩୦ ।୬ (ଅରୁଣ ସାହୁ ): ସରକାରଙ୍କ ଠାରୁ ଅନୁମୋଦନ ପାଇ ସରକାରଙ୍କ ସହ ଚୁକ୍ତି କରି ଖୋଲାଯାଇଥିବା ଠିପିବନ୍ଦ ବିଦେଶୀ ମଦ ଦୋକାନର ଅବଧି ସରିବାର ୬ ଦିନ ପୁର୍ୱରୁ ଦୋକାନକୁ ବନ୍ଦ କରିଦିଆଯାଇଥିବା ଅଭିଯୋଗ ହୋଇଛି। ଏଭଳି ଘଟଣା ଦେଖିବାକୁ ମିଳିଛି କନ୍ଧମାଳ ଜିଲା ଦାରିଙ୍ଗବାଡି ଠାରେ ରହିଥିବା ଠିପିବନ୍ଦ ବିଦେଶୀ ମଦ ଦୋକାନରେ।
ରାଜ୍ୟ ସରକାର ଏବେ ରାଜ୍ୟରେ ବିଦେଶୀ ମଦ ଦୋକାନ ପାଇଁ ନୂତନ ଟେଣ୍ଡର ପ୍ରକ୍ରିୟା କରାଇଛନ୍ତି। ପୂର୍ୱରୁ ରହିଥିବା ମଦ ଦୋକାନ ଗୁଡିକ ଚଳିତ ଜୁନ ମାସର ଶେଷ ପର୍ଯ୍ୟନ୍ତ ବିକ୍ରିବଟା କରିବା ନିୟମ ରହିଥିବା ବେଳେ କିନ୍ତୁ ଦାରିଙ୍ଗବାଡିରେ ୬ ଦିନ ପୂର୍ୱରୁ ଅର୍ଥାତ ୨୪ ତାରିଖରୁ ଆଉ ବିଦେଶୀ ମଦ ମିଳୁନଥିବା ଦାରିଙ୍ଗବାଡି ଅଞ୍ଚଳର ର୍କିକା ପ୍ରଧାନଙ୍କ ସମେତ
ଉପେ ନାୟକ ଏବଂ ମନୋଜ ପ୍ରଧାନ ପ୍ରମୁଖ ଅଭିଯୋଗ କରିଛନ୍ତି ।
ମଦ ସ୍ୱାସ୍ଥ୍ୟପାଇଁ କ୍ଷତିକାରକ ବୋଲି ସମସ୍ତେ ଜାଣନ୍ତି କିନ୍ତୁ.ସେମାନେ ନିୟମିତ ବିଦେଶୀ ମଦ ବ୍ୟବହାର କରି ସୁସ୍ଥ ରହୁଥିବା ବେଳେ ଏବେ ଏହି ଦୋକାନ ବନ୍ଦ ଯୋଗୁଁ ଆମେ ଅସୁସ୍ଥ ଅନୁଭବ କରୁଛୁ ବୋଲି ଅଭିଯୋଗ କରିଛନ୍ତି । ଏହି ଠିପିବନ୍ଦ ମଦ ଦୋକାନ ବନ୍ଦ ଯୋଗୁଁ ଏବେ ଦାରିଙ୍ଗବାଡି ସମେତ ସିମନବାଡି, କିରିକୁଟି, ଶ୍ରାନିକେତା, ଗ୍ରୀନବାଡି, ଡବେରୀ ଆଦି ସମଗ୍ର ଅଞ୍ଚଳରେ ଚୋରା ରେ ବିଦେଶୀ ମଦ ଚଢା ଦରରେ ବିକ୍ରି ହେଉଛି ଗୋଟିଏ ସ୍କାଡ଼ ପିଛା ଶହେରୁ ଦେଢ଼ ଶହ ଟଙ୍କା ଉଚ୍ଚ ରେ କଳାବଜାର ହେଉଥିବା ଉପଭୋକ୍ତା ମାନେ ଅଭିଯୋଗ କରିଛନ୍ତି। ସେପଟେ ନୂଆ ବିଦେଶୀ ମଦ ଦୋକାନ ଖୋଲିବା ପାଇଁ ସାଜ ସଜ୍ଜା ଚାଲିଥିବା ବେଳେ ପୂର୍ୱରୁ ଯେଉଁଠି ଏହି ବିଦେଶୀ ମଦ ଦୋକାନ ରହିଥିଲା ଉକ୍ତ ଦୋକାନକୁ ହିଁ ସାଜ ସଜ୍ଜା କରାଯାଉଛି ଯାହାକି ଉକ୍ତ ଦୋକାନ ମରାମତି କାର୍ଯ୍ୟ ଶେଷ ହେବା ପରେ ଆସନ୍ତା ୨ ରେ ଏହି ଦୋକାନ ଖୋଲାଯିବ ବୋଲି ଦୋକାନର ମ୍ୟାନେଜର ଉମା ରଞ୍ଜନ ଗୁରୁ ପ୍ରତିକ୍ରିୟାରେ କହିଛନ୍ତି।
ଅବଧି ପୁର୍ୱରୁ ବିଦେଶୀ ମଦ ଦୋକାନ କୁ କାହାର ଅନୁମତି ରେ ବନ୍ଦ କରିଦିଆଯାଇଛି ଏହାର ତଦନ୍ତ କରାଯିବା ଓ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ସ୍ଥାନୀୟ ବାସିନ୍ଦା ଏନେଇ କନ୍ଧମାଳ ଜିଲ୍ଲା ଅବକାରୀ ଅଧିକ୍ଷକ ସୁଶାନ୍ତ ପାଢ଼ୀଙ୍କ ସହ ଯୋଗାଯୋଗ କରାଯିବାରୁ ସେ ବିଦେଶୀ ମଦ ଦୋକାନକୁ ବନ୍ଦ ରଖାଯାଇଥିବା ସମ୍ପର୍କରେ ସେ ସୋମବାର ଅଭିଯୋଗ ପାଇଲେ ସେ ଏହାର ତଦନ୍ତ କରିବେ ଓ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
ସୂଚନା ଯୋଗ୍ୟ ଯେ ଦାରିଙ୍ଗବାଡି ଅବକାରୀ ଥାନା ଠାରୁ ମାତ୍ର ୨ ଶହ ମିଟର ଦୂରତା ରେ ଏହି ଠିପିବନ୍ଦ ବିଦେଶୀ ମଦ ଦୋକାନ ରହିଥିବା ବେଳେ ଅବକାରୀ ବିଭାଗ କିଭଳି ଏହି ଦୋକାନ ଅବଧି ସାରିବା ପୁର୍ୱରୁ ଦୋକାନ କୁ ବନ୍ଦ କରିଦିଆଯାଇଛି ଜାଣିପାରିଲେ ନାହିଁ ନା ଜାଣିଶୁଣି ବିଭାଗ ଚଞ୍ଚକତା କରିଛି ତାର ଉଚ୍ଚ ସ୍ତରୀୟ ତଦନ୍ତ କରାଯିବା ଦରକାର ବୋଲି ସ୍ଥାନୀୟ ଅଞ୍ଚଳରେ ଦାବି ହେଉଛି।
