ପୌରପାଳିକା ପକ୍ଷରୁ ଜବରଦଖଲ ଉଚ୍ଛେଦ
9:23 pmNovember 18, 2022November 18, 2022 / 09

କେନ୍ଦୁଝର,୧୮ା୧୧(ସ୍ବ.ପ୍ର.): କେନ୍ଦୁଝର ସହରର କୃଷି ବିଭାଗ ପୋଖରୀ ନିକଟ ମାଧପୁରଠାରେ କେନ୍ଦୁଝରଗଡ଼ ପୌରପାଳିକା ପକ୍ଷରୁ ଶୁକ୍ରବାର ଜବରଦଖଲ ଉଚ୍ଛେଦ କରାଯାଇଛି। ପୋଲିସ ଉପସ୍ଥିତିରେ ଜେସିବି ମେସିନ ସହାୟତାରେ ଉକ୍ତ ସ୍ଥାନଟି ଖାଲି କରାଯାଇଛି। ଉକ୍ତ ସ୍ଥାନରେ ଉଦ୍ୟାନ ଉପ ନିର୍ଦ୍ଦେଶକଙ୍କ କାର୍ଯ୍ୟାଳୟ ନିର୍ମାଣ ହେବ। ଏ ନେଇ ୮୦ ଲକ୍ଷ ଟଙ୍କା ଅନୁଦାନ ମିଳିଛି। ଉଦ୍ୟାନ ଉପନିର୍ଦ୍ଦେଶକ କାର୍ଯ୍ୟାଳୟ ନାମରେ ଖାତା ନଂ-୧, ପ୍ଲଟ୍‌ ନଂ. ୧୨୬ର ହାତିଆଟାଙ୍ଗର ମୌଜାରେ ୭୨ ଡିସିମିଲ ଜମି ରହିଛି। ରାଜସ୍ବ ବିଭାଗ ପକ୍ଷରୁ ୩୦ ଜୁନ୍‌ ୧୯୯୮ରେ ଉକ୍ତ ଜମିକୁ ଉଦ୍ୟାନ ବିଭାଗ ନାମରେ ପଟ୍ଟା କରାଯାଇଛି। ବହୁ ବର୍ଷ ଧରି ଜାଗାଟି ଖାଲି ପଡ଼ିଥିବାବେଳେ ଜମିର ସମ୍ମୁଖରେ ହୋଟେଲ, ପାନଦୋକାନ ଏବଂ ଟାୟାର ମରାମତି ଦୋକାନ କରି କିଛି ଲୋକ ପରିବାର ପ୍ରତିପୋଷଣ କରୁଥିଲେ। ଉଚ୍ଛେଦ ପରେ ବ୍ୟବସାୟୀ ଥଇଥାନ ଦାବି କରିଛନ୍ତି।