ଚେନ୍ନାଇ,୩।୫: ଡିଏମକେ ସଭାପତି ଏମ.କେ ଷ୍ଟାଲିନ ଆସନ୍ତା ମେ ୭ରେ ତାମିଲନାଡୁର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ସେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ସିଂହାସନରେ ବସିବେ। ଏହାପୂର୍ବରୁ ରବିବାର ଷଷ୍ଠ ଥର ତାମିଲନାଡୁର ଶାସନ କରିବାକୁ ତାଙ୍କ ଦଳକୁ ଆଦେଶ ଦେଇଥିବାରୁ ଷ୍ଟାଲିନ ରାଜ୍ୟର ସମସ୍ତ ଲୋକଙ୍କୁ ହୃଦୟରୁ ଧନ୍ୟବାଦ ଜଣାଇଛନ୍ତି। ଏହାସହ ସେ ସେମାନଙ୍କ ପାଇଁ ସଚ୍ଚୋଟ ଭାବରେ କାର୍ଯ୍ୟ କରିବେ ବୋଲି ଆଶ୍ୱାସନା ଦେଇଛନ୍ତି। ଡିଏମକେ କ୍ଷମତାକୁ ଆସିଲେ ଲୋକମାନେ ସେମାନଙ୍କ କଲ୍ୟାଣ ସୁରକ୍ଷିତ ରହିବେ ବୋଲି ହୃଦୟଙ୍ଗମ କରି ଜନସାଧାରଣଙ୍କୁ ସେମାନଙ୍କର ବିପୁଳ ସମର୍ଥନ ଦେଇଛନ୍ତି। ଅତୀତରେ, ୨୦୦୬-୧୧, ୧୯୯୬-୨୦୦୧, ୧୯୮୯-୯୧, ୧୯୭୧-୭୬ ଏବଂ ୧୯୬୭-୭୧ ମଧ୍ୟରେ ଡିଏମ୍କେ ରାଜ୍ୟକୁ ଶାସନ କରିଛି।
ତାମିଲନାଡୁ ବିଧାନସଭା ନିର୍ବାଚନ ୨୦୨୧ରେ ଷ୍ଟାଲିନ କ୍ରମାଗତ ତୃତୀୟ ଥର ପାଇଁ କୋଲାଥୁର ବିଧାନସଭା ଆସନ ଜିତିଛନ୍ତି। ସେ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ତଥା ଏଆଇଡିଏମ୍କେର ବରିଷ୍ଠ ସଦସ୍ୟ ଆଦି ରାଜାରାମଙ୍କୁ ୭୦୩୮୪ ଭୋଟ ବ୍ୟବଧାନରେ ପରାସ୍ତ କରିଛନ୍ତି। ତାମିଲନାଡୁ ରାଜନୀତିରେ ଷ୍ଟାଲିନଙ୍କ ନାମ ଭେଟେରାନ ନେତାମାନଙ୍କ ମଧ୍ୟରେ ଅନ୍ତର୍ଭୁକ୍ତ। ସେ ତାମିଲନାଡୁର ପାଞ୍ଚ ଥର ମୁଖ୍ୟମନ୍ତ୍ରୀ ଏମ କରୁଣାନିଧିଙ୍କ ଦ୍ୱିତୀୟ ସ୍ତରୀ ଦୟାଲୁ ଅମ୍ମଲଙ୍କ ପୁଅ। ସମ୍ପ୍ରତି ଷ୍ଟାଲିନ ଏବେ ଡିଏମକେ ଦଳର ଅଧ୍ୟକ୍ଷ ପଦର ଦାୟିତ୍ୱ ଗ୍ରହଣ କରୁଛନ୍ତି।
