ପିଲାଙ୍କ ଉତ୍ତମ କ୍ୟାରିୟର ପାଇଁ

”ପିଲାର ଭବିଷ୍ୟତ ବିଷୟରେ ମା’ବାପା ଚିନ୍ତା କରିବା କିଛି ଭୁଲ୍‌ ନୁହେଁ । ପିଲାର କେଉଁଠି ଦୋଷତ୍ରୁଟି ରହୁଛି ତାହା ଜାଣିବା ସହ ସେଗୁଡିକୁ ସୁଧାରିବାକୁ ଚେଷ୍ଟା କରନ୍ତୁ। ତାକୁ ସବୁବେଳେ ଚାପମୁକ୍ତ ରଖିବାକୁ
ଚେଷ୍ଟା କରନ୍ତୁ। ଏହାଦ୍ୱାରା ସେ ନିଜ କ୍ୟାରିୟରକୁ ସୁରୁଖୁରୁରେ ଆଗେଇ ନେଇପାରିବ ।“

ପିଲାଟି ଜନ୍ମଦେବା ପରେ ତା’ର ମା’ବାପା ତାକୁ ନେଇ ଅନେକ ସ୍ବପ୍ନ ଦେଖନ୍ତି। ପିଲାଟି ପାଠ ପଢ଼ିବ, ନିଜ କ୍ୟାରିୟର ଗଢ଼ିବ। ହେଲେ ପିଲାଟି ଦିନରୁ ତାହାର ଲାଳନପାଳନ ଦାୟିତ୍ୱ ସହ ତା’ ହାତ ଧରି ବାଟ କଢ଼ାଇ ନେବାରେ ମା-ବାପାଙ୍କର ପ୍ରମୁଖ ଭୂମିକା ରହିଛି। କେବଳ ପାଠପଢ଼ା ନୁହେଁ, ପିଲାଟିର ଆଉ କେଉଁ ବିଷୟ, ଯଥା- ଖେଳକୁଦ, ନୃତ୍ୟ, ଗୀତ ଗାଇବା ଆଦି ପ୍ରତି ଲକ୍ଷ୍ୟ ଦେବା ଜରୁରୀ। ତେଣୁ ନିଜ ପିଲାର ଉତ୍ତମ କ୍ୟାରିୟର ପାଇଁ ମା’ ବାପା କେତୋଟି ବିଷୟ ପ୍ରତି ନଜର ଦେବା ନିହାତି ଦରକାର। ସେ ସମ୍ପର୍କରେ ଟିପ୍ସ…
ପିଲାକୁ ଚାପମୁକ୍ତ ରଖନ୍ତୁ: କେତେକ ମା’-ବାପା ପିଲାଟିକୁ ନେଇ ଅନେକ ସ୍ବପ୍ନ ଦେଖନ୍ତି। ହେଲେ ପିଲା ଏ ବିଷୟରେ କିଛି ଅବଗତ ନ ଥାଏ। ଆମ ପିଲା କିପରି କ୍ଲାସ୍‌ରେ ଫାଷ୍ଟ ହେବ, ସବୁ କ୍ଷେତ୍ରରେ ସଫଳତା ଅର୍ଜନ କରିବ ଏ ନେଇ ସେମାନେ ଭାବିବା ଆରମ୍ଭ କରିଦିଅନ୍ତିି। ପିଲାର ଭବିଷ୍ୟତ ବିଷୟରେ ମା’-ବାପା ଚିନ୍ତା କରିବା କିଛି ଭୁଲ୍‌ ନୁହେଁ। ହେଲେ ଭବିଷ୍ୟତରେ ତାହା ଯେମିତି ପିଲା ପାଇଁ ବୋଝ ହୋଇ ନ ଯାଏ ସେ ଦିଗ ପ୍ରତି ଦୃଷ୍ଟି ଦିଅନ୍ତୁ। ପିଲାର ପାଠପଢ଼ା ପ୍ରତି ଅବଗତ ରୁହନ୍ତୁ। ସେଥିରେ କେଉଁଠି ତାହାର ଦୋଷତ୍ରୁଟି ରହୁଛି ତାହା ଜାଣିବା ସହ ସେଗୁଡ଼ିକୁ ସୁଧାରିବାକୁ ଚେଷ୍ଟା କରନ୍ତୁ। ତାକୁ ଏଭଳି ପରିବେଶରେ ପାଠ ପଢ଼ାନ୍ତୁ ନାହିଁ, ଯେପରି ସେ ପାଠକୁ ଏକ ବୋଝ ବୋଲି ଅନୁଭବ କରିବ। ତାକୁ ସବୁବେଳେ ଚାପମୁକ୍ତ ରଖିବାକୁ ଚେଷ୍ଟା କରନ୍ତୁ। ଏହାଦ୍ୱାରା ସେ ନିଜ କ୍ୟାରିୟରକୁ ସୁରୁଖୁରୁରେ ଆଗେଇ ନେଇପାରିବ।
ନକାରାତ୍ମକ ଚିନ୍ତାଧାରା ସୃଷ୍ଟି କରନ୍ତୁ ନାହିଁ: ଆପଣଙ୍କ ପିଲା ଯଦି କୌଣସି ବିଷୟରେ ଖରାପ ରେଜଲ୍ଟ କରିଛି ତେବେ ତାହାକୁ ଅଧିକ ବିଶ୍ଳେଷଣ କରିବା ଅପେକ୍ଷା ତାହାର ଦୋଷତ୍ରୁଟିକୁ ଲକ୍ଷ୍ୟକରି ତାହାର ସମାଧାନ କରିବାକୁ ଚେଷ୍ଟା କରନ୍ତୁ। ଏ ନେଇ ଯେପରି ପିଲାଟି ମନରେ ନକାରାତ୍ମକ ଭାବନା ସୃଷ୍ଟି ନ ହୁଏ ସେ ଦିଗ ପ୍ରତି ଦୃଷ୍ଟି ଦିଅନ୍ତୁ। ତାକୁ ଥଣ୍ଡା ମିଜାଜ୍‌ରେ ସବୁକଥା ବୁଝାନ୍ତୁ। ଛୋଟ ବେଳୁ ତାହାର ରେଜଲ୍ଟକୁ ନେଇ ଅଧିକ ଚିନ୍ତା କରନ୍ତୁ ନାହିଁ। ପିଲାଟି କିପରି ପାଠପଢ଼ା ପ୍ରତି ଅଧିକ ଧ୍ୟାନ ଦେବ ସେଥିପ୍ରତି ଚେଷ୍ଟା କରନ୍ତୁ।
ପିଲାର ମନ କଥା ବୁଝନ୍ତୁ: ଛୋଟ ବେଳେ ପିଲାଟି କିପରି ପଢ଼ିବ ସେ ନେଇ ମା’-ବାପା ବେଶ୍‌ ଯତ୍ନବାନ ଥାଆନ୍ତି। ଆଜିକାଲିର ହାଇଟେକ୍‌ ଯୁଗରେ ପାଠପଢ଼ା ଅପ୍‌ସନ ଅନେକ ରହିଛି। ତେଣୁ ବଡ଼ ହେଲେ ପିଲା କାହାକୁ ନେଇ ନିଜ କ୍ୟାରିୟରକୁ ଆଗକୁ ଅଗେଇ ନେବ ସେଥିପାଇଁ ସେ ବେଳେବେଳେ ଦ୍ୱନ୍ଦ୍ୱରେ ପଡ଼ିଥାଏ। ଏହି ସମୟରେ ପିଲା ସହ ମା’-ବାପା ଆଲୋଚନା କରିବା ନିହାତି ଜରୁରୀ। ତେଣୁ ପିଲାଟି ଭବିଷ୍ୟତରେ କେଉଁ ପାଠ ପଢ଼ିଲେ ତାହାକୁ ଆଧାର କରି ସେ ନିଜ କ୍ୟାରିୟର କରିବ ସେ ନେଇ ତା’ ସହ ଆଲୋଚନା କରନ୍ତୁ। ଯଦି ଆପଣ ପିଲାର ଭବିଷ୍ୟତ ବିଷୟରେ କିଛି ଚିନ୍ତା କରିଛନ୍ତି ତେବେ ତାହାକୁ ଭଲ ଭାବରେ ବୁଝାନ୍ତୁ।
ଅନ୍ୟର ପ୍ରତିଯୋଗୀ କରାଇବା ଠିକ୍‌ ନୁହେଁ: ଆଜିକାଲି ଅନେକ ମା’-ବାପା ପିଲାଟିକୁ ଅନ୍ୟ ପିଲା ସହ ତୁଳନା କରିଥାଆନ୍ତି। ହେଲେ ଏଭଳି ମନୋଭାବ ଆଦୌ ଠିକ୍‌ ନୁହେଁ। କାରଣ ପିଲାଟି କିପରି ପାଠ ପଢ଼ୁଛି ସେହି ଅନୁସାରେ ସେ ରେଜଲ୍ଟ କରିଥାଏ। ଅନ୍ୟ ପିଲାଟି ଯିଏ ମନଧ୍ୟାନ ସହ ପାଠ ପଢ଼ୁଛି ଏବଂ ପରୀକ୍ଷା ସମୟରେ ଠିକ୍‌ ଉତ୍ତର ଲେଖି ଭଲ ମାର୍କ ରଖିଛି ତାହା ସହ ନିଜ ପିଲାକୁ ତୁଳନା କରନ୍ତୁ ନାହିଁ। ଏହି ସମୟରେ ଯଦି ଆପଣଙ୍କ ପିଲାର କିଛି ଦୋଷତ୍ରୁଟି ରହିଛି ତାହାକୁ ସୁଧାରିବାକୁ ଚେଷ୍ଟା କରନ୍ତୁ। ସେ ପିଲା ଏମିତି ପଢ଼ୁଛି, ସେ କ୍ଲାସ୍‌ରେ ୯୫ % ରଖୁଛି, ତୁ ସେତିକି ରଖ। ଏଭଳି ଭାବନା ମନରେ ସୃଷ୍ଟି ହେଲେ ପିଲାଟି ଶାନ୍ତ ମନରେ ପାଠ ପଢ଼ିପାରିବ ନାହିଁ। କାହା ସହ ତୁଳନା କଲେ ସେ ଭାବିବ ଯେ, ଆରେ, ମୁଁ କ’ଣ ଏତେ ମାର୍କ ରଖିପାରିବି? ଧୀରେ ଧୀରେ ଏଭଳି ଚିନ୍ତାଧାରା ତା’ ପାଠପଢ଼ାକୁ ପ୍ରଭାବିତ କରିବ। ଆଜିକାଲି ତ ପାଠପଢ଼ା ପ୍ରତିଦ୍ୱନ୍ଦ୍ୱିତାମୂଳ ହୋଇଗଲାଣି। ହେଲେ ତାହା ସହ ତୁଳନା କରି ଯଦି ଆମେ ପିଲାଟିକୁ ସେହି ଭଳି ପାଠ ପଢ଼ିବାକୁ ବାଧ୍ୟ କରିବା ତେବେ ସେ ଏହାକୁ ଏକ ବୋଝ ବୋଲି ଭାବିବ। ତାହାର ପାଠପଢ଼ା ଶୈଳୀକୁ ତନ୍ନ ତନ୍ନ କରି ତର୍ଜମା କରନ୍ତୁ। ଯଦି କେଉଁଠି ଦୋଷ ତ୍ରୁଟି ରହୁଛି ତାହାକୁ ସୁଧାରି ନିଅନ୍ତୁ। ଏହାଦ୍ୱାରା ସେ ପାଠକୁ ନେଇ ସୁରୁଖୁରୁରେ ଆଗେଇପାରିବ।
ପିଲାର ମାନସିକତାକୁ ଗୁରୁତ୍ୱ ଦିଅନ୍ତୁ: ପିଲାଟି ପାଠ ପଢ଼ିବା ସମୟରେ ତାହାର ମାନସିକତା କିପରି ରହୁଛି ତାହାକୁ ଭଲ ଭାବରେ ଲକ୍ଷ୍ୟ କରନ୍ତୁ। ପାଠ ପଢ଼ିବା ସମୟରେ ସେହି ପରିବେଶ ଯେମିତି ପ୍ରଭାବିତ ନ ହୁଏ ସେଥିପ୍ରତି ଦୃଷ୍ଟି ଦିଅନ୍ତୁ। ଆଜିକାଲି ଅନେକ ପିଲା ପାଠପଢ଼ା ପାଇଁ ମୋବାଇଲ ବ୍ୟବହାର କରୁଛନ୍ତି। ହେଲେ ଏହାର ବ୍ୟବହାର ଯେତେ ସୀମିତ ହେବ ସେତେ ଭଲ। କାରଣ ଏବେ ତ ଅଫ୍‌ଲାଇନ ପାଠପଢ଼ା ଚାଲିଛି। ତେଣୁ ସ୍କୁଲରେ ଯାହା ପଢ଼ା ହେଉଛି ତାହାକୁ ସେ ପ୍ରତିଦିନ ଘରେ ପଢ଼ୁଛି କି ନାହିଁ ତାହା ଲକ୍ଷ୍ୟ କରନ୍ତୁ। ସେହି ଅନୁସାରେ ରୁଟିନ ପ୍ରସ୍ତୁତ କରନ୍ତୁ ଏବଂ ତାହାକୁ ସେ ଅନୁସରଣ କରୁଛି କି ନାହିଁ ତାହା ଫଲୋ କରନ୍ତୁ।
ମନ କଥା କହିବାର ସୁଯୋଗ ଦିଅନ୍ତୁ: ବେଳେବେଳେ ଅନେକ ପିଲା ଭୟରେ ନିଜ ମନ କଥା ମା’-ବାପାଙ୍କୁ କହିପାରି ନ ଥାନ୍ତି। ପିଲା ନିଜ କ୍ୟାରିୟରକୁ ନେଇ କ’ଣ ଚିନ୍ତା କରିଛି ତା’ ସହ ଆଲୋଚନା କରନ୍ତୁ। ଯଦି ତା’ ଭାବନା ପ୍ରତି ଆପଣଙ୍କର ସହମତି ରହିଛି ତେବେ ସେ ବିଷୟରେ ଭଲ ଭାବରେ ଆଲୋଚନା କରନ୍ତୁ। ଯଦି ତାକୁ ନେଇ ଆପଣ ଆଉ କିଛି ନୂଆ ଯୋଜନା ପ୍ରସ୍ତୁତ କରିଛନ୍ତି ତେବେ ତାହାକୁ ରୂପରେଖ ଦେବା ପୂର୍ବରୁ ପିଲା ସହ ଆଲୋଚନା କରନ୍ତୁ।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?