ଗୋଲାପି ଓଠ ମୁହଁର ସୌନ୍ଦର୍ଯ୍ୟ ବୃଦ୍ଧି କରିଥାଏ। ହେଲେ କେବେ କେବେ ବିଭିନ୍ନ କାରଣରୁ ଓଠ କଳା ପଡ଼ିଯିବା ଅନେକଙ୍କ ପାଇଁ ଚିନ୍ତାର କାରଣ ସାଜିଥାଏ। ଯଦି ଆପଣଙ୍କର ବି ଏଭଳି ସମସ୍ୟା ରହିଛି ତେବେ ଜାଣି ରଖନ୍ତୁ ପ୍ରାକୃତିକ ଉପାୟରେ ଓଠ ଗୋଲାପି କରିବାର ଟିପ୍ସ …
ପ୍ରତିଦିନ ରାତିରେ ଶୋଇବା ପୂର୍ବରୁ ତୁଳାରେ ଗୋଲାପ ଜଳ ନେଇ ଓଠରେ ଲଗାନ୍ତୁ। ଓଠ ନରମ ଲାଗିଲେ ଏହାକୁ ଆଙ୍ଗୁଠିରେ ଧୀରେ ଧୀରେ ଘଷି ଡେଡ୍ ସେଲ୍ ବାହାର କରିଦିଅନ୍ତୁ। ଓଠକୁ ପୋଛି ଲିପ୍ ବାମ୍ ଲଗାନ୍ତୁ। ଏହାଦ୍ୱାରା ଧୀରେ ଧୀରେ ନୂଆ ସେଲ୍ ସୃଷ୍ଟି ହେବା ସହ ଓଠ ପୂର୍ବାପେକ୍ଷା ନରମ ଏବଂ ଗୋଲାପି ଲାଗିବ।
ଓଠର ସୌନ୍ଦର୍ଯ୍ୟ ବୃଦ୍ଧି ପାଇଁ ନଡ଼ିଆ ତେଲ ମଧ୍ୟ ବହୁ ଉପକାରୀ। ଏହାକୁ ଓଠରେ ଲଗାଇବା ଦ୍ୱାରା ତାହା ପ୍ରାକୃତିକ ମଶ୍ଚରାଇଜରର କାମ କରିଥାଏ ଏବଂ ଓଠକୁ ନରମ ରଖେ ଏବଂ ଫାଟିବାକୁ ଦିଏ ନାହିଁ। ତା’ଛଡ଼ା ଏହା ଓଠର ସ୍କିନ୍ ଟୋନ୍ ଲାଇଟ୍ କରିବାରେ ବି ସାହାଯ୍ୟ କରୁଥିବାରୁ ଧୀରେ ଧୀରେ ଓଠର କଳା ରଙ୍ଗ ଦୂର ହୋଇ ଗୋଲାପି ଲାଗିଥାଏ।
ଅଧା ଚାମଚ ଲେଖାଏ ଲେମ୍ବୁ ରସ ଏବଂ ମହୁ ନେଇ ମିଶାଇ ଦିଅନ୍ତୁ। ଏହାକୁ ଓଠରେ ଲଗାଇ ୫ ମିନିଟ୍ ପର୍ଯ୍ୟନ୍ତ ଧୀରେ ଧୀରେ ଘଷନ୍ତୁ। ଡେଡ୍ ସେଲ୍ ବାହାରିଯିବା ପରେ ଓଠକୁ ହାଲୁକା ଭାବେ ପୋଛି ନଡ଼ିଆ ତେଲ ଲଗାଇ ଧୀରେ ଧୀରେ ମସାଜ କରନ୍ତୁ। ପ୍ରତିଦିନ ଏପରି କଲେ ଓଠ ନରମ ଏବଂ ଗୋଲାପି ଲାଗିବ।
ବିଟ୍ ରସ ମଧ୍ୟ ଓଠକୁ ଗୋଲାପି କରିବାରେ ବେଶ୍ ଲାଭଦାୟକ। ଏକ ଚାମଚ୍ ବିଟ୍ ରସରେ ୨-୩ ବୁନ୍ଦା ନଡ଼ିଆ ତେଲ ପକାଇ ଭଲ ଭାବେ ମିଶାନ୍ତୁ। ଏହି ମିଶ୍ରଣକୁ ଓଠରେ ଲଗାଇ ୩-୪ ମିନିଟ୍ ପର୍ଯ୍ୟନ୍ତ ଧୀରେ ଧୀରେ ଘଷନ୍ତୁ।
