Posted inଖେଳ

ଫିଫା ପୁରସ୍କାର: ଲଓ୍ବୋଣ୍ଡୋସ୍କି ଶ୍ରେଷ୍ଠ ପୁରୁଷ ଖେଳାଳି

ଜେନିଭା,୧୯।୧୨(ଏପି): ତାରକା ଫୁଟବଲର ତଥା ପୋଲାଣ୍ଡ ଅଧିନାୟକ ରବର୍ଟ ଲଓ୍ବୋଣ୍ଡୋସ୍କି ଫିଫା ଶ୍ରେଷ୍ଠ ପୁରୁଷ ଖେଳାଳି ବିବେଚିତ ହୋଇଛନ୍ତି। ମତଦାନ ମାଧ୍ୟମରେ ଲିଓନେଲ ମେସି ଓ ରୋନାଲ୍ଡୋଙ୍କ ଭଳି ସୁପରଷ୍ଟାରଙ୍କୁ ପଛରେ ପକାଇ ଲଓ୍ବୋଣ୍ଡୋସ୍କି ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା ଫିଫା ତରଫରୁ ଏହି ପୁରସ୍କାର ହାସଲ କରିଛନ୍ତି। ଏହି ତାରକା ଷ୍ଟ୍ରାଇକର ୨୦୨୦ରେ ୫୫ଟି ଗୋଲ ସ୍କୋର କରି ବେୟର୍ନ ମ୍ୟୁନିକ୍‌କୁ ଏକାଧିକ ଅନ୍ତର୍ଜାତୀୟ ତଥା ଘରୋଇ ଟୁର୍ନାମେଣ୍ଟରେ ଚାମ୍ପିୟନ କରାଇବାରେ ମୁଖ୍ୟ ଭୂମିକା ଗ୍ରହଣ କରି ଏହି ସମ୍ମାନ ହାସଲ କରିଛନ୍ତି।
ପୁରସ୍କାର ପାଇଁ ୩ ଜଣ ଖେଳାଳିଙ୍କୁ ସଂକ୍ଷିପ୍ତ ତାଲିକାରେ ସାମିଲ କରାଯାଇଥିଲା। ମେସି ଓ ରୋନାଲ୍ଡୋ ଏହି ତାଲିକାର ସାମିଲ ଥିଲେ ମଧ୍ୟ ଲଓ୍ବୋଣ୍ଡୋସ୍କି ଶୀର୍ଷରେ ରହିଥିଲେ। ପୁରସ୍କାର ଚୟନ ପାଇଁ ହୋଇଥିବା ମତଦାନରେ ବିଭିନ୍ନ ଦେଶର ଅଧିନାୟକ, କୋଚ୍‌ ଓ ବଛାଯାଇଥିବା କେତେଜଣ ଖବରଦାତା ଓ ପ୍ରଶଂସକ ସାମିଲ ଥିଲେ। ଏ ନେଇ ଜୁରିକ୍‌ରେ ଫିଫା ଏକ ଭର୍ଚ୍ଚୁଆଲ ଉତ୍ସବର ଆୟୋଜନ କରିଥିଲା। ତେବେ ଫିଫା ଅଧ୍ୟକ୍ଷ ଜିଆନି ଇନ୍‌ଫାଣ୍ଟିନୋ ମ୍ୟୁନିକ ଯାଇ ବ୍ୟକ୍ତିଗତ ଭାବେ ଟ୍ରଫି ପ୍ରଦାନ କରିଥିଲେ। ୨୦୧୮ରେ ମଧ୍ୟ ଲଓ୍ବେଣ୍ଡୋସ୍କି ଏହି ପୁରସ୍କାର ଦୌଡ଼ରେ ଥିଲେ। ତେବେ ସେତେବେଳେ କ୍ରୋଏସିଆ ଓ ରିୟଲ ମାଡ୍ରିଡ ମିଡ୍‌ଫିଲ୍ଡର ଲୁକା ମୋଡ୍ରିକଙ୍କୁ ଏହି ପୁରସ୍କାର ପ୍ରଦାନ କରାଯାଇଥିଲା। ରୋନାଲ୍ଡୋ ଓ ମେସିଙ୍କ କାରଣରୁ ଗତ ୧୩ ବର୍ଷ ହେଲା ଲିଓ୍ବାଣ୍ଡୋସ୍କି ଏହି ପୁରସ୍କାର ହାସଲରୁ ବଞ୍ଚିତ ହୋଇଆସୁଥିଲେ। ମତଦାନରେ ଲଓ୍ବୋଣ୍ଡୋସ୍କି ୫୨ ଭୋଟିଂ ପଏଣ୍ଟ ପାଇଥିବା ବେଳେ ରୋନାଲ୍ଡୋ ୩୮ ପାଇ ଦ୍ୱିତୀୟ ଓ ମେସି ୩୫ ପଏଣ୍ଟ ପାଇ ତୃତୀୟ ସ୍ଥାନରେ ରହିଥିଲେ।
ଇଂଲଣ୍ଡର ଲକି ବ୍ରୋଞ୍ଜ୍‌ ମତଦାନ ମାଧ୍ୟମରେ ଶ୍ରେଷ୍ଠ ମହିଳା ଫୁଟବଲର ବିବେଚିତ ହୋଇଛନ୍ତି। ଇଂଲଣ୍ଡର ପ୍ରଥମ ଖେଳାଳିଭାବେ ବ୍ରୋଞ୍ଜ୍‌ ଫିଫାର କୌଣସି ବ୍ୟକ୍ତିଗତ ପୁରସ୍କାର ହାସଲ କରିଛନ୍ତି। ଲିୟନ କ୍ଲବ ତରଫରୁ ପ୍ରତିନିଧିତ୍ୱ କରି ସେ ଚାମ୍ପିୟନ୍ସ ଲିଗ୍‌ ଟାଇଟଲ ହାସଲ କରିଥିଲେ। ଏବେ ସେ ମାଞ୍ଚେଷ୍ଟର ସିଟିରେ ଯୋଗ ଦେଇଛନ୍ତି। ବ୍ରୋଞ୍ଜ୍‌ ତାଙ୍କ ଲିୟନ ଦଳୀୟ ସାଥୀ ଓ୍ବେଣ୍ଡି ରେନାର୍ଡ ଓ ପେରନାଇଲ ହାର୍ଡରଙ୍କୁ ପଛରେ ପକାଇ ଏହି ପୁରସ୍କାର ପାଇଛନ୍ତି। ବ୍ରୋଞ୍ଜ୍‌ଙ୍କୁ ୫୨ ପଏଣ୍ଟ ମିଳିଥିଲା। ସେହିପରି ହାର୍ଡର ୪୦ ପଏଣ୍ଟ ପାଇ ଦ୍ୱିତୀୟ ଓ ରେନାର୍ଡ ୩୫ ପଏଣ୍ଟ ପାଇ ତୃତୀୟ ସ୍ଥାନରେ ରହିଛନ୍ତି।
୨୦୦୮ରେ ରୋନାଲ୍ଡୋ ଏହି ପୁରସ୍କାର ଜିତିଥିଲେ। ତେବେ ଏହାପରଠାରୁ ସ୍ପେନ୍‌ ବାହାରୁ ଲଓ୍ବୋଣ୍ଡୋସ୍କି ପ୍ରଥମ ପୁରୁଷ ଖେଳାଳିଭାବେ ଏହି ପୁରସ୍କାର ଜିତିଛନ୍ତି। ୧୯୯୧ରେ ଫିଫା ଏହି ପୁରସ୍କାର ପ୍ରଦାନ କରିଆସୁଛି। ତେବେ ପୂର୍ବରୁ କୌଣସି ବେୟର୍ନ ଖେଳାଳି ଏହି ପୁରସ୍କାର ପାଇ ନ ଥିଲେ।
ସେହିପରି ବୋରୁସିଆ ଡର୍ଟମଣ୍ଡ ପୂର୍ବତନ କୋଚ୍‌ ଜର୍ଜେନ କ୍ଲୋପ୍‌ କ୍ରମାଗତ ଦ୍ୱିତୀୟବର୍ଷ ପାଇଁ ଶ୍ରେଷ୍ଠ କୋଚ୍‌ ବିବେଚିତ ହୋଇଛନ୍ତି। କ୍ଲୋପ୍‌ଙ୍କ ତତ୍ତ୍ୱାବଧାନରେ ଲିଭରପୁଲ ଇଂଲଣ୍ଡ ପାଇଁ ଗତ ୩୦ ବର୍ଷ ମଧ୍ୟରେ ଚାମ୍ପିୟନ ହେବାର ଗୌରବ ଅର୍ଜନ କରିଥିଲା। ବେୟର୍ନ ମ୍ୟୁନିକ କୋଚ୍‌ ହାନ୍ସି ଫ୍ଲିକ୍‌ ମଧ୍ୟ ସମାନ ଭୋଟ ପାଇଥିଲେ। ତେବେ କ୍ଲୋପ୍‌ ଜାତୀୟ ଟିମ୍‌ କୋଚ୍‌ମାନଙ୍କ ଭୋଟ ଅଧିକ ପାଇଥିବାରୁ ଟାଇବ୍ରେକରରେ ବାଜି ମାରିଥିଲେ। ନେଦରଲାଣ୍ଡ୍ସର ସାରିନା ଓ୍ବିଗମ୍ୟାନ ଶ୍ରେଷ୍ଠ ମହିଳା କୋଚ୍‌ ବିବେଚିତ ହୋଇଛନ୍ତି। ଏହି କ୍ରମରେ ସେ ଲିୟନର ଜିନ- ଲୁକ ଭାସେଉର ଓ ଚେଲିସିର ଇମ୍ମା ହାୟେସଙ୍କୁ ପଛରେ ପକାଇଛନ୍ତି। ସାରିନାଙ୍କ ତତ୍ତ୍ୱାବଧାନରେ ନେଦରଲାଣ୍ଡ୍ସ ୨୦୧୯ ମହିଳା ବିଶ୍ୱକପ୍‌ ଫାଇନାଲରେ ପ୍ରବେଶ କରିଥିଲା। ସେ ଆସନ୍ତାବର୍ଷ ଇଂଲଣ୍ଡର କୋଚ୍‌ ପଦ ସମ୍ଭାଳିବେ। ସେହିପରି କୋରିଆ ଫୁଟବଲର ତଥା ଟୋଟେନହାମ୍‌ ହଟ୍ସପୁର ତରଫରୁ ଖେଳୁଥିବା ସନ୍‌ ହେଉଙ୍ଗ-ମିନ୍‌ ଶ୍ରେଷ୍ଠ ଗୋଲ ପାଇଁ ପୁସ୍କାସ ପୁରସ୍କାର ଜିତିଛନ୍ତି।
ସେହିପରି ଶିଶୁ ଦାରିଦ୍ର୍ୟ ଦୂରୀକରଣ ପାଇଁ ଅଭିଯାନ ଚଳାଇଥିବା ମାଞ୍ଚେଷ୍ଟର ୟୁନାଇଟେଡ ତଥା ଇଂଲଣ୍ଡ ଫରଓ୍ବାର୍ଡ ମାର୍କସ ରାଶଫୋର୍ଡଙ୍କୁ ଫିଫା ସ୍ବତନ୍ତ୍ର ଭାବେ ସମ୍ମାନିତ କରିଛି। ସମାଜ ମଙ୍ଗଳ କାର୍ଯ୍ୟପାଇଁ ଫିଫା ତାଙ୍କୁ ୧ଲକ୍ଷ ଆମେରିକୀୟ ଡଲାର ପ୍ରଦାନ କରିଛି। ସେହିପରି ଶ୍ରେଷ୍ଠ ଗୋଲକିପର ଭାବେ ଜର୍ମାନୀ ତଥା ବେୟର୍ନ ମ୍ୟୁନିକର ମାନୁଏଲ ନେଉର ସମ୍ମାନିତ ହୋଇଛନ୍ତି। ଫ୍ରାନ୍ସ ଓ ଲିୟନ ଗୋଲକିପର ସାରା ବୌହାଡି ଦ୍ୱିତୀୟ ସ୍ଥାନରେ ରହିଛନ୍ତି। ସେହିପରି ନିଜ ଫେଭରାଇଟ୍‌ ଦଳ ବ୍ରାଜିଲର ମ୍ୟାଚ ଦେଖିବା ପାଇଁ ୧୧ ଘଣ୍ଟା ଚାଲିକରି ଆସିଥିବା ମାରିଭାଲ୍ଡୋ ଫ୍ରାନ୍ସିସ୍କୋ ଡା’ ସିଲଭାଙ୍କୁ ଫ୍ୟାନ୍‌ ଆଓ୍ବାର୍ଡ ପ୍ରଦାନ କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଚାମ୍ପିୟନ୍ସ ଲିଗ୍‌: ଲିଭରପୁଲ-ବାର୍ସିଲୋନା ସେମିଫାଇନାଲ

ପୋର୍ଟୋ (ପର୍ତ୍ତୁଗାଲ), ୧୮।୪(ଏଏଫ୍‌ପି)- ୟୁରୋପର ବଛା ବଛା ଶ୍ରେଷ୍ଠ ଫୁଟ୍‌ବଲ କ୍ଲବଗୁଡ଼ିକୁ ନେଇ ଚାଲିଥିବା ଚାମ୍ପିୟନ୍ସ ଲିଗ୍‌ ପ୍ରତିଯୋଗିତାର ସେମିଫାଇନାଲରେ ଲିଭରପୁଲ ଦଳ ପ୍ରବେଶ କରିଛି।...

ପଡ଼ିଆରେ ‘ଫ୍ଲାଇଙ୍ଗ୍‌ କିସ୍‌’ ଦେଲେ କୋହଲି

ବର୍ମିଂହାମ,୪।୭: ଏଜବାଷ୍ଟନରେ ଭାରତ ଏବଂ ଇଂଲଣ୍ଡ ମଧ୍ୟରେ ପଞ୍ଚମ ଟେଷ୍ଟ ଖେଳାଯାଉଛି। ରବିବାର ମ୍ୟାଚର ତୃତୀୟ ଦିନରେ ବିରାଟ କୋହଲି ପଡ଼ିଆରେ ଇଂଲଣ୍ଡ ବ୍ୟାଟ୍ସମ୍ୟାନ ଜନି...

ସାକ୍ଷୀ, ଭିନେଶଙ୍କୁ ବ୍ରୋଞ୍ଜ ପଦକ

ଜିଆନ୍‌ (ଚାଇନା), ୨୬ା୪ (ପି.ଟି.)-ଏଠାରେ ଚାଲିଥିବା ଏସିଆନ ରେସ୍‌ଲିଂ ଚାମ୍ପିୟନଶିପ୍‌ରେ ଭାରତୀୟ ମହିଳାମାନେ ବିନା ସ୍ବର୍ଣ୍ଣରେ ସେମାନଙ୍କ ଅଭିଯାନ ଶେଷ କରିଛନ୍ତି। ରିଓ ଅଲିମ୍ପିକ୍ସ ବ୍ରୋଞ୍ଜ...

ଆଇପିଏଲ୍‌ ଗଭର୍ନିଂ କାଉନସିଲ ବୈଠକ: ଖେଳାଳି ବଦଳ ନିୟମ ନେଇ ଆଲୋଚନା ହେବ

ନୂଆଦିଲ୍ଲୀ,୫।୧୧(ପି.ଟି.)- ମୁମ୍ବାଇରେ ହାଇପ୍ରୋଫାଇଲ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଗଭର୍ନିଂ କାଉନସିଲ ବୈଠକ ବୁଧବାର ବସିବାକୁ ଯାଉଛି। ଆଇପିଏଲକୁ ଅଧିକ ରୋମାଞ୍ଚକ କରିବା ପାଇଁ ଏକ...

ଧୋନୀଙ୍କୁ ଟିଭିରେ ଦେଖି ସ୍ତ୍ରୀ କହିଲେ ଏମିତି

ଆଇପିଏଲ ୨୦୨୦ର ପ୍ରଥମ ମ୍ୟାଚରେ ଏମଏସ ଧୋନୀ ୪୩୭ ଦିନ ପରେ କ୍ରିକେଟ ପଡିଆକୁ ଓହ୍ଲାଇଥିଲେ। ପ୍ରଥମ ମ୍ୟାଚ୍‌ରେ ଧୋନୀଙ୍କ ନେତୃତ୍ୱଧୀନ ଚେନ୍ନାଇ ସୁପର୍‌ କିଙ୍ଗ୍ସ...

ଇତିହାସ ରଚିଲେ ବୁମ୍‌ରା

ମୁମ୍ବାଇ,୧୮।୫: ମୁମ୍ବାଇ ଇଣ୍ଡିଆନ୍ସ ଫାଷ୍ଟ ବୋଲର ଜଶପ୍ରୀତ ବୁମ୍‌ରା ଟି-୨୦ କ୍ରିକେଟରେ ବଡ଼ କାରନାମା କରିଛନ୍ତି। ସେ ପ୍ରଥମ ଭାରତୀୟ ଦ୍ରୁତ ବୋଲର ଭାବରେ ଟି-୨୦...

ଆତ୍ମହତ୍ୟା କଲେ ପୂର୍ବତନ ଭାରତୀୟ କ୍ରିକେଟର୍‌

କୋଚି, ୧୦।୧୦: ୧୯ ବର୍ଷରୁ କମ୍‌ ଭାରତୀୟ ଦଳର ପୂର୍ବତନ ସଦସ୍ୟ ତଥା କେରଳ ରଣ୍‌ଜୀ ଟ୍ରଫି ଖେଳାଳି ଏମ୍‌. ସୁରେଶ କୁମାରଙ୍କ ବିୟୋଗ ଘଟିଛି।...

ପୁଣି ରାଗିଲେ ଧୋନୀ

ଦୁବାଇ,୧୪।୧୦: ଆଇପିଏଲ୍‌ ୨୦୨୦ ଚେନ୍ନାଇ ସୁପର କିଙ୍ଗ୍ସ ଦଳର ପ୍ରଦର୍ଶନ ସେତେଟା ଉତ୍ସାହଜନକ ନାହିଁ। ଦଳ ୮ଟି ମ୍ୟାଚ୍‌ ଖେଳି ମାତ୍ର ୩ଟି ବିଜୟ ହାସଲ...

Advertisement
Archives

Model This Week