ଗଞ୍ଜାମ,୫।୬(ବିଦ୍ୟାଧର ସାହୁ ): ଗଞ୍ଜାମ ଜିଲା ହେଡ଼କ୍ୱାର୍ଟର ଛତ୍ରପୁର ଷ୍ଟାଡିୟମଠାରେ ପାଞ୍ଚ ଦିନ ଧରି ଛତ୍ରପୁର ମହୋତ୍ସବ ୨୦୨୬ ଅନୁଷ୍ଠିତ ହୋଇଥିଲା l ଏହା ଶୁକ୍ରବାର ସନ୍ଧ୍ୟାରେ ଉଦଯାପିତ ହୋଇଥିଲା। ଛତ୍ରପୁର ଠାକୁରାଣୀ ଯାତ୍ରା ପରେ ଏହି ମହୋତ୍ସବ ହୋଇଥିତ୍ଲା l ତେବେ ଏମିତି ମହୋତ୍ସବ ଗଞ୍ଜାମ ସହରରେ କେବେ ବୋଲି ସହରବାସୀ ପ୍ରଶ୍ନ କରିଛନ୍ତି l ପ୍ରଶାସନ ଓ ବିଭିନ୍ନ ରାଜନେତାଙ୍କ ଇଛା ଶକ୍ତି ଅଭାବ ଥିବା ସହରରେ ଆଲୋଚନା ଜୋର ଧରିଛି l
ଗତ କିଛି ମାସ ତଳେ ରାଜ୍ୟ ଷ୍ଟେଜ ପୋଗ୍ରାମ ବ୍ରେକ ଦା ଫ୍ଲୋର ଷ୍ଟେଜ ଶୋ’ ସହରର କିଛି କୁଚକ୍ରୀ ଗୋଷ୍ଠୀଙ୍କ ପାଇଁ ବନ୍ଦ ହୋଇଯାଇଥିଲା l ଷ୍ଟେଜ ପଡି ସାରିଥିବାବେଳେ ପୋଲିସ ଓ ପ୍ରଶାସନ ଉପରେ ସହର କିଛି କୁଚକ୍ରୀ ବ୍ୟକ୍ତିଙ୍କ ପାଇଁ ତାହା ବନ୍ଦ ହୋଇ ଯାଇଥିଲା l ଅଧିକ ଖର୍ଚ୍ଚ କରି ଆୟୋଜକ ବ୍ରହ୍ମପୁରରେ ଉକ୍ତ କାର୍ଯ୍ୟକ୍ରମ କରିଥିଲେ l ସେହିପରି ପୋତାଗଡ଼ ମହୋତ୍ସବ ମଧ୍ୟ କିଛି ବ୍ୟକ୍ତିଙ୍କ ପାଇଁ ବନ୍ଦ ରହିଛି l କାଳେ ଉକ୍ତ କୁଚକ୍ରୀ ବ୍ୟକ୍ତିମାନଙ୍କ ପତିଆରା କମିଯିବା ଭୟରେ ଏଭଳି ହେଉଥିବା ବୁଦ୍ଧିଜୀବି ମହାଲରେ ମତ ପ୍ରକାଶ ପାଇଛି l ଅନ୍ୟପଟେ ଗତ କିଛି ଦିନ ତଳେ ବ୍ଲକସ୍ତରୀୟ ନାଟକ ପ୍ରତିଯୋଗିତାରେ ଗଞ୍ଜାମ କଳା ସାଂସ୍କୃତିକ ମଞ୍ଚ ଅଂଶ ଗ୍ରହଣ ପାଇଁ ଷ୍ଟାଡିୟମରେ ନାଟକ ଅଭ୍ୟାସ କରୁଥିବା ମଧ୍ୟ ହଇରାଣ କରାଯାଇଥିଲା l ଏଭଳି ଆଉ କେତେ ଦିନ ଗଞ୍ଜାମ ସହରବାସୀଙ୍କୁ ଅନ୍ଧାରରେ ରଖାଯିବ ତାହା ପ୍ରଶ୍ନବାଚୀ ସୃଷ୍ଟି କରିଛି l
Dharitri – Odisha’s No.1 Odia Daily
