କେସିଙ୍ଗା,୩୦ା୯(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ବୋରିଆ ପଞ୍ଚାୟତ ଚିଚର୍ଲା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ନାୟକଙ୍କୁ ବୁଧବାର ଅବସର କାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଛି । ଏହି ପରିପ୍ରେକ୍ଷୀରେ ସ୍କୁଲ ପରିସରରେ ଆୟୋଜିତ ସଭାରେ ସ୍କୁଲ ପରିଚାଳନା କମିଟି ସଭାପତି ସମେତ ହର ସୁନା, ଲାବନ୍ୟ ମହଲା, ଡୋଲାମଣୀ ମାଝୀ, ବୈଦେହୀ ମାଝୀ, ସବିତା ବାଗ, ଭାରତୀ ବାଗ, ଏବଂ ସ୍କୁଲର ସମସ୍ତ ଶିକ୍ଷୟିତ୍ରୀ ଶିକ୍ଷକ ପ୍ରମୁଖ ଉପସ୍ଥିତ ଥିଲେ । ପ୍ରଧାନଶିକ୍ଷକଙ୍କୁ ନେଇ ଏକ ବିଶାଳ ଶୋଭାଯାତ୍ରା ଗ୍ରାମ ପରିକ୍ରମା କରାଯାଇଥିଲା ।
ଉପସ୍ଥିତ ଅତିଥିମାନେ ବିଦାୟୀ ପ୍ରଧାନ ଶିକ୍ଷକଙ୍କ ଦୀର୍ଘ ଶିକ୍ଷକତା ଜୀବନ ମଧ୍ୟରେ ସୁଚାରୁରୂପେ ଛାତ୍ରୀଛାତ୍ରଙ୍କୁ ଶିକ୍ଷାଦାନ ବିଷୟରେ ଆଲୋକପାତ କରିଥିଲେ। ସେ କେସିଙ୍ଗା ବ୍ଲକର ବିଭିନ୍ନ ସ୍କୁଲରେ ଶିକ୍ଷା ଦାନ କରି ବୁଧବାର ଅବସର ଗ୍ରହଣ କରିଛନ୍ତି । ସେ ଜଣେ ଶ୍ରୀମା ଶ୍ରୀ ଅରବିନ୍ଦଙ୍କ ଡିଭୋଟି ଅଟନ୍ତି । ଶିକ୍ଷା ଏକ ସମଗ୍ରଜୀବନର ଏକ ଅଂଶ । ଏହାସହ ସେ ଜଣେ ବରିଷ୍ଠ ଶିକ୍ଷକ ଭାବେ ବହୁ ପରିଚିତ ଥିଲେ ।
