ଧରାପଡ଼ିବା ଭୟରେ ଗ୍ୟାସରେ ୨୦ ଲକ୍ଷରୁ ଊର୍ଦ୍ଧ୍ୱ ଟଙ୍କା ପୋଡ଼ୁଥିଲେ ତହସିଲଦାର, କବାଟ ଭାଙ୍ଗି…

ସିରୋହି: ରାଜସ୍ଥାନର ସିରୋହିର ଏକ ଭିଡିଓ ସାମ୍ନାକୁ ଆସିଛି। ଏଥିରେ ଜଣେ ତହସିଲଦାର ତାଙ୍କ ଗ୍ୟାସ ଚୁଲାରେ ଲକ୍ଷ ଲକ୍ଷ ଟଙ୍କା ମୂଲ୍ୟର ନୋଟ୍‌ ପୋଡ଼ି ଦେଉଥିବା ଦେଖାଯାଇଛି। ଘଟଣାର ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଛି।

ରାଜସ୍ଥାନରେ ଦୁର୍ନୀତି ନିବାରଣ ବ୍ୟୁରୋ(ଏସିବି) ବିଭିନ୍ନ ସ୍ଥାନରେ ଚଢ଼ାଉ କରୁଛି। ଏହି କ୍ରମରେ ଏସିବିର ଏକ ଟିମ୍‌ ସିରୋହି ଜିଲାରେ ପହଞ୍ଚିଥିଲା। ହେଲେ ସେଠାରେ ଯାହା ହେଲା ସମସ୍ତେ ଚକିତ ହୋଇଯାଇଛନ୍ତି। ପିଣ୍ଡୋ ବାରାତ ତହସିଲର ତହସିଲଦାର ଘରେ ଚଢ଼ାଉ କରିବାକୁ ଆସିଥିବା ଏସିବିର ଅଧିକାରୀମାନଙ୍କୁ ଦେଖି କବାଟ ବନ୍ଦ କରିଦେଇଥିଲେ। ପରେ ଦୀର୍ଘ ସମୟ ଧରି ଏସିବିର ଟିମ୍‌ ବାହାରେ ଛିଡ଼ା ହୋଇ କବାଟ ଖୋଲନ୍ତୁ ବୋଲି କହିଥିଲେ। ହେଲେ ସେତେବେଳେ ଧରାପଡ଼ିଯିବା ଭୟରେ ତହସିଲଦାର ଲକ୍ଷ ଲକ୍ଷ ଟଙ୍କାର ନୋଟ୍‌କୁ ଗ୍ୟାସ ଚୁଲାରେ ଜାଳୁଥିଲେ। ଏଥିରେ ତାଙ୍କ ସ୍ତ୍ରୀ ତାଙ୍କୁ ସହଯୋଗ କରୁଥିଲେ। ପରେ ଉକ୍ତ ତହସିଲଦାର କଳ୍ପେଶ ଜୈନଙ୍କୁ ଗିରଫ କରାଯାଇଥିବା ବେଳେ ଅଧାଜଳା ନୋଟର ବଣ୍ଡଲ ଜବତ କରାଯାଇଛି।

ତହସିଲଦାର କଳ୍ପେଶ ଜଣେ ବ୍ୟକ୍ତିଙ୍କୁ ୧ ଲକ୍ଷ ଟଙ୍କା ଲାଞ୍ଚ ମାଗିଥିବା ନେଇ ଏସ୍‌ସିବି ଜାଣିବାକୁ ପାଇଥିଲା। ଏହାପରେ ଏସିବି ତତ୍ପର ହୋଇଉଠିଥିଲା। ଯାଞ୍ଚ ବେଳେ ପ୍ରଥମେ ଟଙ୍କା ଲାଞ୍ଚ ନେଉଥିବା ବେଳେ ଜଣେ ଆର୍‌ଆଇ ଧରାପଡ଼ିଥିଲେ। ସେ ଏହି ଟଙ୍କା ତହସିଲଦାରଙ୍କ ପାଇଁ ନେଉଥିବା କହିଥିଲେ। ପରେ ଏସ୍‌ସିବିର ଅଧିକାରୀମାନେ ଆର୍‌ଆଇଙ୍କୁ ନେଇ କଳ୍ପେଶଙ୍କ ଘରକୁ ଯାଇଥିଲେ। ହେଲେ ସେ ଅଧିକାରୀଙ୍କୁ ଦେଖିବା କ୍ଷଣି କବାଟ ବନ୍ଦ କରି ଟଙ୍କା ଜାଳିବାକୁ ଚେଷ୍ଟା କରିଥିଲେ। ଫଳରେ ଘର ଭିତରୁ ଧୂଆଁ ବାହାରିଥିଲା। ଏହା ଦେଖି ଏସ୍‌ସିବିର ଟିମ୍‌ କବାଟ ଭାଙ୍ଗି ଭିତରକୁ ପଶିଥିଲେ। ସେମାନେ ଯାହା ଦେଖିଲେ ଚକିତ ହୋଇଗଲେ। ଗ୍ୟାସ୍‌ ଉପରେ ୨୦ ଲକ୍ଷ ଟଙ୍କା ଅଧାରୁ ଅଧିକ ଜଳି ସାରିଥିବା ବେଳେ ୧.୫ ଲକ୍ଷ ଟଙ୍କା ଏସ୍‌ସିବି ଜବତ କରିଛି। ଏବେ ତହସିଲଦାରଙ୍କୁ ଗିରଫ କରାଯାଇ ତାଙ୍କର ମୋଟ ସମ୍ପତ୍ତି ଯାଞ୍ଚ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ପ୍ୟାଡ ଓମେନ ମାୟା ବିଶ୍ୱକର୍ମା

ମଧ୍ୟପ୍ରଦେଶ ନରସିଂହପୁର ଜିଲାର ମାୟା ବିଶ୍ୱକର୍ମା ସାରା ଭାରତରେ ବେଶ୍‌ ପରିଚିତ ‘ପ୍ୟାଡ ଓମେନ୍‌’ ଭାବେ। ସେ ମଧ୍ୟପ୍ରଦେଶର ଆଦିବାସୀ ଅଞ୍ଚଳକୁ ଯାଇ ଲୋକଙ୍କୁ ମାସିକ...

ସ୍ବାଧୀନତା… ଜନ୍ମଗତ ଅଧିକାର

ନାକୁଆଟା ନାକରା ପିଲା ନୁହଁ, ମାତ୍ର ତା’ ନାକ ଅଗରେ ରାଗ l ସିଏ ଯାହା ବୁଝିଥିବ ସେଇଆ l ତା’ କଥା ଉପରେ କିଏ...

ନାକରେ ଦିଆସିଲି କାଠି ପୁରାଇ ଗିନିଜ ଓ୍ବାର୍ଲଡ ରେକର୍ଡ!

ଆଜିକାଲି ଲୋକେ ଫେମସ୍‌ ହେବା ପାଇଁ କିଛି ବି କରିବାକୁ ପ୍ରସ୍ତୁତ ହେଇଯାଉଛନ୍ତି। ଜୀବନ ପ୍ରତି ବିପଦ ଥିଲେ ବି ପଛଘୁଞ୍ଚା ଦେଉ ନାହାନ୍ତି। ଏଇ...

ଓଡ଼ିଆ କାବ୍ୟ ସାହିତ୍ୟର ନିଆରା ସ୍ରଷ୍ଟା ଅପର୍ଣ୍ଣା

ଓଡ଼ିଆ କାବ୍ୟ ସାହିତ୍ୟରେ ଜଣେ ଆଦରଣୀୟ ବ୍ୟକ୍ତିତ୍ୱ, ନିଆରା ସ୍ରଷ୍ଟା ସର୍ବୋପରି ଜଣେ ବରିଷ୍ଠ କବୟିତ୍ରୀ ଅପର୍ଣ୍ଣା ମହାନ୍ତି। ଯିଏ କି ଶିକ୍ଷା ଓ ସାହିତ୍ୟ...

ଶ୍ରବଣଶକ୍ତିର ଯତ୍ନକୁ ବାସ୍ତବତାରେ ପରିଣତ କରିବା

ଶ୍ରବଣଶକ୍ତି ପ୍ରଭାବିତ ହେଲେ ଜଣେ ପିଲାର ଭବିଷ୍ୟତ ଅନେକାଂଶରେ ପ୍ରଭାବିତ ହୋଇଥାଏ। ଏବେ ଏଭଳି ସମସ୍ୟା ଦୂର କରିବା ପାଇଁ ଆର୍ଟିଫିସିଆଲ ଶ୍ରବଣ ଯନ୍ତ୍ରର ସହାୟତା...

ଅନୁଚ୍ଛେଦ ୨୧ ସମ୍ବିଧାନର ଆତ୍ମା

ନୂଆଦିଲ୍ଲୀ,୩।୩(ପି.ଟି.): ନାଗରିକମାନଙ୍କ ସ୍ବାଧୀନତା ସର୍ବୋପରି ଗୁରୁତ୍ୱପୂର୍ଣ୍ଣ ହୋଇଥିବାରୁ ଅନୁଚ୍ଛେଦ ୨୧ ସମ୍ବିଧାନର ଆତ୍ମା ବୋଲି ସୁପ୍ରିମକୋର୍ଟ କହିଛନ୍ତି। ଏ ସମ୍ପର୍କିତ ମାମଲାରେ ହାଇକୋର୍ଟ ତ୍ୱରିତ୍‌ ନିଷ୍ପତ୍ତି...

ଅଣୁଅସ୍ତ୍ର ନିର୍ମାଣ ପାଇଁ ପାକିସ୍ତାନ ଯାଉଥିଲା ସରଞ୍ଜାମ

ମୁମ୍ବାଇ,୩।୩: ଚାଇନାରୁ ପାକିସ୍ତାନକୁ ଯାଉଥିବା ଏକ ଜାହାଜକୁ ଭାରତୀୟ ସୁରକ୍ଷା ଏଜେନ୍ସି ମୁମ୍ବାଇର ନାଭା ଶେଭା ବନ୍ଦରରେ ଅଟକାଇଥିଲା। ଜାହାଜରେ ଦ୍ୱୈତ ବ୍ୟବହାର୍ଯ୍ୟ ସାମଗ୍ରୀ ଥିଲା,...

ସୁଖୁ ସରକାରଙ୍କ ଅଡ଼ୁଆ ବଢ଼ାଇଲେ ବିକ୍ରମାଦିତ୍ୟ

ଶିମଲା,୩।୩: ହିମାଚଳପ୍ରଦେଶ ମନ୍ତ୍ରୀ ବିକ୍ରମାଦିତ୍ୟ ସିଂ ନିଜ ଫେସ୍‌ବୁକ ବାୟୋରୁ ସରକାରୀ ପଦବୀ ହଟାଇଦେଇ ପୁଣି ଥରେ କଂଗ୍ରେସ ନେତୃତ୍ୱ ପାଇଁ ଅଡ଼ୁଆ ସୃଷ୍ଟି କରିଛନ୍ତି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri