ଖୋର୍ଦ୍ଧା,୧୫ା୩(ପ୍ରଭାତ ପାଣିଗ୍ରାହୀ): ବୋଲଗଡ଼ ବ୍ଲକ ସାନପଦର ଗାଁରେ ଏକ ଅଭାବନୀୟ ଘଟଣା ଘଟିଛି। ରବିବାର ସକାଳୁ ଦୋକାନରେ ଶୋଇଥିବା ବେଳେ ଜିଅନ୍ତା ଜଳି ଯାଇଛନ୍ତି ବାପ-ପୁଅ।
ସୂଚନା ଅନୁଯାୟୀ, ଖୋର୍ଦ୍ଧା ଜିଲା ବେଗୁନିଆ ଥାନା ସାନପଦର ଗାଁ ମୁଣ୍ଡରେ ତେଜରାତି ଓ ଚା’ ଦୋକାନ କରି ପରିବାର ଚଳାଉଥିବା ରାଜେଶ କୁମାର ସାହୁ (୫୭) ଓ ତାଙ୍କ ଦିବ୍ୟାଙ୍ଗ ପୁଅ ଲକ୍ଷ୍ମୀଧର ସାହୁ(୨୭)। ପ୍ରତିଦିନ ପରି ଭୋର୍ ସମୟରୁ ଦୋକାନ ଖୋଲାଯାଇ ନ ଥିବା ପରିବାର ସଦସ୍ୟଙ୍କ ସନ୍ଦେହ ହୋଇଥିଲା। ଭିତରୁ କବାଟ ବନ୍ଦ ଥିବା ପରିବାର ଜାଣିବା ପରେ ଅଘଟଣ ସନ୍ଦେହରେ ଆଜବେଷ୍ଟସ୍ ଖୋଲିବାରୁ ରାଜେଶ ଏବଂ ପୁଅ ଲକ୍ଷ୍ମୀଧର ଅର୍ଦ୍ଧଦଗ୍ଧ ଅବସ୍ଥା ଦୋକାନ ଭିତରେ ପଡ଼ିଥିବା ଦେଖିଥିଲେ। ତେବେ ଏହା ବିଦ୍ୟୁତ୍ ଶଟ୍ସର୍କିଟ କାରଣରୁ ହୋଇଥିବା ସନ୍ଦେହ କରାଯାଇଛି। ତେବେ ବିଳମ୍ବିତ ରାତିରେ ଏପରି ଘଟିଥିବା ଅନୁମାନ କରାଯାଇଛି।
ସୂଚନା ପାଇ ବେଗୁନିଆ ପୋଲିସ, ଅଗ୍ନିଶମ ବାହିନୀ ଓ ବୋଲଗଡ଼ ତହସିଲଦାର ପହଞ୍ଚି ଦୋକାନ ଆଜବେଷ୍ଟସ୍ ଭାଙ୍ଗି ମୃତଦେହ ଜବତ କରିବା ସହ ଘଟଣାର ପ୍ରକୃତ କାରଣ ଖୋଜୁଛ। ଅନ୍ୟ ପଟେ ମାଜିଷ୍ଟ୍ରେଟ ବୋଲଗଡ଼ ତହସିଲଦାର ଓ ବେଗୁନିଆ ଅଗ୍ନିଶମ କର୍ମଚାରୀ ସହ ସାଇଟିଫକ୍ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି। ବାପ-ପୁଅଙ୍କ ମୃତ୍ୟୁରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
