କୋକସରା,୨୦ା୨(ଡି.ଏନ୍.ଏ): କଳାହାଣ୍ଡି ଜିଲା କୋକସରା ବ୍ଲକରେ ତୃତୀୟ ପର୍ଯ୍ୟାୟ ପଞ୍ଚାୟତ ନିର୍ବାଚନ ରବିବାର ଶେଷ ହୋଇଛି । ସକାଳ ୭ଟାରୁ ସନ୍ଧ୍ୟା ପର୍ଯ୍ୟନ୍ତ ମତଦାନ ହୋଇଥିବା ଜଣାପଡିଛି।
ସୂଚନା ମୁତାବକ, କୋକସରା ବ୍ଲକର ୨୨ଟି ପଞ୍ଚାୟତରେ ୮୭ ହଜାର ୮୩୯ ଭୋଟର ରହିଥିବା ବେଳେ ୭୦ ହଜାର ୬୧୬ ମତଦାତା ୨୫୬ଟି ବୁଥରେ ୧୨୩ ସରପଞ୍ଚ, ୯୬ ସମିତି ସଭ୍ୟ, ୨୮୩ ୱାର୍ଡ ସଭ୍ୟ ଏବଂ ୩ଟି ଜୋନର ୧୩ଜଣ ଜିଲା ପରିଷଦ ସଭ୍ୟଙ୍କ ପାଇଁ ମତଦାନ କରିଥିଲେ। କନ୍ଦାବୁଟୁରା ପଞ୍ଚାୟତ ତୁନଗାଁର ୫ଟି ବୁଥ ଓ ଆମପାଣି ପଞ୍ଚାୟତର କୁଟୁରୁ ଗ୍ରାମର ଗୋଟିଏ ବୁଥରେ ମତଦାତା ଭୋଟ ବର୍ଜନ କରିଛନ୍ତି।
ବ୍ଲକରେ ୮୦.୩୯ % ମତଦାନ ହୋଇଥିବା କୋକସରା ବିଡିଓ ତଥା ନିର୍ବାଚନ ଅଧିକାରୀ ମନୀସା ଦାସ ସୂଚନା ଦେଇଛନ୍ତି । ଶାନ୍ତି ଶୃଙ୍ଖଳାକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଥିଲା।
