ଲକ୍ଷ୍ନୌ,୩।୧: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରାରେ ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ମଙ୍ଗଳବାର ସାମିଲ ହୋଇଛନ୍ତି। କଂଗ୍ରେସର ଭାରତ ଯୋଡୋ ମଙ୍ଗଳବାର ସକାଳେ ଦିଲ୍ଲୀରୁ ଉତ୍ତରପ୍ରଦେଶରେ ପହଞ୍ଚିଥିଲା। ଯେଉଁଥିରେ ରାହୁଲ ଗାନ୍ଧୀଙ୍କ ସହ ଦଳର ବହୁ ବରିଷ୍ଠ ନେତା, କର୍ମୀ ଏବଂ ସମର୍ଥକ ମଧ୍ୟ ସାମିଲ ହୋଇଥିଲେ। ଏହି ଯାତ୍ରା ସକାଳ ପ୍ରାୟ ୧୦ଟା ସମୟରେ ଦିଲ୍ଲୀର କଶ୍ମୀର ଗେଟ୍ ନିକଟ ଯମୁନା ବଜାରରୁ ବାହାରି ଉତ୍ତରପ୍ରଦେଶର ଲୋନି (ଗାଜିଆବାଦ)ରେ ପହଞ୍ଚିଥିଲା। ଭାରତ ଯୋଡୋ ଯାତ୍ରା ୭ ସେପ୍ଟେମ୍ବରରେ କନ୍ୟାକୁମାରୀରୁ ଆରମ୍ଭ ହୋଇ ଡିସେମ୍ବର ୨୪ରେ ଦିଲ୍ଲୀରେ ପହଞ୍ଚିଥିଲା। ତେବେ ନଅ ଦିନର ବିରତି ପରେ ଏହି ଯାତ୍ରା ମଙ୍ଗଳବାର ପୁଣି ଆରମ୍ଭ ହୋଇଛି।
