ଚାଷ ଆରମ୍ଭରୁ ଚାଷୀଙ୍କୁ ସାର ସଙ୍କଟ: ମହଜୁଦ ସତ୍ତ୍ୱେ ଚାଷୀଙ୍କୁ ମିଳୁନି

ବରଗଡ଼,୩୦।୬(ପ୍ରେମାନନ୍ଦ ଖମାରୀ):ବରଗଡ଼ ଜିଲାକୁ ରାଜ୍ୟର ଭାତହାଣ୍ଡି କୁହାଯାଏ। ସର୍ବାଧିକ ଧାନ ଉପତ୍ାଦନ ଯୋଗୁ ରାଜ୍ୟରେ ଜିଲାର ଏଭଳି ପରିଚୟ ରହିଛି। କିନ୍ତୁ ଏଠାରେ ଚାଷ, ଚାଷୀଙ୍କ ସମସ୍ୟା ଥମିବାର ନାଁ ନେଉ ନାହିଁ। ବର୍ଷବର୍ଷ ଧରି ତାହା ଅସମାହିତ ହୋଇ ରହିଛି। ଅମଳ ପରେ ଧାନବିକ୍ରି ସମସ୍ୟା ସାଧାରଣରେ ପରିଣତ ହୋଇଥିବାବେଳେ ଚାଷକାର୍ଯ୍ୟ ଆରମ୍ଭରୁ ମଧ୍ୟ ଜିଲାର ଚାଷୀଙ୍କୁ ବହୁ ସମସ୍ୟାର ସମ୍ମୁଖୀନ ହେବାକୁ ପଡୁଛି। ଜିଲାରେ ଏବେ ଖରିଫ୍‌ ଚାଷକାର୍ଯ୍ୟ ଆରମ୍ଭ ହୋଇଯାଇଛି। ତେବେ ଆରମ୍ଭରୁ ଜିଲାରେ ସାର କଳାବଜାର ଚର୍ଚ୍ଚାର ବିଷୟ ହୋଇଛି। ଅନ୍ୟପଟେ ଏହା ରୋକିବାକୁ କୃଷି ବିଭାଗ ନୀରବଦ୍ରଷ୍ଟା ସାଜିବା ସମସ୍ତଙ୍କୁ ଚକିତ କରି ପକାଇଛି। ଜିଲାରେ ସାଧାରଣତଃ ଜୁନ ୧୫ତାରିଖରୁ ଖରିଫ୍‌ ଚାଷକାର୍ଯ୍ୟ ଆରମ୍ଭ ହୋଇଥାଏ। ତେବେ ଏପର୍ଯ୍ୟନ୍ତ କେନାଲ ପାଣି ଛଡ଼ାଯାଇ ନଥିଲେ ମଧ୍ୟ ଜିଲାର ଚାଷୀମାନେ ଜଳାଶୟ, ଗଭୀର ନଳକୂପ କିମ୍ବା ଅନ୍ୟ ବିକଳ୍ପ ବ୍ୟବସ୍ଥାରେ ସଂରକ୍ଷିତ ପାଣି ବ୍ୟବହାର କରି ଚାଷକାର୍ଯ୍ୟ ଆରମ୍ଭ କରିଛନ୍ତି। କେହି ଜମି ହଳ କରି ସାରି ଥିବାବେଳେ ଆଉ କିଏ ତଳିପକା ତଥା ଧାନପହ୍ଲା ପକାଇବା କାର୍ଯ୍ୟକୁ ଆରମ୍ଭ କରି ଦେଇଛନ୍ତି। କେନାଲ ପାଣି ବନ୍ଦ ଥିବା ସହିତ ଆଶାନୁରୂପ ବର୍ଷା ଏଥର ହୋଇ ନଥିବାରୁ ଚାଷକାର୍ଯ୍ୟ ଶୀଥିଳ ପଡ଼ିଛି। କିନ୍ତୁ କେନାଲ ପାଣି ଛଡ଼ାଯିବା ଏବଂ ବର୍ଷା ହେବା ପରେ ଚାଷକାର୍ଯ୍ୟ ଆହୁରି ଜୋର୍‌ ଧରିବ। କିନ୍ତୁ ଚାଷକାର୍ଯ୍ୟ ଆରମ୍ଭରୁ ସାର ସଂକଟ ଏବଂ ସାର କଳାବଜାର ଚାଷୀମାନଙ୍କୁ ଚିନ୍ତାରେ ପକାଇ ଦେଇଛି।
ବରଗଡ଼ ଜିଲାରେ ସାଧାରଣତଃ ୨ଲକ୍ଷ ୫୦ହଜାର ହେକ୍ଟର ଜମିରେ ଖରିଫ ଚାଷକାର୍ଯ୍ୟ ହୋଇଥାଏ। ଏଭଳି ଚାଷକାର୍ଯ୍ୟକୁ ଅନୁଧ୍ୟାନ କରି କୃଷି ବିଭାଗ ମଧ୍ୟ ଜିଲାକୁ ସାର ଯୋଗାଇ ଆସୁଛି। ଜିଲାକୁ ଖରିଫ ପାଇଁ ୩୯ହଜାର ୧ଶହ ମେଟ୍ରିକ ଟନ ୟୁରିଆ, ୧୪ହଜାର ୮୭୫ ମେଟ୍ରିକ ଟନ୍‌ ଡିଏପି, ୯୭୦୦ ମେଟ୍ରିକ ଟନ୍‌ ଏମଓପି, ୨୪ହଜାର ୯୨୦ ମେଟ୍ରିକ ଟନ୍‌ ଏନ୍‌ପିକେଏସ୍‌(ଗ୍ରୋମୋର) ଏବଂ ୫୦୦ ମେଟ୍ରିକ ଟନ୍‌ ଏସ୍‌ଏସ୍‌ପି ସାର ଆବଶ୍ୟକତା ରହିଛି। ଏହି କ୍ରମରେ ଚଳିତ ମାସ ସୁଦ୍ଧା ୧୦ହଜାର a୫୦ ମେଟ୍ରିକ ଟନ ୟୁରିଆ, ୬୭୭୫ ମେଟ୍ରିକ ଟନ୍‌ ଡିଏପି, ୫ ହଜାର ମେଟ୍ରିକ ଟନ୍‌ ଏମଓପି, ୮୬୬୦ ମେଟ୍ରିକ ଟନ୍‌ ଏନପିକେଏସ୍‌ ଏବଂ ୧୭୦ ମେଟ୍ରିକ ଟନ୍‌ ଏସ୍‌ଏସ୍‌ପି ସାର ଦରକାର ରହିଛି। ଜିଲା କୃଷି ବିଭାଗ ପାଖରେ ପ୍ରାୟତଃ ଏହି ପରିମାଣର ଉପରୋକ୍ତ ସାର ପହଞ୍ଚି ସାରିଛି। ବିଭିନ୍ନ ଲାଇସେନ୍ସ ପ୍ରାପ୍ତ ସାର ବିକ୍ରେତା ଏବଂ ପ୍ରାଥମିକ କୃଷି ସମବାୟ ସମିତି(ପାକ୍ସ) ତାହା ନେଇ ମଧ୍ୟ ସାରିଛନ୍ତି। ହେଲେ ଚାଷୀମାନେ ସାର ପାଇଁ ଆରମ୍ଭରୁ ବହୁ ହଇରାଣ ହରକତ ହେଉଥିବା ଅଭିଯୋଗ କରୁଛନ୍ତି। ଏପରିକି କେତେକ ଲାଇସେନ୍ସପ୍ରାପ୍ତ ବିକ୍ରେତା ସାର ମହଜୁଦ ଥିବା ସତ୍ତ୍ୱେ ଅଭାବ ରହିଥିବା ଦର୍ଶାଉ ଥିବାବେଳେ ଚଢ଼ାଦରରେ ତାକୁ ବିକ୍ରି କରୁଥିବା ଅଭିଯୋଗ ହୋଇଛି। ୟୁରିଆ ସାର ୪୫କି.ଗ୍ରା ପ୍ୟାକେଟ୍‌ ପ୍ରତି ୨୬୬ ଟଙ୍କା ୫୦ପଇସା, ଡିଏପି ସାର ୫୦କି.ଗ୍ରା ପ୍ୟାକେଟ୍‌ ପ୍ରତି ୧୩୫୦ ଟଙ୍କା, ଏମ୍‌ଓପି ସାର ୫୦କି.ଗ୍ରା ପ୍ୟାକେଟ୍‌ ପ୍ରତି ୧୭୦୦ ଟଙ୍କା, ଏନପିକେଏସ୍‌ ସାର ୫୦କି.ଗ୍ରା ପ୍ୟାକେଟ୍‌ ପ୍ରତି ୧୪୭୦ ଟଙ୍କା, ଏଏସପି ସାର ୫୦କି.ଗ୍ରା ପ୍ୟାକେଟ୍‌ ପ୍ରତି ୪୨୫ ଟଙ୍କାରୁ ୫୦୦ ଟଙ୍କା ରହିଛି। ମାତ୍ର ଚାଷକାର୍ଯ୍ୟ ଆରମ୍ଭରୁ ୟୁରିଆ, ଡିଏପି, ଏନ୍‌ପିକେଏସ୍‌(ଗ୍ରୋମର) ସାର ଦରକାର ପଡୁଥିବା ବେଳେ ବିକ୍ରେତାମାନେ ଏହି ସାରବିକ୍ରିରେ କଳାବଜାର କରୁଥିବା ଅଭିଯୋଗ ହୋଇଛି। ଏହାକୁ ଏବେଠାରୁ ନିୟନ୍ତ୍ରଣ କରା ନଗଲେ ଆଗକୁ ଜିଲାରେ ସାର ସଂକଟ ଆହୁରି ସଙ୍ଗୀନ ରୂପ ନେବ ବୋଲି ଆଶଙ୍କା ପ୍ରକାଶ ପାଇଛି।

 

Dharitri – Odisha’s No.1 Odia Daily

 


Enter your email to get our daily news in your inbox.

All Right Reserved By Dharitri.Com

ବାବୁବନ୍ଧ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଟ୍ରକ ଧକ୍କାରେ ଜେଜେ-ନାତିଙ୍କ ମୃତ୍ୟୁ

ସମ୍ବଲପୁର,୨୦।୧୧: ଶୁକ୍ରବାର ସକାଳୁ ସକାଳୁ ଜାତୀୟ ରାଜପଥ(୫୩)ର ବାବୁବନ୍ଧ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ଜେଜେ ଏବଂ ତାଙ୍କର ୧୦…

‘ଅର୍ଣ୍ଣବ’ ତୁଳନାରେ ‘ଅକ୍ୱାନ’ରେ ବର୍ଷା ପରିମାଣ ବହୁତ କମ: ସର୍ବାଧିକ ୬୭ ମିମି ବର୍ଷା ରେକର୍ଡ

ଦାରିଙ୍ଗବାଡ଼ି, ୨୦।୧୧ (ଅରୁଣ ସାହୁ): ବାତ୍ୟା ‘ଅକ୍ୱାନ’କୁ ମୁକାବିଲା କରିବା ପାଇଁ ଦାରିଙ୍ଗବାଡ଼ି ବ୍ଲକ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ତେବେ ଗୁରୁବାରଠାରୁ ଶୁକ୍ରବାର ସକାଳ…

୧୦ ହଜାର ରୋହିଙ୍ଗ୍ୟାଙ୍କୁ ହତ୍ୟା କରିଛି ମ୍ୟାନ୍‌ମାର ସେନା: ଆଇସିଜେ

ଦି ହେଗ,୨୦।୧୧: ୨୦୧୭ ମସିହାରେ ସଂଖ୍ୟାଲଘୁ ମୁସଲମାନ ସମ୍ପ୍ରଦାୟ ଉପରେ ହୋଇଥିବା ବର୍ବର ଦମନଲୀଳା ସମୟରେ ମ୍ୟାନ୍‌ମାର ସୁରକ୍ଷା ବଳ ହଜାର ହଜାର ରୋହିଙ୍ଗ୍ୟା ନାଗରିକଙ୍କୁ ହତ୍ୟା…

ଅଧରାତିରେ ଗାଁରେ ପହଞ୍ଚିଲେ ବିଡିଓ-ତହସିଲଦାର: ବାତ୍ୟା ‘ଅକ୍ୱାନ’ ମୁକାବିଲା ପାଇଁ କେସିଙ୍ଗା ପ୍ରଶାସନ ତତ୍ପର

କେସିଙ୍ଗା, ୨୦।୧୧ (ତୁମେଶ୍ୱର ସାହୁ): ବଙ୍ଗୋପସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ଼ ‘ଅକ୍ୱାନ’ର ସମ୍ଭାବ୍ୟ ପ୍ରଭାବକୁ ଦୃଷ୍ଟିରେ ରଖି କଳାହାଣ୍ଡି ଜିଲାରେ ପ୍ରଶାସନିକ ତତ୍ପରତା ବୃଦ୍ଧି ପାଇଛି।…

ଜାନୁଆରୀ ୧ରୁ ଭାରତୀୟଙ୍କ ପାଇଁ ମାଲେସିଆର ଭିଜାମୁକ୍ତ ପ୍ରବେଶ ବନ୍ଦ

ସିଙ୍ଗାପୁର,୨୦ା୧୧(ପି.ଟି.): ଭାରତୀୟ ନାଗରିକଙ୍କ ପାଇଁ ମାଲେସିଆ ଆସନ୍ତା ଜାନୁଆରୀ ୧ରୁ ଭିଜାମୁକ୍ତ ପ୍ରବେଶ ସୁବିଧା ବନ୍ଦ କରିବାକୁ ଯାଉଛି। ମାଲେସିଆର ଇମିଗ୍ରେସନ ବିଭାଗ ପକ୍ଷରୁ ଏହି ଘୋଷଣା…

ମା’ଗୃହରେ ୧୦ ଗର୍ଭବତୀ ସୁରକ୍ଷିତ: ରାତିଅଧିଆ ପହଞ୍ଚିଲେ ପ୍ରଶାସନିକ ଅଧିକାରୀ

ଦାରିଙ୍ଗବାଡ଼ି, ୧୯।୧୧ (ଅରୁଣ ସାହୁ): ବାତ୍ୟା ‘ଅକ୍ୱାନ’ର ସମ୍ଭାବ୍ୟ ପ୍ରଭାବକୁ ନଜରରେ ରଖି ଦାରିଙ୍ଗବାଡ଼ି ଅଞ୍ଚଳରେ ପ୍ରଶାସନ ପକ୍ଷରୁ ଆଗୁଆ ସତର୍କତା ଓ ସୁରକ୍ଷା ବ୍ୟବସ୍ଥା ଗ୍ରହଣ…

ନିଲାମରେ ଇତିହାସ ରଚିଲା ଭାନ୍‌ ଗଗ୍‌ଙ୍କ ଚିତ୍ରକଳା, ଭାଙ୍ଗିଲା ୨୦୨୨ର ରେକର୍ଡ

ନ୍ୟୁୟର୍କ,୨୦।୧୧(ପି.ଟି.): ବିଶ୍ୱପ୍ରସିଦ୍ଧ ଡଚ୍‌ (ନେଦରଲାଣ୍ଡସ୍‌ ନାଗରିକ) ଚିତ୍ରଶିଳ୍ପୀ ଭିନ୍‌ସେଣ୍ଟ ଭାନ୍‌ ଗଗ୍‌ଙ୍କ ଏକ ଦୁର୍ଲଭ ଚିତ୍ରକଳା ନିଲାମ ଇତିହାସରେ ସମସ୍ତ ପୁରୁଣା ରେକର୍ଡ ଭାଙ୍ଗି ୧୯୦.୪ ନିୟୁତ…

ମାଡ଼ି ଆସିଲାଣି ବର୍ଷା, ଖୋଲିଲାନି ଧାନମଣ୍ଡି: ମୁଣ୍ଡ ଟେକିଛି ଆନ୍ଦୋଳନ

ବରଗଡ଼,୨୦।୧୧(ପ୍ରେମାନନ୍ଦ ଖମାରୀ):ଅଧିକ ଧାନ ଉପତ୍ାଦନ ଯୋଗୁ ବରଗଡ଼ ଜିଲାକୁ ରାଜ୍ୟର ଭାତହାଣ୍ଡି କୁହାଯାଏ। ହେଲେ ଏଠାରେ ଧାନଚାଷୀଙ୍କ ଦୁଃଖ ସରୁ ନାହିଁ। ଜିଲାରେ ଧାନ ବିକ୍ରିବଟା ସମସ୍ୟା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?